Buddion

Buddion sydd wedi’u creu ar eich cyfer chi

Mae gan bob un ohonom rôl yn y gwaith o greu diwylliant creadigol a chynhwysol sy’n llawn cyfleoedd. Rydym am i’n staff ffynnu, cynhyrchu eu gwaith gorau a theimlo eu bod yn cael eu gwerthfawrogi am eu hallbwn.

Mae ein buddion yn adlewyrchu ein gwerthoedd ac yn cael eu hadolygu’n gyson i wneud yn siŵr ein bod yn cyflawni er budd ein cydweithwyr a’r ffordd maen nhw’n byw ac yn gweithio.

Cyflog teg

Rydym yn adolygu ein cyflogau bob blwyddyn i sicrhau ein bod yn gwobrwyo pobl yn deg, yn gystadleuol ac yn cynnig gwerth am arian i’r sawl sy’n talu ffi’r drwydded. Mae trefniadau bonws a chymell ar gael ar gyfer rhai swyddi yn BBC Studios.

Buddion hyblyg

Mae ein buddion craidd yn y DU yn cynnwys cynllun pensiwn, mynediad o bell 24/7 at feddyg teulu, yswiriant bywyd a budd-dal damweiniau. Mae ein cynllun buddion hyblyg, sef myChoices, yn eich galluogi i greu pecyn sy’n bersonol i chi, gan gynnwys yswiriant iechyd, yr opsiwn i brynu neu werthu gwyliau blynyddol, aelodaeth o gampfa, cerbydau trydan, beicio i’r gwaith, ynghyd â disgownt ar nwyddau a gwasanaethau drwy myDeals. Yn rhyngwladol, mae ein buddion wedi’u teilwra i fod yn gystadleuol yn y farchnad leol.

Gweithio yn eich ffordd eich hun

Byddwch chi’n cael eich grymuso i wneud eich gwaith gorau, felly rydym yn cynnig cefnogaeth a hyblygrwydd i gael cydbwysedd rhwng gwaith a chartref. Mae gweithio hybrid yn y BBC yn golygu y bydd gan bawb ganolfan benodol, a gallwch ofyn am drefniadau gweithio hyblyg neu weithio o bell unrhyw bryd. Bydd hyn yn dibynnu ar eich swydd a’i gofynion.

Cefnogi bywyd gwaith

Mae gennym bolisïau newydd ar gyfer absenoldeb rhiant/gofalwr, cymorth i ddelio â’r menopos, gweithio’n hyblyg/hybrid lle bo’ch swydd yn caniatáu hynny, a phecyn llesiant cynhwysfawr. Rydym yn gwneud ein gorau glas i gynnig cymorth a hyblygrwydd pan fydd ei angen arnoch fwyaf.