Maetholion planhigion
Mae planhigion yn defnyddio maetholion o’r pridd i adeiladu’r moleciwlau cymhleth sydd eu hangen er mwyn iddynt oroesi a thyfu. Fydd planhigion ddim yn tyfu’n dda os oes diffyg un neu fwy o fwynau.
Mwynau gofynnol
Mae gwrteithiau yn cynnwys mwynau fel:
- nitradau
- ffosffadau
- cyfansoddion potasiwm
Mae angen y mwynau hyn er mwyn i blanhigion dyfu’n iach. Mae’r tabl yn crynhoi pam.
| Mwyn | Elfen mae’n ei chyflenwi | Pam mae ei angen |
| Nitradau | Nitrogen, N | Mae angen nitrogen i wneud asidau amino ar gyfer proteinau, sydd eu hangen ar gyfer twf celloedd |
| Ffosffadau | Ffosfforws, P | Mae angen ffosfforws i wneud DNA a chellbilenni |
| Cyfansoddion potasiwm | Potasiwm, K | Mae angen potasiwm mewn ensymau sy’n ymwneud â resbiradaeth a ffotosynthesis |
| Mwyn | Nitradau |
|---|---|
| Elfen mae’n ei chyflenwi | Nitrogen, N |
| Pam mae ei angen | Mae angen nitrogen i wneud asidau amino ar gyfer proteinau, sydd eu hangen ar gyfer twf celloedd |
| Mwyn | Ffosffadau |
|---|---|
| Elfen mae’n ei chyflenwi | Ffosfforws, P |
| Pam mae ei angen | Mae angen ffosfforws i wneud DNA a chellbilenni |
| Mwyn | Cyfansoddion potasiwm |
|---|---|
| Elfen mae’n ei chyflenwi | Potasiwm, K |
| Pam mae ei angen | Mae angen potasiwm mewn ensymau sy’n ymwneud â resbiradaeth a ffotosynthesis |
Mae Ffordd o labelu gwrteithiau gan ddibynnu ar eu cynnwys nitrogen, ffosfforws a photasiwm. yn dangos cyfraneddau cymharol nitradau, ffosffadau a photasiwm mewn gwrtaith. Maent yn helpu ffermwyr i benderfynu pa wrtaith yw’r gorau i’r amodau pridd yn eu caeau.
