Султанбеков 7, Атамбаев 4 жылга соттолду

Бишкектин Биринчи май райондук соту 8-октябрда "Социал-демократтар" партиясынын лидери Темирлан Султанбековду жети, мурдагы президент Алмазбек Атамбаевдин кенже уулу Кадыр Атамбаевди төрт жылга эркинен ажыратты.

Саясатчылар "Бийликти күч менен басып алуу" беренеси боюнча күнөөлүү деп табылды. Алардын мүлкү конфискацияланып, жалпы режимдеги колонияда жазасын өтөйт. Айыпталуучулар өкүмгө макул болушкан жок. Жакындары шаардык сотко кайрыла турганын билдиришти.