IKIBIRIRAHO, Tehran yateye ibirindiro vya Amerika mu Kigobe inyuma y'uko ingabo za Amerika zigavye ibitero bishasha kuri Iran

Amakuru y'ikibiriraho

Didier Bikorimana na Gildas Yihundimpundu

1. Haciye isaha 1Inkino z'igikombe c'isi zitezwe kubamwo ugutigira kwa mbere kunini mu mateka

   

   Ahavuye isanamu, Getty Images

   Ihiganwa rya FIFA ry’inkino z’igikombe c’isi z’abagabo rigiye gutangura ryitezwe kubamwo ugutigira (betting) kwa mbere kunini kw’ibihe vyose, aho miriyaridi 50 z’amadolari zizoshirwa muri ico gisata ku rwego rw’isi.

   Nk’uko vyihwezwa n’isosiyete Macquarie ikorera mu gisata kijanye n’ivy’ubutunzi n’amafaranga, iryo higanwa rishobora gutuma abatigira babishiramwo miliyoni 500 z’amadolari ku rukino rumwe.

   Imiriyaridi 50 zitezwe muri rusangi, zoba ari ukwiyongera gukomeye cane ugereranije na miriyaridi 35 z’amadolari zari zashizwe mu bijanye no gutigira mu nkino z’igikombe c’isi zabereye muri Qatar mu 2022.

   Amashirahamwe akangurira abantu kwirinda ibijanye no gutigira kubera ingaruka zavyo, yibutsa ko abantu nka bose bakina ibijanye no gutigira bahomba amafaranga ku gihe kirekire.

   Ayo mashirahamwe agabisha ko abazotigira mu nkino z’igikombe c’isi z’uwu mwaka, bari mu kaga ko gukwegerwa mu nzira yo kugerageza ubundi buryo bwo gutigira bwinshi bushobora kubagirako ingaruka bukanabizizira gusumba.

   Umusesanguzi wa Macquarie, Chad Beynon, avuga ko uku kwiyongera gukomeye kw’amafaranga ashirwa mu bijanye no gutigira guterwa ahanini n’uko igitigiri c’imirwi izokina congerejwe. Cavuye ku mirwi 32 gishika kuri 48.

   Kubera iyo mvo, hazoba inkino zirenga 100 mu kiringo c’amayinga atandatu, mu gihe mw’ihiganwa riheruka ryabereye muri Qatar mu 2022 hari hakinywe inkino 64.

   Beynon yongerako ko ibiringo vyiza vy’amasaha vy’ibihugu bizokwakira iryo higanwa, ari vyo Amerika, Canada na Mexique, bizotuma abantu benshi barushiriza gukurikirana izo nkino.

   Ashimangira ko bizokwongereza n’inyota y’abatigira ku migabane ya Buraya, Afrika na Amerika y’Epfo.

   Ikindi gituma haba ukwo kuduga ni iyongerekana ry’isoko ryo gutigira muri Amerika, aho hafi 65% vy’abanyagihugu ubu bashobora gukina imikino yo gutigira, igitigiri ciyongereye kivuye kuri 40% mu 2022.

   Ivyo bisobanuye ko iri ari ryo higanwa rya mbere ry’igikombe c’isi igice kinini c’Abanyamerika bashobora gushiramwo amafaranga yo gutigira.

   Izindi nkuru wosoma:

   Ibyumba birimo ubusa no kwisubiraho kwa Fifa - Amahoteli muri Amerika afite impungenge ko Igikombe cy'Isi kitazatanga inyungu zari zitezwe

   Umugwi nserukiragihugu wa Irani wemerewe kwinjira muri Amerika mu gikombe c'isi

   Abakinyi bashasha 20 bo gukurikirana mu gikombe c'Isi ca 2026

2. Haciye amasaha 2Umuhagarikizi yankiwe kwinjira muri Amerika yari afitaniye isano n''imigwi y'iterabwoba' – Umutegetsi wo muri Amerika

   

   Ahavuye isanamu, Reuters

   Umutegetsi wo muri Reta Zunze Ubumwe za Amerika avuga ko umuhagarikizi w’umunya Somalia, Omar Artan, yankiwe kwinjira muri ico gihugu kubera afitaniye “isano n’abikekwa ko bari mu mirwi y’iterabwoba”.

   Artan w’imyaka 34 - yatowe nk’umuhagarikizi mwiza ku mugabane wa Afrika mu 2025 - yari agiye kuba umunya Somalia wa mbere ahagararira inkino z’igice ca nyuma mw’ihiganwa ry’igikombe c’isi.

   Ariko, ku wa mbere yarankiwe kwinjira muri Amerika ageze ku kibuga c’indege mpuzamakungu ca Miami, n’ubwo yari afise pasiporo y’aba ‘dipolomate’ hamwe na viza imwemerera kwinjira muri ico gihugu rimwe gusa.

   Somalia iri ku rutonde rw’ibihugu 12 vyafatiwe ingingo na Perezida Donald Trump yo kwankirwa canke kugabanirizwa kwinjira muri Amerika.

   Artan yashitse muri Somalia ku wa gatatu.

   Isoko butegetsi bwa Trump ryagize riti: “Uyu muntu yariko arasaba kwemererwa kwinjira muri Amerika. Mw’igenzura ryimbitse ryagizwe n’urwego CBP [rujejwe gukingira imipaka no gusuzuma abinjira], hatowe amakuru nyandagazi amwerekeye, harimwo ko afitaniye isano n’abikekwa ko bari mu mirwi y’iterabwoba. Ivyo vyatumye atemererwa kwinjira muri Amerika hisunzwe itegeko rigenga ivy’abimukira n’ubwenegihugu (INA).

   “Uwo muntu yarankiwe kwinjira yongera ahabwa impapuro zerekana ingingo z’amategeko zisunzwe kugira yirukanwe vyihuse, hakurikijwe igice ca 8235 c’itegeko INA.

   “Ubutegetsi bwa Perezida Trump ntibuzokwigera bureka umuntu uwo ari we wese ashobora guteza akaga ku mutekano kwinjira mu gihugu cacu - akaburungu.”

   BBC Sport yaragerageje kurondera Artan kugira agire ico ashikirije ku vyo yagirizwa.

   Mu kiganiro yahaye ikinyamakuru New York Times – co muri Amerika – ku wa kabiri, Artan yavuze ko yabajijwe n’abajejwe umutekano wo ku mipaka ku bijanye n’isano yoba afitaniye n’umugwi w’iterabwoba al-Shabab wo Somalia, nawe akaba yabishuye ko ata na kimwe azi kuri wo.

   Izindi nkuru wosoma:

   'Nopfuma mbaho ninyegeje muri Amerika hako nsubira muri Somalia'

   Menya Ilhan Omar, umudepite wa Amerika uvuka muri Somalia Trump yongeye kwibasira mu ijambo rye i Davos

   Ni bande bafite agahigo mu mateka y'igikombe cy'isi?

3. Haciye amasaha 4Trump avuga ko akunda 'izamuka ry'ibiciro' mu gihe ibiciro muri Amerika byazamutse byihuse cyane

   

   Ahavuye isanamu, EPA

   Perezida Donald Trump yavuze ko akunda “izamuka ry’ibiciro”, mu gihe mu kwezi gushize ibiciro byo muri Amerika byazamutse ku kigero cya mbere cyihuse cyane kibayeho mu myaka itatu ishize.

   Imibare y’ibiro bishinzwe ibarurishamibare ryo mu rwego rw’umurimo (BLS) igaragaza ko ibiciro byazamutse ku kigero cya 4.2% muri Gicurasi (5) ugereranyije no mu mwaka ushize.

   Uko kwiyongera, kwavuye kuri 3.8% muri Mata (4), kwatewe n’izamuka ry’ibiciro by’ingufu z’amashanyarazi nyuma y’intambara y’Amerika na Israel muri Iran.

   Ubwo yari ari mu biro bye bya White House, Trump yagize ati: “Ndarikunda. Imibare yari imeze neza cyane. Murabizi icyo nkunda rwose? Nkunda izamuka ry’ibiciro.”

   Ariko yasezeranyije ko ibiciro birimo kuzamuka “bizamanuka nk’urutare” ubwo intambara na Iran izaba irangiye. Nyuma yaho ku wa gatatu, ingabo z’Amerika zarashe muri Iran.

   Ubwo ku wa gatatu yavugaga kuri iyo mibare y’izamuka ry’ibiciro, Perezida Trump yavuze ko ingabo z’Amerika zakoze ibikorwa bya gisirikare (operations) bya nijoro byo gutwara “utugunguru tubarirwa muri za miliyoni” tw’ibikomoka kuri peteroli bivuye muri Iran. Yavuze ko ibyo byagize uruhare mu igabanuka rito ry’ibiciro by’ibikomoka kuri peteroli.

   Yabwiye abanyamakuru bari bari muri White House ati: “Ubwo iyi ntambara izaba irangiye... muzabona ibiciro by’ibikomoka kuri peteroli bigabanuka bigasubira aho byahoze mbere.”

   Igiciro fatizo mpuzamahanga cy’ibikomoka kuri peteroli, Brent crude, kiracyari hejuru cyane kurusha ibipimo cyari kiriho mbere y’intambara.

   Izindi nkuru wasoma:

   Texas: Umuhungu w'umunyeshuri wishe mugenzi we amuteye icyuma mu mutima yakatiwe gufungwa imyaka 35

   Amerika imaze gukataza ibingana gute muri Irani, kuva ku ndege z'intambara gushika ku madrone?

   'The Beast': Menya impamvu bikomeye kwangiza imodoka ya Perezida wa Amerika n'igitero cy'ibisasu

4. Haciye amasaha 4Tehran yateye ibirindiro vya Amerika mu Kigobe inyuma y'aho ingabo za Amerika zigavye ibitero bishasha kuri Iran

   

   Ahavuye isanamu, US Central command

   Iran yateye ibirindiro vya gisirikare vya Reta Zunze Ubumwe za Amerika biherereye mu Kigobe, mu kwihora ku bitero bishasha vya Amerika vyagabwe inyuma y'uko Perezida Donald Trump avuze ko ashobora gukubita “bikomeye” ico gihugu.

   Bumwe mu buyobozi bukuru bw’ingabo za Amerika buzwi nka CENTCOM bwatangaje ko bwarangije umusi wa kabiri wikurikiranije w’ “ibitero vyo kwivuna”, bikaba vyagabwe mw’ijoro inyuma y'uko Trump avuze ko Tehran “yatevye cane gushika ku masezerano” yo kurangiza intambara.

   Mu kwishura, Iran yavuze ko yateye ibirindiro vya gisirikare vya Amerika biri muri Bahreïn (Bahrain) na Koweït (Kuwait), ari na vyo nyene yari yatumberejeko ibitero vyo kwihora umusi umwe imbere y’aha.

   Uku kubandanya kw’ibitero vy’ingere ku yindi kwibonekeza muri iyi misi, gushira mu kaga agahengwe impande zompi zari zumvikanyeko muri Ndamukiza (4) uyu mwaka.

   Inyuma y’igitero caheruka ca Amerika, humvikanye uguturika mu bisagara vyo mu bumanuko bwa Iran, hafi y’umuhora wa Hormuz, aho ingabo za Amerika zatumbereje kandi ibitero ku buhinga bwo kwirinda ibitero vyo mu kirere harimwo ama ‘radar’ n’ibindi bikorwa remezo.

   Muri uku gusubira gukara kw’ibitero hagati y’ibi bihugu bibiri, ishami rya gisirikare rijejwe gukingira ubutegetsi bwa kiislam (IRGC) ryavuze ko ryarashe amato abiri manini atwara igitoro yariko aca mu muhora wa Hormuz.

   Ibi vyatangajwe n’ibinyamakuru vya reta ya Iran, n’ubwo ata yandi masoko yashotse avyemeza.

   Ivyo vyabaye inyuma y'uko ibinyamakuru vya reta ya Iran bivuze ko umuhora wa Hormuz “wugawe burundu ku bwoko bwose bw’amato”. Ariko CENTCOM yo yemeje ko “amato y’ubudandaji abandanya kurengana, yaba ayinjira canke ayasohoka, mu muhora wa Hormuz”.

   Izindi nkuru wosoma:

   Texas: Umuhungu w'umunyeshuri wishe mugenzi we amuteye icyuma mu mutima yakatiwe gufungwa imyaka 35

   Umuhagarikizi w'umupira w'amaguru w'umunya Somalia, Artan, yankiwe kwinjira muri Amerika

   FBI yashyizeho 200,000$ ku watanga amakuru yafatisha uyu mugore ivuga ko ari maneko wa Iran

5. Haciye amasaha 5Mwaramutse neza!

   Ikaze kuri BBC Gahuzamiryango, aho tubashikiriza amakuru yo mu karere no mu makungu mu buryo bw'ikibiriraho.