ကမ္ဘာ့ဖလားအဖွင့်ပွဲကစားပြီးတဲ့အသင်းတွေကို ၁ ကနေ ၄၈ အဆင့်သတ်မှတ်ဆန်းစစ်ခြင်း

အာဂျင်တီးနားအသင်းဟာ ကမ္ဘာ့ဖလားအဖွင့်ပွဲကို ထူးထူးခြားခြားနိုင်ပွဲနဲ့ စတင်ခဲ့တာပါ။ ဒါပေမဲ့ ဒီလို အဖွင့်ပွဲကို အကောင်းဆုံးကစားခဲ့တာ အာဂျင်တီးနားအသင်းတစ်သင်းတည်းမဟုတ်ဘူးလို့ ဘီဘီစီ အားကစားကျွမ်းကျင်သူတွေက ပြောပါတယ်။

ကမ္ဘာ့ဖလား ပြိုင်ခဲ့ကြတဲ့ နိုင်ငံအသင်းတွေရဲ့အဖွင့်ပွဲတွေကို မပြတ်စောင့်ကြည့်ခဲ့ကြတဲ့ ဘီဘီစီ အားကစားသတင်းထောက်တွေထဲက အချို့ကို စုစည်းပြီး အသင်းတွေအပေါ် သူတို့ အမြင်ကို မေးကြည့်ခဲ့ပါတယ်။

သူတို့က အဖွင့်ပွဲကစားခဲ့ကြတဲ့ ၄၈ သင်းတွေထဲက စွမ်းဆောင်ရည်အကောင်းဆုံးအသင်းတွေကို ၁ ကနေ ၄၈ အထိ အဆင့်သတ်မှတ်ပေးထားပါတယ်။

သူတို့ သုံးသပ်ပေးထားတဲ့အဆင့်တွေက ဘီဘီစီ ပရိသတ်တွေနဲ့အမြင်နဲ့ တစ်ထပ်တည်း ကျ မကျ ဆက်လက်ဖတ်ရှုနိုင်ပါတယ်။

၁ -၁၀

၁ - ပြင်သစ်

အုပ်စု အိုင် - ဆီနီဂေါကို ၃ - ၁ နဲ့နိုင်

ကမ္ဘာ့ဖလားမပြိုင်ခင်ကတည်းက လူပြောများနေတဲ့ပြင်သစ်အသင်းဟာ ပွဲကစားချိန် ဒုတိယပိုင်းမှာလည်း အကောင်းဆုံးကစားပြသွားခဲ့ပါတယ်။ ကစားသမားတွေဟာ လူမှန်နေရာမှန် အခုိင်မာဆုံးကစားခဲ့ပါတယ်။ အကောင်းဆုံးအသင်းဆိုတဲ့ခေါင်းစဉ်နဲ့ ထိုက်တန်ပါတယ်။

၂ - အင်္ဂလန်

အုပ်စု အယ်လ် - ခရိုအေးရှားကို ၄ -၂ နဲ့နိုင်

လေးဂိုးအထိသွင်းယူခဲ့ပါတယ်။ ဒီထက်ပိုသွင်းနိုင်ဖို့လည်း အခွင့်အရေးများခဲ့ပါတယ်။ အသင်းခေါင်းဆောင် ဟယ်ရီကိန်း ဦးဆောင်မှုတဲ့ အကောင်းဆုံးတိုက်စစ်ကစားခဲ့ပါတယ်။ ဒါပေမဲ့ နောက်တန်းမှာ အနည်းငယ်အားနည်းတယ်လို့ ယူဆရပါတယ်။

၃ - အာဂျင်တီးနား

အုပ်စု ဂျီ၊ အယ်လ်ဂျီးရီးယားကို ၃ - ၀ နဲ့နိုင်

အာဂျင်တီးနားဟာ တစ်သင်းလုံး လီယွန်နယ်မက်ဆီကို ချစ်ကြပါတယ်။ တစ်သင်းလုံးဟာ သူ ပါဝင်ကစားတာ၊ သူ့ ဉာဏ်ကြီးပုံကြောင့်လည်း ပိုထင်းခဲ့တယ်လို့ဆိုနိုင်ပါတယ်။ ဒီလောက်ဆို အာဂျင်တီးနားအတွက် လုံလောက်ပါပြီ။

၄- ဂျာမနီ

အုပ်စု အီး၊ ချူရာဆောင်းကို ၇ -၁ နဲ့နိုင်

အဖွင့်ပွဲစဉ်မှာ ၇ ဂိုးအထိ သွင်းခဲ့တဲ့ ဘယ်အသင်းကိုမဆို မေ့ထားလို့ မရပါဘူး။ တစ်ဖက်အသင်းက အရည်အသွေးပိုင်းကို ထည့်တွက်ရတာမျိုး ရှိနေပေမဲ့ပေါ့လေ။

၅- အမေရိကန်

အုပ်စု ဒီ - ပါရာဂွေးကို ၄ -၁ နဲ့နိုင်

ထိပ်သီး ၅ သင်းထဲ ပါလာတာကတော့ အံ့သြစရာပါ။ အိမ်ကွင်းမှာ ပရိသတ်ရဲ့ အုတ်အုတ်ကျက်ကျက်အားပေးသံအောက်မှာ ပါရာဂွေးကို လှလှပပ ကစားပြခဲ့ကြတာပါ။

၆ - နော်ဝေ

အုပ်စု အိုင်၊ အီရန် ကို ၄ - ၁ နဲ့နိုင်

အားလင်း ဟာလန်းကို ဝန်းရံဖို့ အားဖြည့် တည်ဆောက်ထားတဲ့ နော်ဝေ အသင်းဟာ သူ့ အားသာချက်တွေအပေါ်မှာ တည်ထားပါတယ်။

၇ - ကိုလံဘီယာ

အုပ်စု ကေ၊ အူဘက်ကစ္စတန်ကို ၃ - ၁ နဲ့နိုင်

အားပြင်းပြီး မြန်မြန်ဆန်ဆန်နဲ့ ကစားသူကို ပြပါဆိုရင် ငွေကြယ်မှုန်လို လက်နေတဲ့ လူဝီ ဒီယာ့ဇ်ကို ပဲ ပြရမယ်ထင်ပါတယ်။ သူက ကိုယ်တိုင်လည်း တစ်ဂိုးသွင်း၊ အသင်းဖော်လည်း ဂိုးသွင်းနုိင်အောင် ဘောလုံးပေးခဲ့သူပါ။ ကိုလံဘီယာဟာ နောက်ထပ်အသင်းတွေကို ရင်ကွဲအောင်လုပ်ဦးမယ်လို့ ထင်ရပါတယ်။

၈- မော်ရိုကို

အုပ်စု စီ၊ ဘရာဇီးနဲ့ ၁ ဂိုးသရေကျ

ပွဲကစားချိန် ပထမပိုင်း မိနစ် ၂၀ လောက်ကတော့ ဘရာဇီးကို ဖိကစားနေခဲ့တဲ့ပုံပါ။ ဒါပေမဲ့ ဒုတိယပိုင်း ကစားချိန်မှာတော့ သရေနဲ့ပဲ ပွဲပြီးမယ်လို့ မြင်ခဲ့ရပါတယ်။ ဒါပေမဲ့လည်း မော်ရိုကိုမှာ နောက်ပွဲတွေအတွက် အင်အားတွေ ကျန်နေပါသေးတယ်။

၉- ဘရာဇီး

အုပ်စု စီ၊ မော်ရိုကိုနဲ့ ၁ ဂိုးသရေကျ

တုန်တုန်ရီရီနဲ့စတင်တဲ့ပွဲအစကြောင့် ဒါဟာ အရင်က ဘရာဇီး ဟုတ်ပါ့မလားတောင် မေးခွန်းတွေ ခေါင်းထဲ ကျန်ခဲ့ပါတယ်။ ဒါပေမဲ့လည်း ဘရာဇီးကစားသမားတွေဟာ လွယ်လွယ်အရှုံးမပေးဘူးဆိုတာကို ပြသခဲ့တဲ့ပုံပါပဲ။

၁၀ - ဆွီဒင်

အုပ်စု - အက်ဖ်၊ တူနီးရှားကို ၅- ၁ နဲ့ နိုင်

ပရီးမီးယားလိဂ်မှာ ခြေစွမ်းအပြဆုံး တိုက်စစ်မှူး ၂ ယောက်နဲ့ ဂိုးသွင်းနိုင်တဲ့ ကွင်းလယ်ကစား သမားရှိနေမှတော့ ၅ - ၁ နဲ့နိုင်သွားတာ မဆန်းလှပါဘူး။

၁၁ - ၂၀

၁၁ - သြစတြေးလျ

အုပ်စု ဒီ၊ တူရကီကို ၂ -၀ နဲ့ နိုင်

အင်နဲ့အားနဲ့ ကစားခဲ့တဲ့ သြစတေးလျဟာ ပွဲမတိုင်ခင်တုန်းက အနိုင်ရမယ်လို့ ခန့်မှန်းထားတဲ့ တူရကီအသင်းကို ဂိုးပြတ်နဲ့နိုင်ခဲ့တာဖြစ်ပါတယ်။

၁၂ - စပိန်

အုပ်စု အိတ်ချ်၊ ကိပ် ဗာဒီနဲ့ ၀-၀ သရေကျ

လက်ရှိအထိတော့ ကမ္ဘာ့ဖလားပွဲမှာ အံ့သြအသင့်ရဆုံးပွဲ ကျွန်းနိုင်ငံအသင်းငယ်လေးဆိုလည်း မမှားပါဘူး။ ဒါပေမဲ့ သူတို့ပွဲအတွက် နိုင်နိုင်စွမ်းရှိတယ်ဆိုတာကို ပြသထားပြီးဖြစ်တာမို့။ အဆင့်တက်မယ့်အသင်းလို့ မြင်ရပါတယ်။

၁၃ -နယ်သာလန်

အုပ်စု အက်ဖ်၊ ဂျပန်နဲ့ ၂ ဂိုးသရေကျ

နယ်သာလန်ဟာ ဂျပန်နဲ့ပွဲမှာ ပြတ်ပြတ်သားသားအနိုင် ကစားပြခဲ့သင့်တာပါ။ ခံစစ်အပိုင်း လစ်ဟာချက်သာမရှိရင် အခုဆို နယ်သာလန်ဟာ အမှတ်တွေ ဒီထက်ပိုရနေမှာ သေချာပါတယ်။

၁၄ - မက္ကဆီကို

အုပ်စု အေ၊ တောင်အာဖရိကကို ၂- ၀ နဲ့နိုင်

ကစားအားနည်းခဲ့တဲ့တောင်အာဖရိကကို အပေါ်စီးကနေ ကစားခဲ့ပုံပေါ်ပါတယ်။ ဒါပေမဲ့ နောက်ပိုင်းမှာ ဆီဇာ မွန်တေ အနီကတ်ပြခံရတာကတော့ တစ်ပိုင်းပေါ့လေ။

၁၅- ဂျပန်

အုပ်စု အက်ဖ်၊ နယ်သာလန်ကို ၂-၂ နဲ့သရေကျ

ရှုံးဟန်ပြချိန်မှာ ဇွဲကြီးကြီးနဲ့ ကစားခဲ့တဲ့ပွဲလို့ဆိုနိုင်ပါတယ်။ ဒါပေမဲ့ မထင်ထားတဲ့အသင်းကနေ သရေကစားထားပြီးဖြစ်လို့ ဂျပန်ဟာ နောက်ပွဲတွေအတွက် ဆက်ပြီး ပြင်ဆင်ထားမှာကတော့ သေချာပါတယ်။

၁၆ - စကော်တလန်

အုပ်စု စီ၊ ဟေတီကို ၁ - ၀ နဲ့နိုင်

ရလဒ်ကောင်းဖြစ်ပါတယ်။ စွမ်းဆောင်ရည်ပိုင်းမှာတော့ အားနည်းပါတယ်။ ဒါပေမဲ့ ဒါကလည်း အသင်းအပေါ် ၂၈ နှစ်ကြာ ကြုံလာရတဲ့ဖိအားကြောင့် ဖြစ်နိုင်ပါတယ်။

၁၇ - ကိပ် ဗာဒီ

အုပ်စု အိတ်ချ်၊ စပိန်နဲ့ ၀ -၀ သရေကျ

ကမ္ဘာ့ဖလားမှာ အခုဆို လူတိုင်းမျက်စိကျနေတဲ့ ဒုတိယမြောက်အသင်းဖြစ်ပါတယ်။ ဒီလို လူကြိုက်များရတဲ့အကြောင်းရင်းကတော့ စပိန်ရဲ့သွင်းဂိုးတွေကို အကြိမ်ကြိမ် ကာဆီးခဲ့တဲ့ ဂိုးသမား ဗိုဇင်ညာရဲ့ ဂိုးဖမ်းနိုင်စွမ်းကြောင့်ဆိုရင် ပိုမှန်ပါတယ်။

၁၈ - ဘယ်လ်ဂျီယံ

အုပ်စု ဂျီ၊ အီဂျစ်နဲ့ ၁ -၁ သရေကျ

သိပ်ကို ခိုင်မာအားကောင်းတဲ့ အီဂျစ်အသင်းကို ဟာ သူ့ဂိုးပေါက်ကို သူပြန်သွင်းခဲ့သာ သရေကျခဲ့တာလို့ ဆိုနိုင်ပါတယ်။ ဂိုးသွင်းဖို့ အခွင့်လမ်းကောင်းတွေဖန်တီးခဲ့တာမြင်ခဲ့ရပါတယ်။ ဘယ်လ်ဂျီယံအတွက် ရင်ဆိုင်ဖို့ ပိုခက်မယ့်အသင်းက အုပ်စုထဲမှာ သူတို့ကို စောင့်နေပါပြီ။

၁၉ - အီဂျစ်

အုပ်စု ဂျီ၊ ဘယ်လ်ဂျီယံနဲ့ ၁ -၁ သရေကျ

အီဂျစ်ဟာ သူတို့ရဲ့ ပထမဆုံးကမ္ဘာ့ဖလားအဖွင့်ပွဲကို အနိုင်ရဖို့ မျှော်မှန်းခဲ့တာပါ။ ကစားသမား အီမန် အက်ရှ်အာ တစ်ယောက် ဂိုးသွင်းဖို့တော့ ကြိုးစားခဲ့ပါရဲ့။ ဒါပေမဲ့ ပြိုင်ဘက်အသင်း ဘယ်လ်ဂျီယံရဲ့ လူစားဝင်ကစားတဲ့ လူကာကူရဲ့ ဖိအားကြောင့် ကိုယ့်ဂိုးကိုယ် ပြန်သွင်းမိခဲ့လို့ အဖွင့်ပွဲ ဂိုးပြတ်နဲ့နိုင်ဖို့ အခွင့်အလမ်းနဲ့ လွဲချာ်ခဲ့ရပါတယ်။

၂၀ - ဆီနီဂေါ

အုပ်စု အိုင်၊ ပြင်သစ်ကို ၃- ၁ နဲ့ ရှုံး

အရှက်ရစရာ အရှုံးတော့မဟုတ်ပါဘူး။ ၆၆ မိနစ်အထိ အနိုင်အခံ အရှုံးမပေးကစားခဲ့ကြတာပါ။ အစောပိုင်းမှာ နစ်ကိုးလက်စ် ဂျက်ဆန်ရဲ့ သွင်းဂိုးနဲ့ ဦးဆောင်နိုင်ဖို့ရာ ဖြစ်ခဲ့ပေမဲ့ ဂိုးပေါက် အစား ဂိုးတိုင်ကိုပဲ ထိခဲ့တာကြောင့် အခွင့်အလမ်း လွဲချော်ခဲ့ပါတယ်။

၂၁ - ၃၀

၂၁ - ပေါ်တူဂီ

အုပ်စု ကေ၊ ဒီအာရ် ကွန်ဂိုနဲ့ ၁ -၁ သရေကျ

ပေါ်တူဂီမှာ ခရစ္စတီယာနို ရော်နယ်ဒို ရှိနေပါသေးတယ်။ ဘောလုံးကို ခြေက မလွှတ်ချင်တဲ့ သူ ရှိနေတဲ့အသင်းအတွက်တော့ အဲဒီအရာကပဲ တစ်သင်းလုံးအတွက် ဝန်ထုပ်ဝန်ပိုးဖြစ်နေတယ်လို့ ဆိုနိုင်ပါတယ်။

၂၂ - ခရိုအေးရှား

အုပ်စု အယ်လ်၊ အင်္ဂလန်ကို ၄ -၂ နဲ့ ရှုံး

အင်္ဂလန်လို အသင်းကို ဂိုးကောင်းကောင်း ၂ ကြိမ် သွင်းခဲ့တာဖြစ်ပါတယ်။ ဒါပေမဲ့ ခံစစ်ပိုင်း အားနည်းနေတာကိုတွေ့ရပြီး အသင်းဟာ အသက်ကြီးနေတဲ့ဘောလုံးအကျော်အမော်တွေကို အားကိုးနေရပါတယ်။

၂၃ - ဒီအာရ် ကွန်ဂို

အုပ်စု ကေ၊ ပေါ်တူဂီနဲ့ ၁ -၁ သရေကျ

အချိတ်အဆက်မိမိ ခုခံကစားသွားတဲ့ ဒီအာရ် ကွန်ဂိုဟာ ပေါ်တူဂီကို မထင်ထားလောက်စရာ ယှဉ်ပြိုင်သွားနိုင်တယ်လို့ ဆိုနိုင်ပါတယ်။ ပြီးတော့ ခြေထဲ ဘောလုံးရောက်ရင် ခပ်မြန်မြန် သယ်ပုံက ဖြုံစရာပါ။

၂၄ - ဆွစ်ဇာလန်

အုပ်စု ဘီ၊ ကာတာနဲ့ ၁ -၁ သရေကျ

တကယ့်ကို စိတ်ပျက်စရာပါ။ ဂိုးသွင်းဖို့ အခွင့်အရေးအကြိမ်ကြိမ်ကြုံခဲ့ပေမဲ့ တိုက်စစ်ပိုင်းမှာ မကောင်းလို့ အချဉ်းနှီးဖြစ်ခဲ့ပါတယ်။

၂၅ -နယူးဇီလန်

အုပ်စု ဂျီ၊ အီရန်ကို ၂ -၂ နဲ့ သရေကျ

ကမ္ဘာ့ဖလား အဆင့်သတ်မှတ်ချက်မှာ ခပ်နိမ့်နိမ့်ဖြစ်နေပေမဲ့ နယူးဇီလန်ဟာ ကြံ့ကြံ့ခံ ကစားပြသွားတာကို တွေ့ရပါတယ်။ ပြီးတော့ အသင်းမှာ အလိုင်ဂျာ ဂျက်စ်လို တက်သစ်စ ငွေကြယ်ပွင့်လည်း ရှိနေပါတယ်။

၂၆ - အီရန်

အုပ်စု ဂျီ၊ နယူးဇီလန်ကို ၂ - ၂ နဲ့ သရေကျ

နောက်တန်းမှာ အားနည်းတဲ့ အီရန်ဟာ သရေနဲ့ပွဲပြီးခဲ့တာကတော့ ကံကောင်းတယ်လို့ ဆိုရမှာပါ။

၂၇ -ဆော်ဒီအာရေးဗျ

အုပ်စု အိတ်ဂျ်၊ ဉရုဂွေးနဲ့ ၁ -၁ ဂိုးသရေကျ

အစီအစဉ်ကျကျနဲ့ ကစားသလို ခြေထဲ ဘောလုံးရောက်လာရင် ခပ်သွက်သွက် သယ်တတ်သူတွေလည်းဖြစ်ပါတယ်။ ပြိုင်တိုင်းရှုံးလို့ နာမည်ထွက်တဲ့ ဆော်ဒီဟာ အခုတော့ လွယ်လွယ်နဲ့ အရှုံးမပေးခဲ့ပုံပါ။

၂၈ - ဟေတီ

အုပ်စု စီ၊ စကော့တလန်ကို ၁ - ၀ နဲ့ရှုံး

စကော့တလန်ကို ခက်အောင်ကစားခဲ့ပေမဲ့ ဂိုးကို ဘယ်လိုအပိုင်သွင်းမလဲဆိုတာကိုတော့ မနပ်သေးတဲ့ပုံပါ။ ကိုယ်ကာယကြံ့ခိုင်ပေမဲ့ အရည်အသွေးပိုင်းမှာ အားနည်းနေပါတယ်။

၂၉ -တောင်ကိုရီးယား

အုပ်စု အေ၊ ချက်ရီပတ်ဘလစ် အသင်းကို ၂ -၁ နဲ့နိုင်

ချက်ရီပတ်ဘလစ်အသင်းဆီကနေ ဘောလုံးရဖို့ အတော်လေး ခက်ခဲခဲ့တဲ့အပိုင်းတွေ ရှိခဲ့ပါတယ်။ ဒါပေမဲ့ ရတဲ့အခါမှာလည်း အကျိုးရှိအောင်အသုံးချတတ်ပါတယ်။ ရတဲ့ဘောလုံးကို ဂိုးအဖြစ်ပြောင်းလဲအသုံးချနိုင်စွမ်းတော့ နည်းနေပါသေးတယ်။

၃၀ - ဥရုဂွေး

အုပ်စု အိတ်ချ်၊ ဆော်ဒီအာရေးဗျနဲ့ ၁ -၁ ဂိုးသရေကျ

ပွဲကစားချိန်နှောင်းပိုင်းမှာ ချေပဂိုးသွင်းပြီး သရေမကျခင် ဉရုဂွေးဟာ ဆော်ဒီကို ဂိုးသွင်းဖို့ အခွင့်အရေး ၂၈ ကြိမ်လောက်ရခဲ့ပါတယ်။ မာဆဲလို ဘီလ်ဆာတိုဘက်ဟာ ဘောလုံးရတဲ့အခါ ဂိုးဖန်တီးနိုင်စွမ်းအပိုင်းကို ပိုအာရုံစိုက်ဖို့ လိုနေပါတယ်။

၃၁ - ၄၀

၃၁ - တူရကီ

အုပ်စု ဒီ၊ သြစတြေးလျကို ၂ -၀ နဲ့ရှုံး

ဘောလုံးပိုင်ဆိုင်မှု ၇၀ ရာခိုင်နှုန်းကျော်အထိ ရှိခဲ့တာကြောင့် သြစတြေးလျဘက်က အံ့သားသင့်ခဲ့ရတဲ့အသင်းဖြစ်ပါတယ်။ ၂၀၀၂ ခုနှစ် ကမ္ဘာ့ဖလားမှာ တတိယနေရာနဲ့ ကျေနပ်ခဲ့ရပြီးတဲ့နောက်ပိုင်း ကမ္ဘာ့ဖလားအိပ်မက်အတွက် ပထမဆုံးပြန်လာတဲ့အသင်းလည်းဖြစ်ပါတယ်။

၃၂ - သြစတြီးယား

အုပ်စု ဂျေ၊ ဂျော်ဒန်ကို ၃ -၁ နဲ့နိုင်

ပြိုင်ဘက်အသင်းက ကိုယ့်ဂိုးကိုယ် ပြန်သွင်းမိလို့ ရတဲ့ ဂိုးနဲ့ ပယ်နတီကြောင့်သာ သြစတြီးယာား ၃ ဂိုးအထိ ရခဲ့တာပါ။ နောက်မှာ အာဂျင်တီးနားက စောင့်နေပါတယ်။

၃၃ - အိုင်ဗရီကို့စ်

အုပ်စု အီး၊ အီကွေဒေါကို ၁ -၀ နဲ့နိုင်

အသင်းဟာ အီကွေဒေါအသင်းနဲ့အဖွင့်ပွဲကစားချိန် ဂိုးသွင်းနိုင်မယ့်အခွင့်အလမ်းရဖို့ အတော်လေးကြိုးပမ်းခဲ့ရတာဖြစ်ပါတယ်။ အာမက် ဒီယာလိုကို အသင်းထဲ ထည့်သွင်းကစားလာတာကြောင့် ရှေ့ဆက်အုပ်စုတက်လိုတက်ငြား မျှော်လင့်နေပါတယ်။

၃၄- ဂါနာ

အုပ်စု အယ်လ်၊ ပနားမားကို ၁ -၀ နဲ့နိုင်

အသင်းဟာ ပွဲကစားချိန်အတော်များများမှာ ကောင်းကောင်း မစားနိုင်ခဲ့ပါဘူး။ ဒါပေမဲ့ ပွဲပြီးခါနီး ၉၅ မိနစ်ရောက်မှ စက္ကန့်ပိုင်းအတွင်း ၁ ဂိုး ကပ်ရခဲ့တာ ဖြစ်ပါတယ်။ ပိုကောင်းတဲ့အသင်းတဲ့တွေ့တဲ့အခါမှာ အခက်ကြုံရနိုင်ပါတယ်။ ရှေ့မှာ အင်္ဂလန်နဲ့ ခရိုအေးရှားတို့က စောင့်ကြိုနေပါတယ်။

၃၅ -အယ်လ်ဂျီးရီးယား

အုပ်စု ဂျေ၊ အာဂျင်တီးနား ၃ - ၀ နဲ့ရှုံး

မက်ဆီရဲ့ ဟတ်ထရစ် ၃ ဂိုးနဲ့ကြုံခဲ့ရတာပါ။ ဂိုးသွင်းဖို့ တစ်ကြိမ်တောင် အခွင့်မသာခဲ့ပါဘူး။

၃၆ - ဂျော်ဒန်

အုပ်စု အယ်လ်၊ သြစတြီးယားကို ၃ -၁ နဲ့ရှုံး

လှလှပပ ဂိုးတစ်လုံးရခဲ့တာပါ။ ဒါပေမဲ့ သြစတြီးယားကို ထိထိရောက်ရောက် ဖိကစားထားတာ မရှိပါဘူး။ ဒါပေမဲ့

၃၇ - ဘော့စနီးယား

အုပ်စု ဘီ၊ ကနေဒါနဲ့ ၁- ၁ ဂိုးသရေကျ

အဖွင့်ပွဲမှာ အနိုင်ရဖို့ မျှော်မှန်းခဲ့ပေမဲ့ ကစားသမားနဲ့ထိမိပြီး လမ်းကြောင်းပြောင်း ဝင်သွားတဲ့ ဂိုးကြောင့် သရေနဲ့ပွဲပြီးခဲ့ရပါတယ်။

၃၈ -ကနေဒါ

အုပ်စု ဘီ၊ ဘော့စနီးယားနဲ့ ၁ - ၁ ဂိုးသရေ

အိမ်ကွင်း ပရိသတ်ရှေ့မှာ ကစားခဲ့ရတာဖြစ်ပေမဲ့ လမ်းကြောင်းပြောင်းပြီး ဝင်သွားတဲ့ တစ်ဖက်ဂိုးကြောင် ပွဲချိန်နှောင်းပိုင်းမှာ ကံကောင်းလို့ သရေကျခဲ့တာပါ။

၃၉ - အီရတ်

အုပ်စု အိုင်၊ နော်ဝေကို ၄ -၁ ဂိုးနဲ့ရှုံး

နော်ဝေအသင်းက အားလင်း ဟာလန်းကို ဟန့်တားကစားနိုင်တဲ့အသင်းအများကြီး မရှိနေပါဘူး။ အီရတ်အသင်းလည်း ဟန့်တားကစားလို့မရခဲ့တာကတော့ ဂိုးရလဒ်က သက်သေပြပါတယ်။

၄၀- အီကွေဒေါ

အုပ်စု အီး၊ အိုင်ဗရီကို့စ်ကို ၁ - ၀ နဲ့ရှုံး

ပြိုင်ပွဲမှာ ထင်ထားတာထက် အုပ်စုအဆင့်တက်သွားနိုင်တယ်လို့ အမြင်ခံရတဲ့အသင်းဖြစ်ခဲ့ပြီး အခွင့်အရေးအချို့လည်း ရခဲ့ပေမဲ့ အိုင်ဗရီကို့စ်ကို ၁ ဂိုး ဂိုးမရှိနဲ့ရှုံးနိမ့်ခဲ့ပါတယ်။ ဒါပေမဲ့ အသင်း ဝတ်စုံကတော့ မိုက်နေပါတယ်။

၄၁ - ၄၈

၄၁- ချက်ရီပတ်ဘလစ်

အုပ်စု အေ၊ တောင်ကိုရီးယားကို ၂ -၁ နဲ့ရှုံး

နှေးနှေးကွေးကွေးနဲ့ အားရစရာမရှိအောင် ကစားခဲ့တယ်လို့ဆိုနိုင်ပါတယ်။ ဒါဟာ ၁၉၉၆ တုန်းကစားခဲ့တဲ့ ယူရိုပွဲမှာ ပရိသတ်တွေ အကြိုက်တွေ့ခဲ့တဲ့ ချက်ရီပတ်ဘလစ်အသင်းမှ ဟုတ်သေးရဲ့လားလို့ မေးရတဲ့အထိပါပဲ။

၄၂ - ဥဘတ်ကစ္စတန်

အုပ်စု ကေ၊ ကိုလံဘီယာကို ၃ -၁ နဲ့ရှုံး

ရဲရဲ မာမာ ကစားခဲ့တဲ့အသင်းဖြစ်ပြီး ကမ္ဘာ့ဖလား အဖွင့်ပွဲမှာ ဂိုးသွင်းနိုင်ခဲ့တာကိုလည်း ပျော်မဆုံးဖြစ်ခဲ့တဲ့ပုံပါ။ ဒါပေမဲ့ ကိုလံဘီယာအသင်းဘက်က အင်ပြည့်အားပြည့် အကွက်ကျကျ ကစားပုံကိုတော့ မယှဉ်နိုင်ခဲ့ပါဘူး။

၄၃ - တောင်အာဖရိက

အုပ်စု အေ၊ မက္ကဆီကိုကို ၂ - ၀ နဲ့ရှုံး

အဖွင့်ကစားပွဲနေ့မှာ အိမ်ရှင်အသင်းကို ရက်ရက်လျောလျော လျှော့ပြီးကစားခဲ့တာလားလို့တောင် အတွေးပွားစရာပါ။ တန်ပြန်တိုက်တာ နည်းခဲ့ပါတယ်။ ဒီအတိုင်းပဲ ဘောလုံးကို အပျော်တမ်းဆော့နေသလို ခံစားရပါတယ်။ ပွဲပြီးချိန်မှာတော့ ကွင်းထဲ ကစားသမား ၉ ဦးပဲ ကျန်ခဲ့ပါတယ်။

၄၄ - ကာတာ

အုပ်စု ဘီ၊ ဆွစ်ဇာလန်နဲ့ ၁ -၁ ဂိုးသရေကျ Drew 1-1 with Switzerland.

ကံကောင်းလို့ သရေကျတယ်လို့ပြောရမှာပါ။ ဆွစ်ဇာလန်ဘက်က အကြိတ်အနယ်ဆော့တာကို ခံခဲ့ရပါတယ်။

၄၅ -ပါရာဂွေး

အုပ်စု ဒီ၊ အမေရိကန်ကို ၄ -၁ နဲ့ ရှုံး

အမေရိကန်ရဲ့ အကြိတ်အနယ်ကစားတာခံရတဲ့ ပါရာဂွေးဟာ ဂိုးပြတ်အထိ ကြုံရဖို့အထိ အခြေအနေဆိုးမယ့်ကိန်းဆိုက်ခဲ့ပါတယ်။ ခံစစ်ပိုင်းဟာလည်း ကြည့်ရတာ ဘဝင်မကျစရာပါ။

၄၆ - တူနီးရှား

အုပ်စု အက်ဖ်၊ ဆွီဒင်ကို ၅ - ၁ နဲ့ ရှုံး

သမိုင်းမှတ်တိုင် စိုက်ထူသူတွေပါ။ အဖွင့်ကစားပွဲအပြီးမှာတင် နည်းပြကို ထုတ်ခဲ့ပါတယ်။ ဒီလောက်ဆို တူနီးရှား အခြေအနေ ခန့်မှန်းမိကြရောပေါ့။

၄၇ - ပနားမား

အုပ်စု အယ်လ်၊ ဂါနာကို ၁ ၀ နဲ့ရှုံး

လက်ရှိ အချိန်အထိ ကမ္ဘာ့ဖလားမှာ အဆိုးရွားဆုံးကစားပွဲကို ပါဝင်ခဲ့တဲ့အသင်းဖြစ်ပါတယ်။ ဂါနာကို ပွဲပြီးချိန် ၉၅ မိနစ်ကိုမှ စက္ကန့်ပိုင်းလေးအလိုမှာ ဂိုးပေးလိုက်ရတာဖြစ်ပါတယ်။

၄၈ - ချူရာဆောင်း

အုပ်စု အီး၊ ဂျာမနီကို ၇ -၁ နဲ့ရှုံး

ဂျာမနီကို ၇ ဂိုး ၁ ဂိုး နဲ့ရှုံးခဲ့ပေမဲ့ ဂျာမနီကို ပြန်ကစားခဲ့တာကတော့ သူတို့အတွက် ဘယ်တော့မှ မမေ့နိုင်မယ့် အခိုက်အတန့်ဖြစ်နေမှာတော့ သေချာပါတယ်။