దిల్లీ : 12 ఫోటోలలో సీజేపీ ఆందోళన

జంతర్ మంతర్, భద్రత — ఫొటో క్యాప్షన్, జంతర్ మంతర్ వద్ద ఆందోళనలో పాల్గొనడానికి వెళుతున్న యువకుడిని అదుపులోకి తీసుకుంటున్న భద్రతా బలగాలు

ప్రచురణ 3 గంటలు క్రితం

చదివే సమయం: 3 నిమిషాలు

ఎన్నికల కమిషనర్ జ్ఞానేశ్ కుమార్ రాజీనామా చేయాలని కాక్రోచ్ జనతా పార్టీ పిలుపిచ్చిన ఆందోళనలో పాల్గొనడానికి వేలాది మంది దేశ రాజధాని దిల్లీకి చేరుకున్నారు. కొంతమందిని పోలీసులు మధ్యలోనే అడ్డుకున్నారు.

దిల్లీలో యుద్ధ వాతావరణం ఉన్నట్లుగా పోలీసులను, పారామిలిటరీ బలగాలను మోహరించారని కాంగ్రెస్ ఎంపీ శశి థరూర్ 'ఎక్స్'లో రాశారు.

"దిల్లీలో అనేక చోట్ల పోలీసు చెక్‌పోస్టులు ఉన్నాయి, రోడ్లపై కాంక్రీట్ బారికేడ్లు, ముళ్ల తీగలను ఏర్పాటు చేశారు. ఏదో యుద్ధం జరుగుతున్నట్లుగా నగరం అంతటా 22,000 మంది పోలీసులను, పారామిలిటరీ బలగాలను మోహరించారు" అని కాంగ్రెస్ ఎంపీ శశిధరూర్ తెలిపారు.

దిల్లీ నుంచి రాకపోకలు సాగించే 250 రైళ్లను రద్దు చేశారు. 52 మెట్రో స్టేషన్లను మూసివేశారు.

దిల్లీ ఆందోళనలు, కాక్రోచ్ జనతా పార్టీ, జ్ఞానేశ్ కుమార్, కాంగ్రెస్ పార్టీ — ఫొటో క్యాప్షన్, ఆందోళనలో పాల్గొన్న ఓ యువతిని అదుపులోకి తీసుకున్న తర్వాత బస్సులోకి ఎక్కించి తీసుకెళుతున్న పోలీసులు

దిల్లీలో జరిగిన నిరసన ప్రదర్శనలో నిరసనకారులతో పాటు కొంతమంది జర్నలిస్టులను కూడా పోలీసులు అదుపులోకి తీసుకున్నారు.

అదుపులోకి తీసుకున్న జర్నలిస్టులలో న్యూస్‌లాండ్రీ, స్క్రోల్.ఇన్, నవభారత్ టైమ్స్‌కు చెందినవారు ఉన్నారు.

"జర్నలిస్టులు తాము మీడియాకు చెందినవారమని చెప్పినప్పుడు, అక్కడ మీడియా అనేదే లేదని వారికి చెప్పారు. జర్నలిస్టుల వద్ద నుంచి ఫోన్లను కూడా లాక్కున్నారు. నిరసనకారులు, జర్నలిస్టులతో సహా సుమారు 30 మందిని ఒకే బస్సులో కూర్చోబెట్టారు" అని న్యూస్‌లాండ్రీ ఒక ప్రకటనలో పేర్కొంది.