બંગાળની ખાડીમાં વાવાઝોડાનો ખતરો, ગુજરાતમાં વરસાદ પડશે કે નહીં?

બંગાળની ખાડીમાં 'અર્નબ' બાદ બીજું એક નવું વાવાઝોડું 'મુરાસુ' બન્યું છે.

આ વાવાઝોડું આંધ્રપ્રદેશના દક્ષિણ ભાગોમાં ત્રાટકે તેવી સંભાવનાઓ વ્યક્ત કરવામાં આવી છે.

આ વાવાઝોડું જ્યારે ત્રાટકશે ત્યારે મહત્તમ પવનની ગતિ 120 કિલોમીટર પ્રતિ કલાક રહેવાની શક્યતા છે. જોકે આ વાવાઝોડાની સીધી અસર ગુજરાત પર નહીં થાય.

આ સિસ્ટમ તેલંગાણા સુધી પહોંચતાં સુધીમાં નબળી પડી જવાની શક્યતાઓ છે. આ સાથે ગુજરાતમાં આગામી બે દિવસ સુધી સૌરાષ્ટ્ર અને દક્ષિણ ગુજરાતના કેટલાક વિસ્તારોમાં છૂટોછવાયો કમોસમી વરસાદ ચાલુ રહેવાની સંભાવના દર્શાવવામાં આવી છે.