Sia mìosan aig urras airgead a thogail 'son eaglais an Tiriodh a cheananch

Thuirt Urras Coimhearsnachd Heylipol ann an Tiriodh a' cur romhpa airgead a thogail anns na mìosan ri thighinn gus togalach eaglaise a cheannach airson na coimhearsnachd.

Tha fiach £60,000 ann an Eaglais na Mòinteach agus tha gu an 7mh den Ghearran 2027 an t-suim sin a thogail air a son.

Dh'aontaich Eaglais na h-Alba roimhe an togalach a reic ris an urras mus do chuir iad air a' mhargaidh e.

Tha an t-urras airson an togalach a ghlèidheadh mar ghoireas don t-sluagh a ghabhas cleachdadh fhathast mar àite-adhraidh, cho math ri cuirm is tachartasan eile a chumail ann do shean is òg fad na bliadhna.

Tha iad ag ràdh gu bheil iad a' sùileachadh gum bi airgead a dhìth orra chan e a-mhàin airson an seann eaglais a cheannach, ach airson na bhios a dhìth de dh'obair-chàraidh agus airson an structar agus an gàradh a leasachadh.

Tha an t-urras den bheachd gum feum iad £1m airson an cuid planaichean a thoirt gu buil.

Dh'iarr iad taic a' phobaill airson "dèanamh cinnteach gun lean togalach Eaglais Heylipol a bhith mar phàirt de dhualchas Thiriodh - agus den eilean san àm ri teachd".

Chaidh Eaglais Heylipol a thogail ann an 1902 le ailtire às an Òban, Uilleam MacCoinnich.

Tha Heylipol a' ciallachadh "Baile Naomh" ann an Seann Lochlannais, fianais air cho tràth agus a thàinig a' Chrìostaidheachd dhan eilean.