Abafatanyabikorwa ba Ukraine bagiye guhurira na Zelensky i Berlin mu nama idasanzwe

Ahavuye isanamu, Reuters
Nyuma y’inama yahuje Trump, Putin na Xi Jinping, i Shenzhen mu Bushinwa, ubu hateganyijwe indi nama ikomeye i Berlin mu Budage ikazahuza ibihugu 40 bishyigikiye Ukraine.
Iyi nama y’ihuriro rizwi nka "Coalition of the Willing" (Ihuriro ry'abashaka) igamije kurebera hamwe, uburyo bwo gukomeza gutera inkunga Ukraine no kuyifasha kubona umutekano, ndetse no kohereza ubutumwa bukomeye ko Uburayi bushaka kugira uruhare mu biganiro bizashakira umuti intambara yo muri Ukraine.
Perezida wa Ukraine Volodymyr Zelensky yamaze kugera i Berlin kugira ngo yitabire iyo nama.
Azahurirayo n’abarimo Minisitiri w’Intebe w’u Bwongereza Andy Burnham, Perezida w’u Bufaransa Emmanuel Macron, ndetse n’intumwa za Amerika Jared Kushner na Steve Witkoff.
Mu ijoro ryakeye, Zelensky yavuze ko Witkoff na Kushner bazageza ku bitabiriye iyo nama amakuru n’ibyavuye mu biganiro byabereye i Shenzhen mu Bushinwa.
Ibiro ntaramakuru bya Leta y’u Burusiya na byo byatangaje ko abo bombi bamaze kugirana ibiganiro n’abayobozi b’u Burusiya n’u Bushinwa nyuma y’iyo nama.
N’ubwo izo nama zombi zisa n’izidafitanye isano, zitanga urubuga ku nshuti zikomeye za Ukraine rwo guhita rutanga igisubizo ku byo rwumvise mu Bushinwa no ku cyerekezo cy’ibiganiro birimo gukorwa ku ihagarikwa ry’intambara.
Izindi nkuru wasoma:








