You’re viewing a text-only version of this website that uses less data. View the main version of the website including all images and videos.
Met Gala 2026: Beyonce, Heidi Klum, Katy Perry plus oda most talked about looks dis year
- Author, Kayla Epstein and Scarlett Harris
- Author, Nada Tawfik
- Role, North America correspondent
- Reporting from, Met Gala carpet
- Read am in 9 mins
Na di biggest night for fashion as celebrities arrive for di 2026 Met Gala wit dia looks.
Dis year theme na costume art wia organisers ask attendees to experiment wit di ogbonge and totori dress code.
Di annual event na fundraiser for di Metropolitan Museum of Art Costume Institute, and e serve as chance for celebrities and design house to go all-out and show dia skills.
Di golden-voice Broadway star Joshua Henry, take di drama up by opening di carpet wit di song "I Wanna Dance With Somebody" wit band and dancers on di Met iconic steps.
Di guest list dey wit plenti star dis year, wit di event co-chairs including singer Beyoncé, actress Nicole Kidman, tennis star Venus Williams, and global editorial director of Vogue Anna Wintour.
Parade of celebrities, including Naomi Osaka, Angela Bassett, Madonna, and Sabrina Carpenter pose for di cameras.
Some famous faces - Bad Bunny, Heidi Klum, and Katy Perry dey almost unrecognisable sake of dia commitment to di "costume" theme.
Make we look some of di highlights and most talked-about looks.
End of Di one wey oda users dey read well well
Beyoncé take ova di carpet wit her famous family
Beyoncé make her first Met Gala appearance in 10 years, and to make up for lost time she come wit ogbonge look.
Di creation, by French designer Olivier Rousteing, take on di Gala theme wit gown wey get skeleton design, and add giant feather cape.
Di BBC catch up wit Beyonce for di carpet. Wen dem ask her how she feel to be back, di star say, "E feel great to dey here wit my daughter and husband".
Di star take di carpet wit husband, rapper Jay-Z, and her daughter, Blue Ivy, wey be 14-years-old and one of di youngest guests.
Di Gala typically only allow guests wey be 18 or older.
Rihanna arrive fashionably late, A$AP Rocky join too
As e become almost tradition, di musical and fashionable power couple close down di Met Gala carpet, dem arrive afta evrione.
Rihanna wear customised Maison Margiela by Glenn Martens gown wey get thousands of jewels and beads.
A$AP Rocky, wey be co-chair of last year Gala, arrive in custom Chanel. E wear pink coat wit black satin lapels.
Anna Wintour feathery confection
Anna Wintour, di global editorial director of Vogue magazine, wear feathery custom Chanel confection to her signature event.
E mark her first Gala since stepping down as editor-in-chief of American Vogue. She dey co-chair di event nearly evri year since 1995.
Oscar-winning actress Nicole Kidman wear red
Actress and event co-chair Nicole Kidman wear red, long-sleeved beaded column gown by Chanel. She attend wit her daughter, Sunday Rose.
Venus Williams sparkling accessories
American tennis star Venus Williams, five-time Wimbledon winner, also co-chair di event. She wear black sparkling gown wit luxurious silver, jewel-encrusted neck adornment.
She hala wen di BBC ask her how e feel to co-chair di gala. "I dey dance inside," she tok.
Serena Williams shine in silver
Di oda Williams sister, Serena, wear silver Marc Jacobs creation wey show di classical art on display for di museum.
Lauren Sánchez Bezos channel "Madame X"
Lauren Sánchez Bezos, di wife of Amazon founder Jeff Bezos, na honorary chair for dis year gala.
Her Schiaparelli gown show one of di most famous (and scandalous) dresses for art history: di gown portray John Singer Sargent "Madame X".
Broadway star Joshua Henry
"Ragtime" star Joshua Henry no just attend di red carpet. E open di evening wit performance of Whitney Houston I Wanna Dance With Somebody, togeda wit dancers and band.
Colman Domingo suit pop against di carpet
Heidi Klum
Di supermodel take her like for extravagant Halloween costume to di Met Gala, wia she dress as one of di many marble statues for di museum halls.
Na Bad Bunny be dat?
Bad Bunny follow Klum footsteps wit anoda very costumey look. Di 32-year-old singer wear makeup wey make am look like old man.
Angela Bassett reign ova di carpet
Emma Chamberlain painting-inspired gown
Model and activist Aariana Rose Philip make historic Gala debut
Philip na di first wheelchair user to attend di Met Gala, according to Vogue magazine.
Teyana Taylor
Manish Malhotra sculptured shoulders
Karan Johar cape tell dia own story
Cara Delevingne gown
Chase Sui Wonders soothing lavender
Lena Dunham return to di Met
Charlie XCX choose black ova 'Brat'
Doja Cat classic look
Doja Cat wear classically Grecian Saint Laurent dress for unconventional fabric: silicone.
Sinéad Burke corset-inspired dress
Naomi Osaka surprise reveal
Katy Perry
Connor Storrie heat up di green carpet
Hudson Williams bold makeup
Lisa many hands
Rosé style
Zoë Kravitz make use of her pockets
Sabrina Carpenter bring Hollywood glamour
Sam Smith extravagant headpiece
Singer Sam Smith arrive in glamourous robe, wit towering feathered headpiece wey make di look stand out.
Hunter Schafer sweet dress
Stevie Nicks swagga into Met gala
Cher
Madonna sail into di Met Gala
Kim Kardashian channel superhero
Di businesswoman and reality star say na British design duo Whitaker Malem make her orange bodice dress.
Kylie Jenner "falling" dress
Businesswoman and reality star Kylie Jenner Schiaparelli dress at first appear to be falling off her. But cleverly designed nude bodice hold di entire look togeda.
Kendall Jenner be like her sister
Model Kendall Jenner arrive in a dress wey rhyme wit her sister Kylie, dis time by Zac Posen for GAP.
