Sgeulachdan bhidio air Sìona a-nis air an làraich

23mh Sultain 2008, Seònaid

Tha bhideothan ùra againn dhut an-diugh air làrach-lìn Sealladh air Sìona. 'S dòcha gun do leugh thu na sgrìobh Gerald, Maria agus Alasdair san leabhar-latha mu bhith a' filmeadh aig sgoil an Kung Fu, còmhla ris An Stiùiriche Feng, Xiao Di, agus na deugairean a tha a' cleachdadh cafaidhean eadar-lìn ann am Beijing. 'S urrainn dhut a-nis an sgeulachdan a leantainn air bhidio an seo.

Tha ochd filmichean goirid ann a' toirt sùil air beatha naoinear ann an Sìonach. 'S iad:

Xiao Di – Tha Xiao, deich bliadhna a dh' aois, a' fuireach ann am Beijing. Chan eil ach e fhèin san teaghlach.

Tian Tian – Tha Tian Tian ag ionnsachadh sgilean gaisgeanta aig sgoil Kung Fu.

Cao Fei & Tong Yan – Deugairean a tha a' trèanandh airson a bhith nan dealbhaichean aodaich.

Jiang Feng Gui – Dè thug air an tuathanach seo sgur a bhith a' fàs rus is bàrr eile a chur?

Dr Hao – Tha Dr Hao ag obair le ìochslaintean thraidiseanta Sìonach.

Liu Hong Liang – Sealladh dhan fhactaraidh anns a bheil Hong Liang ag obair agus a' fuireach.

An Stiùiriche Feng – Tha An Stiùiriche Feng ag obair còmhla ri buidhnean coimhearsnachd airson an àrainneachd ionadail aca a ghlanadh.

Yang Xi Wen – Tha an nighean seo a' cur seachad còrr is dusan uair a thìde air an eadar-lìon gach latha.

Ma tha blog agadsa, thèid agad air na bhideothan a chur air do dhuilleig fhèin, le bhith a' bruthadh nam putan share agus embed air a' chluicheadair bhidio. Faodaidh tu cuideachd ceangail don bhidio a chur gu caraid tro phutan share.

Dè am fear air air an coimhead thu an toiseachd?