Ngagharịiwe Xenophobia: Gọvanọ Ụzodimma nyere ụmụafọ Imo e si Saụt Afrịka kpọlata otu nde naira, otu nde naira

Nkọwa foto, Ndị agba nke anọ Gọọmenị Etiti si Saụt Afrịka kpọlata tụrụ ụkwụ n'ọdọụgbọelu MMIA n'ụtụtụ Fraide, Abalị atọ nke ọnwa Julai ,afọ 2026

Mgbe e biputara ya 3 Julaị 2026

Mgbe ikpeazụ e tinyere ya ozi ọhụrụ elekere 8 gara aga

Oge e ji agụ akụkọ nkeji 3

Mịnịsta Naịjirịa na-ahụ maka mmekọ mba ofesi bụ Bianca Ojukwu, kwuru na a ga-akpọlata ndị ọzọ ga-eso mkpọlata agba isii n'izuụka na-abịa. O kwuru na nke aụ bụ mkpọlata nke ikpeazụ gọọmenti ga-eme.

Ojukwu kwuru na ka ọ dị ugbua, gọọmenti Naịjirịa akpọlata ụmụafọ ya dị 1,141 site n amba Saụt Afrịka.

Cheta na gọọmenti Naịjirịa malite ọrụ ịkpọlata ụmụafọ ya na mmalite ọnwa Juun dịka ụmụafọ Saụt Afrịka malite ịwakpo ndị mbịarambịara si mba Afrịka dị iche iche.

Mwakpo mere ka mba Malawi, Zimbabwe, Kenya, Mozambik na Gana gara n'ihu kpọlata ụmụafọ ha kwuru na ha chọrọ ịhapụ mba Saụt Afrịka.

Akụkọ kwuru na ụfọdụ mmadụ nwụrụ na mwakpo ahụ mana gọọmenti mba Saụt Afrịka gọnarịrị ya, nke mere ka amalite ime nnyocha iji chọpụta nke bụ eziokwu.

Skip content and continue reading

End of content

Gọvanọ Imo steeti bụ Hope Uzọdịmma enyela ndị bụ ụmụafọ Imo na ndị e si Saụt Afrịka Kpọlata otu nde naira , otu nde naira, dịka ụlọọrụ na-ahụ maka Ndị Naijiria nọ ofesi bụ 'Nigerians in Diaspora Commission'(NIDCOM) si kwuo n'ozi ha wepụtara.

Ụmụ Naịjirịa mmadụ 266 siri na mba Saụt Afrịka wụchie na Legọs n'ụtụtụ Fraịde dịka Gọọmenti Etiti kpọlatara ụmuafọ nọ Saụt Afrịka n'agba nke anọ ,dịka ngagharịiwe megide ndị mbịarambịara si Afrịka nọ na Saụt Afrịka na-aga n'ihu.

Nke a na-eweta ọnụọgụgụ ndị gọọmentị si Saụt Afrịka kpọlata ka ha ruo ihe karịrị mmadụ 700.

Skip Akachasị Gụọ and continue reading

Akachasị Gụọ

End of Akachasị Gụọ

Ọnụ na-ekwuru Mịnịstrị na-ahụ maka mmekọrịta Naịjirịa na ndị mba ọzọ bụ Kimiebi Imomotimi Ebienfa, gwara BBC na mmadụ 266 wuchiri na Legọs n'ebe elekere 10:30 nke ụtụtụ, abalị atọ nke ọnwa Julai, afọ 2026.

Naịjirịa malitere ibubata ụmụafọ ha bi mba ahụ dịka ngagharịiwe megide ndị mbịarambịara ejighị akwụkwọ, nke mere ka ụfọdụ ụmụ Naịjirịa rịọwa enyemaka gọọmentị iji si ebe ahụ lọta n'ihi egwu maka ndụ ha.

Ụmụafọ Naijiria e si Saụt Afrịka kpọlata

Nke abụ ndị nke anọ a na-ebulata dịka ndị ọrụ gọọmentị na-ekwu na ọ ka nwere ndị a ga-ebulata ndị ọzọ na abalị isii nakwa abalị Itoolu nke ọnwa Julaị, afọ 2026.

Gọọmentị agwala ụmụamala na-alọta ka ha dekọ ihe ndị ha nere ebe ahụ sị na e mecha gọọmentị Naijria ga-achọ ka Gọọmentị Saụt Afrika kwụọ ha ihe iti aka n'obi.