ઈરાને મધ્યપૂર્વમાં અમેરિકાનાં ઠેકાણાં પર 'અચાનક હુમલો' કર્યો - ન્યૂઝ અપડેટ
ઇમેજ સ્રોત, Getty Images
અમેરિકન સેનાએ દાવો કર્યો છે કે ઈરાને મધ્યપૂર્વમાં તેનાં ઠેકાણાં પર 'અચાનક હુમલો' કર્યો છે અને અનેક બૅલેસ્ટિક મિસાઇલો છોડી છે.
અમેરિકન સેનાનું કહેવું છે કે તેણે બધી મિસાઇલોને સફળતાપૂર્વક ઇન્ટરસેપ્ટ કરી નાખી છે.
અમેરિકન સેન્ટ્રલ કમાન્ડ અનુસાર, હુમલો મંગળવારે સાંજે થયો. સંભવિત ટાર્ગેટ કે ઠેકાણાંની માહિતી સાર્વજનિક કરાઈ નથી.
તેના જવાબમાં અમેરિકા અને સાઉદી અરેબિયાની સેનાએ પૂર્વીય ઇરાકમાં ઈરાન સમર્થિત 'આતંકવાદી ઠેકાણાં' પર સંયુક્ત કાર્યવાહી કરી છે.
સેન્ટકૉમે કહ્યું કે આ કાર્યવાહી છેલ્લા 72 કલાકમાં અમેરિકન ઠેકાણાં પર થયેલા 30 ડ્રૉન હુમલાના જવાબમાં કરાઈ છે, જેની પાછળ ઈરાનનું સમર્થન હોવાનો આરોપ છે.
તહેરાને હજુ સુધી આ આરોપો કે કથિત મિસાઇલ હુમલા પર કોઈ સત્તાવાર પ્રતિક્રિયા આપી નથી.
આ જવાબી હુમલો એવા સમયે થયો છે, જ્યારે અમેરિકા અને ઈરાન વચ્ચે કેટલાક દિવસોથી સીધો હુમલો થયો નથી અને વાતચીત ફરી શરૂ થવાની આશા સેવાઈ રહી હતી.
અમેરિકાના રાષ્ટ્રપતિ ડોનાલ્ડ ટ્રમ્પે સોમવારે ઈરાન સાથે 'બહુ મૈત્રીપૂર્ણ વાતચીત' થવાની વાત કરી હતી.
End of સૌથી વધારે વંચાયેલા સમાચાર
આ તાજી ઘટનાઓએ બંને દેશ વચ્ચે બનેલી અસ્થાયી શાંતિને ફરીથી જોમમમાં નાખી દીધી છે અને મધ્યપૂર્વમાં તણાવ ફરી વધે તેવી આશંકા પેદા થઈ છે.
ટ્રમ્પે ચીન પર લગાવ્યો આ પ્રતિબંધ, આ ટૅક્નૉલૉજીને સુરક્ષા માટે 'મોટો ખતરો' ગણાવી
ઇમેજ સ્રોત, Getty Images
તમારા કામની સ્ટોરીઓ અને મહત્ત્વના સમાચારો હવે સીધા જ તમારા મોબાઇલમાં વૉટ્સઍપમાંથી વાંચો
વૉટ્સઍપ ચેનલ સાથે જોડાવ
Whatsapp કન્ટેન્ટ પૂર્ણ
ટ્રમ્પ પ્રશાસને મંગળવારે અમેરિકામાં નવા હ્યુમનોઇડ રોબૉટોની આયાત પર પ્રતિબંધ મૂકવાની જાહેરાત કરી છે.
પ્રશાસને જણાવ્યું કે આ રોબૉટો દેશની રાષ્ટ્રીય સુરક્ષા માટે 'જોખમ' ઊભું કરી શકે છે, જેને સ્વીકારી શકાય નહીં.
આ પ્રતિબંધ અદ્યતન રોબૉટો પર લાગુ પડશે, જેમાં હ્યુમનોઇડ અને ચાર પગવાળા રોબૉટો સામેલ છે. આવા ઘણા રોબૉટોનું ઉત્પાદન ચીનમાં થાય છે.
ચીન અને અમેરિકા હાલમાં રોબૉટિક્સ અને આર્ટિફિશિયલ ઇન્ટેલિજન્સ (AI) ક્ષેત્રમાં આગવી સ્થિતિ મેળવવા માટેની હરીફાઈમાં છે.
અમેરિકન ફેડરલ કમ્યુનિકેશન્સ કમિશન (FCC) એ પાવર ઇન્વર્ટરની આયાત પર પણ પ્રતિબંધ મૂકી દીધો છે. ઇન્વર્ટરનો ઉપયોગ ડેટા સેન્ટર અને સોલાર પેનલોમાં થાય છે.
FCCનું કહેવું છે કે આ ઉપકરણો અમેરિકાની અર્થવ્યવસ્થા અને મહત્ત્વપૂર્ણ આધારભૂત માળખા માટે જોખમ ઊભું કરી શકે છે.
FCCના અધ્યક્ષ બ્રેન્ડન કારે જણાવ્યું કે એજન્સી 'અમેરિકાની મહત્ત્વપૂર્ણ સપ્લાય ચેઇનને સુરક્ષિત બનાવવાની' પોતાની જવાબદારી નિભાવી રહી છે.
FCCએ આ રોબૉટો અને ઇન્વર્ટરોને પોતાની 'કવર્ડ લિસ્ટ'માં સામેલ કરી લીધાં છે.
આ યાદીમાં એવી વસ્તુઓ અને સેવાઓનો સમાવેશ કરવામાં આવે છે, જેમને અમેરિકાની રાષ્ટ્રીય સુરક્ષા માટે સંભવિત ખતરો માનવામાં આવે છે.
હાલ સુધી ચીન તરફથી આ મુદ્દે કોઈ સત્તાવાર ટિપ્પણી સામે આવી નથી.
ગુલવીરસિંહે રચ્યો ઇતિહાસ, 10,000 મીટરની દોડમાં સિલ્વર મેડલ જીતનારા પહેલા ભારતીય
ઇમેજ સ્રોત, Michael Steele/Getty Images
ભારતના સ્ટાર દોડવીર ગુલવીરસિંહે ગ્લાસ્ગોમાં ચાલી રહેલા કૉમનવેલ્થ ગેમ્સમાં મંગળવારે ઇતિહાસ રચ્યો.
2026 કૉમનવેલ્થ ગેમ્સમાં પુરુષોની 10.000 મીટર સ્પર્ધામાં સિલ્વર મેડલ જતીને આ ઇવેન્ટમાં પદક હાંસલ કરનારા તેઓ પહેલા ભારતીય બની ગયા.
27 વર્ષના ગુલવીરસિંહે 27 મિનિટ અને 49.78 સેકન્ડનો સમયમાં આ આંતર કાપીને બીજા સ્થાને રહ્યા.
આ સ્પર્ધાનો સુવર્ણ ચંદ્રક ઑસ્ટ્રેલિયાના કાઈ રૉબિન્સને જીત્યો, જ્યારે કે ડેવિડ મુલાર્કીએ કાસ્ય પદક પ્રાપ્ત કર્યો.
આ સાથે ભારતના કુલ મેડલ્સની સંખ્યા 12 પહોંચી ગઈ છે.
બીબીસી માટે કલેક્ટિવ ન્યૂઝરૂમનું પ્રકાશન
