"Ọlọrun ti gba ọkọ mi!" Niniola, gbajúmọ olórin tàkasúfèé kéde ikú ọkọ rẹ̀
Oríṣun àwòrán, officialniniola/ instagram
Eekan akọrin takasufe obinrin ni, Niniọla Apata ti kede iku ọkọ rẹ.
Gbajumọ akọringbayi naa kede eyi ninu awọn ọrọ to fi lede loju opo ayelujara Instagram rẹ ni kutu ọjọru.
Oríṣun àwòrán, officialniniola/instgram
Niniọla kọ ọ si oju opo rẹ: "Ọlọrun ti gba ọkọ mi,".
"Ọkọ mi ti ku" lo fi kun un.
O ni ọdun mẹtala lawọn ti fi n fẹra.
Ninu ọkọọkan atẹjade to fi sita naa lo ti fi fọto oun ati ọkọ rẹ sii.
Oríṣun àwòrán, officialniniola/instgram
Ko tii si ẹni tii mọ ohun gan to ṣe okunfa iku ọkọ rẹ naa nitori pe gbajumọ olorin obinrin yii ko fi igba kankan gbe iroyin nipa ile rẹ sode gbangba tabi ayelujara ri.
Oríṣun àwòrán, officialniniola/instgram
Niniọla, ẹni ọdun mọkandinlogoji di ilu mọọka lẹyin to moke nibi idije orin kikọ Project Fame West Africa lọdun 2013, to si ti gba ibẹ di ọkan lara awọn olorin lati Naijiria to ti di ogo agbaye.
Tani ọkọ Niniọla to jade laye?
Oríṣun àwòrán, officialniniola/instgram
Orukọ ọkọ Niniọla to jade laye naa ni Michael Ndika.
Nigba aye rẹ oun ni oludari agba ileeṣẹ NaijaReview to jẹ ileeṣẹ nla kan to n ṣe agbodegba fun orin igbalode lati ilẹ Afrika.
