Xiyyaarota waraanaa shanan Baha Afrikaa keessatti saffisa ajaa'ibaa qaban

Samii Baha Afrikaa irratti dorgommiin tarsiimoo suuta mul'achaa jira.

Biyyoonni naannoo kana keessa jiran hedduun samii isaanii eeguu fi balaa nageenyaa ofirraa qolachuuf xiyyaara waraanaa, balaliistoota, sirna hordoffii, leenjii fi teeknooloojii irratti invastimantii gochaa jiru.

Wanti nama hawwatu biyyoonni kunneen sirna tokko hin fayyadaman.

Gariin xiyyaarota waraanaa naannoo qilleensaa ittisuu fi bakka adda addaa haleeluu danda'an irratti xiyyeeffataniiru.

Kaan ammoo xiyyaarota addaa haleellaa lafaa raawwatan irratti invast godhaniiru.

Ruwaandaan daandii adda ta'e filatteetti. Xiyyaara waraanaa caalaa helikooptara irratti hirkachuun humna qilleensashee cimsiteetti.

Humni qilleensaa biyyoota Afrikaa Bahaa shan kana fakkaata.

Yugaandaa

Yugaandaan biyyoota Afrikaa Bahaa xiyyaarota lolaa dandeettii guddaa qaban keessaa tokkodha.

Xiyyaara lolaa cimaa gahee adda addaa raawwachuu fi haleellaa fageenya dheeraa gaggeessuu danda'uudha.

Xiyyaarri kun fe'umsa meeshaa waraanaa guddaa kan baatu yoo ta'u, sirna raadaraa ammayyaa fi meeshaalee elektirooniksii kan qabudha.

Su 30MK2 biyyattiin dandeettii naannoo qilleensaa ishee sakatta'uu fi eeguu kan kennu yoo ta'u, humnoota lafarra jiraniif deeggarsa qilleensaa kennuu danda'a.

Kanaafuu, humni isaa guddina xiyyaarichaa qofaan osoo hin taane, dandeettii teeknooloojii, leenjii fi hojii waraanaa walitti makuutiin kan madaalamudha.

Keeniyaa: Northrop F - 5E/F Tiger II, xiyaara durii ammallee bakka qabu

Keeniyaan karaa adda ta'e filatteetti.

Humni qilleensaa Keeniyaa xiyyaarota waraanaa Northrop F 5E fi F 5F Tiger II jedhaman fayyadama. Xiyyaaronni kunneen waggoota kurnan hedduu dura hojjetaman.

Garuu umriin xiyyaara tokkoo qofti dandeettii waraanaa isaa murteessuu hin danda'u.

Keeniyaan xiyyaarota kanneen fooyyessaa itti fayyadamuu itti fufteetti. Ittisa qilleensaa fi hojii waraanaa keessatti gahee olaanaa keessa galchiteetti.

Xiyyaaronni F-5 lola Al Shabaab Somaaliyaa keessatti gaggeeffame dabalatee sochii waraanaa irratti muuxannoo hojii bal'aa horataniiru.

Taanzaaniyaa: Xiyyaara waraanaa Chengdu J 7

Humni qilleensaa Tanzaaniyaa xiyyaara waraanaa Chengdu J 7 Chaayinaa keessatti hojjetame dabalatee xiyaara gara garaa qaba.

J 7 dizaayinii xiyyaara waraanaa Sooviyeet MiG 21 kan biyyoonni adda addaa itti fayyadamaa turan irratti kan hundaa'e.

Xiyyaaronni kunneen ittisa qilleensaaf kan qophaa'an yoo ta'u, sirna raadaraa akkasumas misaa'ela lafa irraa gara qilleensaatti geessu kan qaban ta'uu ibsameera.

Taanzaaniyaan biyya lafa bal'aa fi qarqara galaanaa dheeraa Galaana Hindiirraa waan qabduuf xiyyaaronni kunneen tarsiimoo nageenyaa bal'aa ta'a.

Haala kanaan, dandeettiin daangaa qilleensaa hordofuu fi yeroo barbaachisaa ta'etti saffisaan deebii kennuu qaama tarsiimoo kanaa isa barbaachisaadha.

DRC: Su 25 fi humna haleellaa lafoo

Rippabilikni Dimookiraatawaa Koongoon naannoo kana keessaa biyyaa haala nageenyaa hamaa keessa jirtu. Keessattuu naannolee baha biyyattii jiran.

Humni qilleensaashee xiyyaara Sukhoi Su 25 kan Gamtaa Sooviyeetiin hojjetame fayyadama.

Xiyyaarrik un kanneen lola qilleensaa fi qilleensaa irratti xiyyeeffatan irraa adda. Su-25 humnoota lafaaf deeggarsa dhiyeenyaa kennuu fi haleellaa lafa raawwachuuf kan qophaa'e.

Kanaaf, gatiin isaa inni guddaan dandeettii sochii waraanaa humnoota lafaatiin gaggeeffamu deeggaruudha

Helikooptara waraanaa Ruwaandaa - Mi-17

Ruwaandaan akka Yugaandaa, Keeniyaa fi Taanzaaniyaa xiyyaara waraanaa barame hin fayyadamtu.

Kanaa mannaa, helikooptaroota irratti xiyyeeffannoo guddaa kennuudhaan dandeettii qilleensaa ishee ijaarteetti.

Helikooptaroota humni qilleensaa Ruwaandaa qabu jedhamu keessaa tokkoo Mi 17, kan geejjibaa fi gahee waraanaa biroof oolu, akkasumas Mi 24 fi Mi 35, kan haleellaadhaaf oolu danda'u.

Kun dandeettii humnoota qilleensaa irratti qabxii barbaachisaa tokko agarsiisa.

Humni qilleensaa baay'ina xiyyaarota waraanaa qofaan kan madaalamu miti.

Biyya loltootashee saffisaan bobbaassuu barbaaddu, namoota madaa'an gara nagaa qabutti baasuu, humna lafaa deggeruu fi lafa rakkisaa keessatti hojii gaggeessuu barbaadduuf helikooptarri barbaachisummaa guddaa qabaachuu danda'a.