Akụkọ dị mkpa - Mee 26, 2026
Akụkọ dị mkpa - Mee 26, 2026
Mgbe e biputara ya
Gee ihe na-eme n'ụwa taa n'otu nkeji:
- Ụlọikpe Ukwu dị n'Abuja akagbuola akwụkwọ ikpe Ọkaiwu Johnmary Jideobi gbara iji gbochie Goodluck Jonathan ịzọ ọkwa onyeisiala na ntuliaka afọ 2027.
- Ọkaikpe Lifu kwuru na ọkaiwu Jideobi enweghị ikike ịgba Jonathan akwụkwọ n'ụlọikpe ma nye iwu ka ọkaiwu Jideobi kwụọ Goodluck Jonathan nde naịra iri abụọ maka imetọ ya.
- Gọvanọ ọchịchị ndịagha mpaghara Ituri dị na mba DR Kongo bụ Johnny Luboya kwuru na nfesa ọrịa Ebola bụ oke ihe na-echere mpaghara ahụ aka mgba ebe ọ kpọrọ oku enyemaka n'aka mbaụwa n'ihi na ndị butere ọrịa ahụ enweghị ihe oriri.
- Mpaghara Ituri, bụ ebe ọrịa Ebola kachasị metụta na mba ahụ.
- Ka ọ dị ugbua, ụlọọrụ World Health Organization (WHO) ekwuola na ọrịa Ebola egbuola ihe ruru mmadụ narị abụọ na iri abụọ na abụọ ebe mmadụ narị itoolu butere ya kemgbe o tiwpụrụ.
Soyere anyị na websaịtị, Instagram, Facebook na WhatsApp chanelụ maka akụkọ niile na-eme n'ụwa.
