Sràid na h-Acadamaidh an Inbhir Nis air fosgladh às ùr an dèidh droch thubaist

Dealbh den làrach air Sràid na h-Acadamaidh madainn Diardaoin, le càraichean poilis ann is teip a' cumail a' phobaill air ais.

Chaidh Sràid na h-Acadamaidh ann an Inbhir Nis fhosgladh às ùr an dèidh a bhith dùinte ri linn droch thubaist eadar neach-coise agus làraidh.

Thachair e faisg air Ceàrnag an Stèisein mu 09:50m Diardaoin.

Chaidh na poilis, ambaileans agus an t-seirbheis smàlaidh a ghairm chun na làraich.

Tha na poilis a-niste air bacadh a thoirt air falbh a bha air an t-sràid fhèin agus an raon-parcaidh air beulaibh doras Stèisean Inbhir Nis a dhùnadh dheth.

Chan eil an còrr fiosrachaidh ann aig an ìre seo.