Keksa fohishalar uchun mehribonlik uyi

- Author, Kleyton Konn, Meksika
- Role, BBC Jahon Xizmati
Published 1 феврал 2017
Янгиланди 2 феврал 2017

Karmen Munoz bundan 11 yil oldin Meksika poytaxtidagi yomonotliq boʻlgan koʻchalarning biridan oʻtarkan, chiqindixona yonida gʻimirlagan narsaga koʻzi tushadi.

Qarovsiz bolalarmi, degan xayolda borib qarasa, bir paytlar oʻzi bilan birga ishlagan ayollar ekan.

Ular keksayganda endi ishsiz va uysiz, koʻchada qolishgandi.

Karmen ham chiqindixonada yashayotgan bu uch ayol kabi uzoq yillar xuddi shu yerlarda oʻz tanasini sotib, pul topgan: Ya'ni fohiashalik qilishgan.

Karmen Munoz eski hamkasblariga yordam berish uchun ularni uyiga olib ketadi.

Plaza Loreto koʻchasida — Сурат тагсўзи, Karmen Munoz 40 yil davomida Plaza Loreto soʻqoqlariga chiqib pul topgan, shaʼnini bukib, qaddini tiklab olgan, bolalarini boqqan, ularni oʻqitgan.

Karmenning oʻzi ham eri tashlab ketganida juda qiynalgan, koʻchadagi shu qadim kasb boʻlmasa, hech qachon bolalarini ulgʻaytira olmasdi.

Chunki hech kim koʻp bolali besavod onaga ish bermagan.

Meksikada esa koʻchada qolish - huquqsizlik, himoyasizlik va ochlik degani.

Skip Энг кўп ўқилган and continue reading

Энг кўп ўқилган

End of Энг кўп ўқилган

U 40 yil davomida Plaza Loreto soʻqoqlariga chiqib pul topgan, shaʼnini bukib, qaddini tiklab olgan.

Shu bois u oʻzi kabi ayollarning ahvolini yaxshi tushunadi.

Muruvvat uyida — Сурат тагсўзи, Muruvvat uyi qadim Atstek madaniyatida ayol shahvoniy qudratini ramzlantiruvchi iloha sharafiga Casa Xochiquetzal deb ataladi.

Karmen 3 ayolga boshpana bergani bilan koʻchada qolayotgan yuzlab keksa fohishalar muammosini hal qila olmasdi.

Shu uchun u mashhur sanʼatkorlar va oʻzi kabi faol sobiq fohishalar bilan birgalashib, mahalliy hokimiyatga murojaat qiladi.

Nihoyat, mahalliy rasmiylar ayollar ishlagan Plaza Loreto mavzesiga yaqin yerda ular uchun 18-asrda qurilgan ta'mirtalab eski binoni ajratishadi.

Luchita Casa Xochiquetzal muruvvat uyida — Сурат тагсўзи, Luchita ham agar Casa Xochiquetzal muruvvat uyi boʻlmasa, koʻchada qolgan boʻlurdi. Bugun boshida boshpana, dasturxonida ovqati va hatto boʻyanish uchun imkoni ham bor.

Casa Xochiquetzal Muruvvat uyi ancha koʻrimsiz va taʼminot qiyin. Lekin bu yerda keksa fohisha ayollar qadr-qimmati yerga urilmaydi.

Bir umr jamiyat oyoq uchida koʻrsatib kelgan ayollar uchun oʻzini qadrli va hurmatga sazovor his qilish muhim.

"Men oʻzimni hurmatga loyiqman, deb ishontirganman" - deydi Karmen Munoz.

Norma kabi ayollar muruvvat uyida bexavotir va tinch yashashadi. — Сурат тагсўзи, Norma kabi ayollar muruvvat uyida, oʻzlari uchun ajratilgan alohida xonalarda bexavotir va tinch yashashadi.

Сурат тагсўзи, Muruvvat uyidagi keksa ayollar oʻzlari uchun ovqat pishirishadi, bir-birlariga qarashadi.

Hozir bu yerdagi ayollar turli ishlar bilan shugʻullanib, oʻzlarini taʼminlashga hissa qoʻshishmoqda.

Ayrim ayollar taqinchoqlar yasashadi. Pazandalikka qiziqadiganlar esa pishiriq va shirinliklar pishirib, sotuvga chiqarishadi.

Xullas, yoshliklarida oʻrgana olmagan hunarlarni endi ishga solishmoqda.

Kanela va Norma bir xonada yashashadi. — Сурат тагсўзи, Bir paytlar koʻchada bir-biriga raqib boʻlgan ayollar endi dugona, bir-biriga suyanib qolishgan.

Сурат тагсўзи, Mariya Izabella ham Casa Xochiquetzal muruvvat uyida boshpana topdi.

Bu yerdagi ayollar aksarisi yoshligida koʻchada ishlab, sogʻligʻini yoʻqotgan va koʻpi hozir qarib qolgan. Eng keksa ayolning yoshi 80da.

Shu bois ularning sogʻliklarini kuzatib borish ham muhim masala.

Ayrim ayollar esa hayotida duch kelgan zoʻravonlik yo tahqirlar sababli hali-hamon ruhiy muolajaga muhtoj.

Сурат тагсўзи, Marbella yoshligidan Tolstoy, Kafka va Nerudani oʻqigan, ziyoli ayol.

Bu yerdagi ayollarni jamiyat ayblaydi. Ammo ayrim hikoyalar odamni o`yga toldiradi:

Marbella 70 yoshga yaqinlashib qolgan. Uning xonasida Pablo Neruda, Lev Tolstoy va Frants Kafka kitoblarini koʻrasiz.

Hali 9 yoshida koʻchada qolgach, bir ayol uni boqib oladi. Ammo maktab pulini topish uchun 16 yoshidan oʻz tanasini sotishga majbur boʻladi.

"Boshqa hech qanday ilojim yoʻq edi" - deydi Marbella.

U fohishalik ortidan uch bolasini katta qiladi. Ammo to`ng`ich qizi qon saratoni bois olamdan oʻtgach, qattiq tushkunlikka tushadi.

Koʻchaga chiqib ishlay olmaydi. Uy kirasini toʻlolmay, koʻchada qoladi.

Ne ajabki, yoshligida ota-onasi voz kechgani bois fohishalik yoʻliga kirgan boʻlsa, xuddi shu kasbi bois keksayganda, bolalari ham undan yuz oʻgirishadi.