Uburusiya burimo gufasha gute Iran mu ntambara na Leta Zunze Ubumwe za Amerika?

Mu isesengura ryacu, turibanda ku nkuru zasohotse mu binyamakuru mpuzamahanga, duhereye kuri Wall Street Journal, yasohoye inkuru ifite umutwe ugira uti "Uburyo Uburusiya Bushyigikira Iran mu ntambara na Leta Zunze Ubumwe za Amerika."

Ikinyamakuru Wall Street Journal kivuga ko hari ubufatanye hagati y'Uburusiya na Iran mu kurwanya Amerika.

Iki kinyamakuru kivuga ko nubwo Amerika izi akaga Iran yateza, ariko irimo guhangana na yo mu buryo butandukanye n'ubw'Uburusiya, mu gihe ikoresha ubutasi kugira ngo imenye urugero rw'inkunga y'Uburusiya kuri Iran.

Nk'uko ikinyamakuru cyabitangaje, inama iherutse kuba hagati ya Perezida Vladimir Putin na Minisitiri w'Ububanyi n'Amahanga wa Iran Abbas Araghchi i St Petersburg yahuriranye n'ibyahishuwe ko Uburusiya bwari bumaze igihe buha Tehran amakuru y'ubutasi yakoresha mu guhangana na Amerika.

Ikinyamakuru cyo mu Budage cyahishuye ko inzego z'ubutasi z'Uburusiya zahaye Tehran amakuru yerekeye ibikoresho bya gisirikare n'ibirombe bya uranium bigambiriwe cyane n'ibyogajuru by'Abanyamerika, ibi bikaba byaranafashije Iran kwimura ibikoresho byari mu kaga ko kuraswa.

Iki kinyamakuru cyongeraho ko Uburusiya bwafashije Iran mu gukora indege za drones zizwi nka Shahed, zifashishijwe muri iyi ntambara.

Mbere yaho, Visi Perezida w'Umuryango w'Ubumwe bw'u Burayi Kaja Kallas yari yavuze ko izo drones zakoreshejwe mu gutera ibihugu byo mu kigobe cy'abarabu zari zifite ikoranabuhanga ryaturutse mu Burusiya.

Bivugwa ko Uburusiya bwagiranye amasezerano na Iran angana na miliyoni 589 z'amadolari yo kuyiha intwaro zo kwirwanaho mu kirere.

Umuvugizi w'ubutasi bwa Amerika yabwiye NBC News ko Uburusiya bushobora kohereza abatekinisiye muri Iran gufasha mu gukora ibisasu bya misile n'uburyo bwo kubikoresha.

Izi nkuru zivuga ko Uburusiya burimo gufasha Iran mu;

Urugendo rw'Umwami Charles muri Amerika

Inkuru yasohotse mu kinyamakuru The Guardian cyo mu bwongereza ivuga ku ruzinduko rw'Umwami Charles muri Leta Zunze Ubumwe za Amerika, umwanditsi asobanura ko rwari urwo kubaka umubano utazwi aho ugana.

Nk'uko ikinyamakuru kibivuga, 'scandal' ya Jeffrey Epstein yagize ingaruka kuri perezida wa Amerika ndetse no ku bwami bw'Ubwongereza, iki kibazo kikaba cyatumye icyizere ku bwami kigabanuka, mu gihe inkunga ya Trump nayo yagabanutse.

Iki kinyamakuru kandi gihanura intambara y'igihe kirekire muri Iran no mu Burasirazuba bwo Hagati, aho bishoboka ko ihuriro ry'ingabo za OTAN rishobora gusenyuka mu gihe Uburusiya na Iran birushaho gukomeza ubucuti bwabyo.

Uruzinduko rw'Umwami Charles rwagaragaje ko hari ubufatanye butagikomeye hagati y'Ubwongereza na Amerika.