Ụfọdụ ụmụafọ Naịjirịa maọbụ ndị mgbọrọgwụ ha bụ Naịjirịa ga-eso n'asọmpi Iko Mba Ụwa 2026

Aha onyonyo, Ụfọdụ ụmụafọ Naịjirịa ga-agbara mba ndị ọzọ n'Iko Mbaụwa

Mgbe e biputara ya 9 Juun 2026, 15:42 WAT

Mgbe ikpeazụ e tinyere ya ozi ọhụrụ nkeji 12 gara aga

Oge e ji agụ akụkọ nkeji 3

Dịka anyị maara, Naịjirịa ga-anọ na-ele n'anya, n'ihi na otu egwu bọọlụ Super Eagles etozughị oke isonye n'asọmpi Iko Mba Ụwa nke afọ 2026. Mana, Naịjirịa ọ ga-agbaracha aka kpamkpam? Mba nụ.

O nwere ụfọdụ ụmụafọ Naịjirịa maọbụ ndị mgbọrọgwụ ha bụ Naịjirịa ga-eso n'asọmpi ahụ, mana ha ga-agbara mba ọzọ.

Otu n'ime ha bụ Bukayo Saka na-agbara Arsenal n'akụkụ, onye bụ nwaafọ Yoruba a mụrụ na Lọndọn, mana ọ ga-agbara otu egwu bọọlụ mba Ịngland.

Eberechi Eze na-agbara Arsenal n'etiti bụ nwaafọ Mbaise dị n'Imo steeti a mụrụ na Greenwich dị na Greater London, mana ọ ga-agbara otu egwu bọọlụ mba Ịngland.

Chukwunonso Azuka Madueke a maara nke ọma dịka Noni Madueke bụ nwaafọ Naịjirịa a mụrụ na Lọndọn. Ọ na-agbara Arsenal n'akụkụ, dịka ọ ga-agbakwara otu egwu bọọlụ Ịngland n'asọmpi Iko Mbaụwa.

Skip Lee akụkọ ndị ọzọ ga-amasị gị ebe a and continue readingLee akụkọ ndị ọzọ ga-amasị gị ebe a

End of Lee akụkọ ndị ọzọ ga-amasị gị ebe a

Ndị ọzọ gụnyere:

Jamal Musiala na-agbara Bayern Munich n'etiti bụ nwaafọ Naịjirịa nne ya bụ onye Jamini, mana ọ ga-agbara otu egwu bọọla mba Jamini.

Felix Mmecha na-agbara Borussia Dortmund n'etiti bụ nwaafọ Naịjirịa, mana ọ ga-agbara otu egwu bọọlụ mba Jamini.

Skip Akachasị Gụọ and continue reading

Akachasị Gụọ

End of Akachasị Gụọ

Manuel Akanji na-agbara Inter Milan dịka onye mkpachi etiti bụ nwaafọ Naịjirịa nne ya bụ onye Swizaland, mana ọ ga-agbara otu egwu bọolụ mba Swizaland.

Noah Okafor na-agbara Leeds United n'ihu bụ nwaafọ Igbo, mana ọ ga-agbara otu egwu bọọlụ Swizaland.

Tani Oluwaseyi na-agbara Villarreal n'ihu bụ nwaafọ Naịjirịa a mụrụ n'Abụja tupu ọ kwagaa Nọt Amerịka, mana ọ ga-agbara Kanada.

Promise David na-agbara Royal Union SG dịka onye na-asụnye goolu bụ nwaafọ Yoruba, mana ọ ga-agbara otu egwu bọọlụ mba Kanada.

David Alaba na-agbara Real Madrid n'etiti nakwa dịka onye mkpachi bụ nwaafọ Naịjirịa nne ya bụ onye Filipino, mana ọ ga-agbara otu egwu bọọlụ mba Ọstrịa.

Carney Chukwuemeka na-agbara Borussia Dortmund n'etiti bụ nwaafọ Naịjirịa, mana ọ ga-agbara otu egwu bọọlụ mba Ọstrịa.

Michael Olise na-agbara Bayern Munich n'akụkụ bụ nwaafọ Naịjirịa a mụrụ na Lọndọn, mana ọ ga-agbara otu egwu bọọlụ mba Fransị.

Kedụ ka ọgbabọọlụ nwereike isi tozuo oke ịgbara mba ọzọ bọọlụ?

Foto gosiri ndị ọgbabọọlụ gụnyere Chukwunonso Azuka Madueke, Bukayo Saka na Eberechi Eze

N'egwuruegwu bọọlụ ụkwụ, ọgbabọọlụ na-etozu oke ịgbara mba ọzọ site n'inweta ikike ịbụ nwaafọ nke mba ahụ maọbụ inwe mgbọrọgwụ na mba ahụ. Iwu FIFA kwuru na onye ọgbabọọlụ chọrọ ịgbanwe mba ha na-agbara bọọlụ ga-eburịrị ụzọ nweta nkwado, ma mezuokwa ihe ndị a:

* Igosi na a mụrụ ya onwe ya, nne maọbụ nna mụrụ ya maọbụ nnenne maọbụ nnanna ya na mba ahụ.

* Ọ bụrụ na o nweghị ihe dị etu ahụ, ọ ga-egosi na ya ebiela na mba ahụ ihe ruru afọ ise maọbụ karịa kemgbe o ruru afọ iri na asatọ.

* Ọgbabọọlụ agaghị enwe ike gbanwee mba ọ na-agbara bọọlụ ma ọ bụrụ na o nweela oge ọ gbarala mba ọzọ n'asọmpi ndị toro eto, dịka Iko Mbaụwa maọbụ ntozuoke mba dị iche iche.

* Ọgbabọọlụ na-akarịbeghị afọ iri abụọ na otu nwere ohere ịgbanwe mba ndị ọ na-agbara bọọlụ ma ọ bụrụ na ọ gbabeghị asọmpi ndị toro eto ugboro atọ, nke na-agụnyeghị Iko Mbaụwa maọbụ Iko mba dị iche iche, n'ime afọ atọ gara aga.