Dim campfa? Dim problem... tips ffitrwydd i'w gwneud yn y tŷ

Mae cadw'n ffit drwy wneud ymarfer corff yn gallu bod yn anodd, gyda diffyg amser yn gallu profi'n heriol i unigolion prysur.

Gall hefyd fod yn anodd i bobl hŷn, i bobl sydd heb ddealltwriaeth o'r byd ffitrwydd, ac i bobl sydd ag anableddau corfforol.

Dau sydd wedi arfer ar hyfforddi pobl o alluoedd a chryfderau gwahanol yw Jac Wyn Williams a Chrissy Chilcott.

Mae Jac, sy'n wreiddiol o Fachynlleth, yn pwysleisio'r buddiannau o gadw'n heini ar gyfer ansawdd bywyd yn hwyrach mewn bywyd. Ac mae Chrissy yn pwysleisio fod angen cryfder er mwyn gwneud pethau ymarferol o ddydd i ddydd.

Y prif neges gan y ddau yw bod angen cadw'r corff i fynd, a gwneud beth sy'n ymarferol bosib, heb wthio'r corff yn ormodol.