දුම්රිය රියැදුරෙකුගේ තීරණයක්… ජීවිත සිය ගණනක් රැකගත් හැටි

දුම්රිය රියැදුරු ජයම්පති මඩිගසේකර සහ ප්‍රධාන නියාමකවරයාගේ ක්ෂණික තීරණ ගැනීමේ හැකියාව සහ වෘත්තීයමය පළපුරුද්ද හේතුවෙන් මගීන් සිය ගණනකගේ ජීවිත මෙන් ම රුපියල් කෝටි ගණනක් වටිනා දුම්රියක් නිරුපද්‍රිතව බේරා ගැනීමට එම දුම්රිය කාර්ය මණ්ඩලයට හැකිව තිබිණි.

"රියැදුරා ඇත්තට ම උත්සහයක් දරලා තියෙනවා, සෑහෙන හොඳ උත්සාහයක්, රියැදුරා බැරිවෙලාවත් කොච්චිය ඉස්සරහට ගත්තා නම් එහෙම නායට අහුවෙනවා." යැයි දුම්රිය සාමාන්‍යාධිකාරී රවීන්ද්‍ර පද්මප්‍රිය බීබීසී සිංහල වෙත කියා සිටියේය.

ඒ අනුව තමන් මුහුණ දුන් අත්දැකීම ගැන පැහැදිලි කරන ලෙස බීබීසී සිංහල කල ඉල්ලීම පිළිගත් දුම්රිය රියැදුරු ජයම්පති මඩිගසේකර තම බිහිසුණු මතකය මෙලෙස අවදි කළේ ය.