KAI TSAYE, Labaran wasannin BBC Hausa daga ranar 12 zuwa 18 ga watan Afrilun 2026

Rahoto kai-tsaye

Mohammed Abdu

1. 16 Aprilu 2026Caicedo ya tsawaita kwantiragin ci gaba da taka leda a Chelsea, Chelsea

   

   Asalin hoton, Getty Images

   Moisés Caicedo ya tsawaita kwantiragi mai tsoka ta ci gaba da taka leda a Chelsea.

   Mai shekara 24 ya nemi sabunta yarjejeniyarsa bayan rawar da ya taka wajen taimaka wa Chelsea ta lashe Europa Conference League da kuma Club World Cup a kakar da ta gabata.

   Tun farko ya amince da kwantiragin kaka bakwai da ya koma Stamford Bridge daga Brighton a 2023.

   Rahotanni sun nuna cewa sabon kwantiragin zai karkare zuwa karshen kakar 2033.

   Wannan yarjejeniya ita ce ta biyu a jerin sabbin kwantiragi da Chelsea ta yi da manyan ƴan wasanta, Kyaftin Reece James shi ne na farko da ya sabunta kwantiragi, yayin da kulob din ke ci gaba da tattaunawa da wasu ƴan wasa kafin ƙarshen kakar bana.

   Haka kuma Chelsea ta karawa Cole Palme albashi.

   Chelsea za ta karɓi bakuncin Manchester United a Premier League, yayin da ƙungiyar Stamford Bridge ke mataki na shida.

2. 16 Aprilu 2026Fernandez ya kammala hutun dakatarawa wasa biyu, Chelsea

   

   Asalin hoton, Getty Images

   Ɗan wasan Chelsea, Enzo Fernández, ya koma atisaye kuma yana shirye domin buga wasan Premier League a gida da Manchester United ranar Asabar, bayan da aka cire shi daga jerin ƴan wasa saboda dalilan ladabtarwa, kamar yadda koci Liam Rosenior ya bayyana a ranar Alhamis.

   Mai shekaru 25, wanda ya lashe kofin duniya tare da Argentina, bai buga wasan da Chelsea ta lallasa Port Vale da ci 7-0 a quarter-final a FA Cup ba, haka kuma bai yi karawar da Chelsea ta sha kashi 3-0 a hannun Manchester City a gasar Premier League a makon da ya gabata ba.

   Fernández, wanda ke ɗaura ƙyallen kyaftin a lokacin da Reece James ke jinya, ya bayyana cewa zai duba makomarsa bayan gasar kofin duniya, sannan ya nuna sha’awar komawa birnin Madrid – kalaman da daga baya ya nemi afuwa a kansu.

   Rosenior ya kuma bayar da bayani kan halin da wasu ƴan wasa ke ciki, har da Trevoh Chalobah, wanda bai buga wasa ba tun bayan wasan da Chelsea ta fice daga Champions League a hannun Paris Saint-Germain, da kuma Reece James wanda ke jinya tun bayan shan kashi a hannun Newcastle United a watan Maris.

   A halin yanzu Chelsea na matsayi na shida da maki 48, tana biye da Liverpool ta biyar da tazarar maki huɗu tsakani, wadda ke cikin gurbin shiga Champions League a baɗi. Ta ci wasa ɗaya a karawa biyar a Premier League, kuma samun nasara a kan United, wadda ke matsayi na uku, zai taimaka mata wajen rage tazarar maki da Liverpool da kokarin karewa cikin ƴan biyar ɗin teburi.

3. 16 Aprilu 2026, Daga Jaridu

   

   Asalin hoton, Getty Images

   Liverpool ce kan gaba a neman siyen ɗan wasan Bournemouth da Argentina,Marcos Sensi, da kwantaraginsa zai ƙare a wannan kaka. (i paper)

   Manchester City na dab da kamala tayin siyen ɗan wasan Feyenoord Givairo Read, sai dai Bayern Munich ita ma na harin ɗan wasan. (Sky Sports)

   Livepool na son ɗauko ɗan wasan Newcastle Anthony Gordon, da ɗan wasan Everton Iliman Ndiaye, a yunƙurinsu na ƙara inganta ƴan wasan gaban ƙungiyar a kaka mai zuwa. (Teamtalk)

   Tsohon ɗmai horar da Chelsea da Manchester United, Jose Mourinho na kan gaba cikin wanda Newcastle ke son ya maye gurbin Eddie Howe, idan har suka yanke shawarar sallamar mai horar da ƴan wasan ƙungiyar. (Talksport)

   Bournemouth na mataki na gaba wajen ɗaukar tsohon mai horar da ƴan wasan Borussia Dortmund da RB Leipzig Marco Rose, kasancewar ba ya tare da wata ƙungiyar a halin yanzu. (Telegraph - subscription required)

4. 16 Aprilu 2026Rosenior ya ce lokaci na neman ƙurewa Chelsea a Premier, Premier League

   

   Asalin hoton, Getty Images

   Liam Rosenior ya amince cewa lokaci na ƙurewa Chelsea wajen neman gurbin shiga Champions League bayan da ta yi nasara ɗaya a wasanni bakwai baya a Premier League.

   Manchester United za ta kai ziyara Stamford Bridge ranar Asabar, a wasan da zai zama dole Chelsea ta yi nasara domin ganin ta kare a cikin koda ƴan biyar din farko ne.

   Chelsea tana ta shidan teburi da tazarar maki huɗu tsakani da Liverpool ta huɗu, kuma saura wasa shida suka rage a kakar nana.

   Shan kashi 3-0 a gida a hannun Manchester City a ranar Lahadi shi ne na uku a jere da ta yi rashin nasar a gasar, wanda ya jefa ƙungiyar da Rosenior ke jan ragama cikin gagrumin koma baya.

   Yanzu haka sama da makonni shida kenan tun bayan da Chelsea ta zura ƙwallo a gasar lig, lamarin da ke nuna irin matsalar da take ciki. Tsohon kocin RC Strasbourg da Hull City ya bayyana cewa za su ci gaba da sa kaimi domin Chelsea ta koma kaN GANIYA.

   Ana sa ran za a yi zanga-zangar daga magoya baya kafin wasan United, abin da ke nuna yadda alaƙa tsakanin magoya baya da ƙungiyar ta lalace tun bayan da kamfanin BlueCo ya karɓi ragamar Chelsea kusan shekaru huɗu da suka wuce.

5. 16 Aprilu 2026Al Waleed bin Talal zai mallaki kaso mafi tsoka a Al Hilal, Saudiyya

   Kamfanin Kingdom Holding, mallakin attajirin ɗan kasuwa Yarima Al Waleed bin Talal, ya kulla yarjejeniya mai karfi domin sayen kaso 70% na ƙungiyar ƙwallon kafa ta Al Hilal.

   Yarjejeniyar ta kimanta darajar jarin Al Hilal zuwa Riyal miliyan 1.4 (kimanin dala miliyan 373.20). An ce wannan mataki yana cikin dabarun kara yawan riba tare da mayar da jari cikin tattalin arzikin cikin gida.

   Tun daga watan Yuli a 2023, Kamfanin zuba jari PIF ne ke rike da mafi yawan hannun jari a Al Hilal, a matsayin wani bangare na shirin bunkasa ƙungiyar da kuma kara gudunmawar bangaren wasanni ga tattalin arzikin kasar.

   Al Hilal, wacce ta lashe gasar lig sau 19, tana matsayi na biyu a teburin Saudi Pro League da maki 68 daga wasanni 28, tana da tazarar maki takwas da Al Nassr, duk da cewa tana da kwantan wasa daya.

   Kammala wannan yarjejeniya zai dogara ne kan cika wasu sharudda da kuma samun amincewar hukumomi kamar yadda aka tanada a cikin yarjejeniyar.

6. 16 Aprilu 2026Ƙyaftin Silva zai bar Man City a karshen kakar nan, Manchester City

   

   Asalin hoton, Getty Images

   Ƙyaftin ɗin Manchester City, Bernardo Silva, zai bar ƙungiyar a ƙarshen kakar bana, bayan kwantiraginsa ya ƙare.

   Ɗan wasan tawagar Portugal mai shekaru 31 ya zura ƙwallo 76 da bayar da 77 aka zura a raga a cikin wasa 451 da ya buga wa City tun bayan zuwansa daga AS Monaco a shekarar 2017.

   Nasarar da ya samu a lashe Carabao Cup a watan da ya gabata shi ne kofi na 15 da ya ɗauka tare da City, ciki har da cin uku rigis a 2022/23.

   Silva ya kuma taka rawar gani wajen taimaka wa City lashe Premier League da maki 100 a kakar 2017/18, da kuma lashe dukkan kofuna huɗu na gida a kakar 2018/19, sannan ya taimaka wajen lashe gasar lig sau huɗu a jere tsakanin 2021 zuwa 2024.

   Silva shi ne kaɗai ɗan wasa daga sabon zamanin Manchester City da yake cikin manyan ƴan wasa goma da suka fi buga wasanni a tarihin ƙungiyar din, kuma a yanzu yana matsayi na takwas da yin kan-kan-kan da Mike Summerbee.

   An naɗa shi ƙyaftin ɗin ƙungiyar ne bayan tafiyar Kevin De Bruyne a ƙarshen kakar da ta gabata, kuma ya lashe Premier League sau shida a cikin kakar wasa takwas da ya yi a City.

   A halin yanzu City tana matsayi na biyu a teburin Premier League, kuma za ta fafata da Southampton a wasan semi-final a FA Cup a ranar 25 ga Afrilu.

7. 16 Aprilu 2026Tsohon ɗan wasan Arsenal, Mamminger ya mutu, Arsenal

   

   Asalin hoton, Getty Images

   Ƙungiyar Bundesliga ta sanar a ranar Alhamis cewa tsohon mai tsaron raga Alexander Manninger mai shekaru 48 ya mutu a wani sakon da ta wallafa a kafarta ta sada zumunta a X.

   Rahotanni daga Austria sun bayyana cewa motar Manninger ta yi karo da jirgin ƙasa a wata hanyar tsallaka layin dogo a yankin Nussdorf am Haunsberg a safiyar ranar Alhamis.

   Manninger, wanda ya buga wa tawagar ƙasarsa wasa 33, ya koma Arsenal a shekarar 1997 daga Grazer AK kan kuɗi fam 500,000. Ya buga wasa 64 a ƙarƙashin koci Arsène Wenger, inda ya lashe gasar Premier League a cikin shekaru biyar da ya yi kafin ya bar ƙungiyar zuwa Espanyol, sakamakon hamayaya a gurnin tsare raga da David Seaman da Richard Wright.

   Arsenal ma ta wallafa sako a X tana cewa: “Kowa a Arsenal ya kadu kuma ya yi matuƙar bakin ciki da rasuwar tsohon mai tsaron raga, Alex Manninger.

   Manninger ya kuma buga wasa a ƙungiyoyi da dama a Italiya kamar Torino, Bologna, Siena da Juventus, inda ya lashe kofin Serie A. Haka kuma ya taka leda a Augsburg a Jamus da kuma Liverpool na ɗan lokaci a gasar Ingila.

8. 15 Aprilu 2026Champions League - Karawar kusa da ƙarshe:

   • Atletico Madrid v Arsenal
   • Paris St-Germain v Bayern Munich

   Za a buga wasannin kusa da ƙarshe a ranakun 28 da 29 ga watan Afrilu da kuma 5 da 6 ga watan Mayu.

9. 15 Aprilu 2026Champions League - Sakamakon wasannin Laraba:

   • Bayern Munich 4-3 Real Madrid (6-4)
   • Arsenal 0-0 Sporting (Jimilla 1-0)

10. 15 Aprilu 2026ARSENAL TA KAI WASAN KUSA DA NA ƘARSHE A GASAR CHAMPIONS LEAGUE KAKA BIYU A JERE, Arsenal 0-0 Sporting (Jimilla 1-0)

    

    Asalin hoton, Getty Images

    Ko akwai abin da zai sauya? Shin ya kamata ta yi farin ciki?

    Yanzu za ta fafata Athletico Madrid domin neman kaiwa matakin wasan ƙarshe.

11. 15 Aprilu 2026BAYERN MUNICH ta kai wasan kusa da ƙarshe

    An buga wasa mai ƙayatarwa amma a ƙarshe Bayern Munich ta kai matakin kusa da ƙarshe na gasar zakarun Turai ta Champions League, za ta kara da Paris St-Germain.

    Bayern Munich v Paris St-Germain (Wasan kusa da ƙarshe)

12. 15 Aprilu 2026ƘWALLO A RAGA! Bayern Munich 4-3 Real Madrid (Jimilla 5-4)

    Bayern ta kammala aiki!

    

    Asalin hoton, Getty Images

13. 15 Aprilu 2026SHI KENAN! ARSENAL TA SHA!, Arsenal 0-0 Sporting (Jimilla 1-0)

    

    Asalin hoton, Getty Images

    Arsenal ta tsallaka zuwa wasan kusa da na ƙarshe bayan tashi wasa 0-0.

    Arsenal dama ta zura ƙwallo ɗaya a gidan Sporing a makon da ya gabata.

    Arsenal ta kai wasan kusa da na ƙarshe kakar wasa biyu ke nan a jere.

    Atletico Madrid v Arsenal (Wasan kusa da ƙarshe)

    

    Asalin hoton, Getty Images

14. 15 Aprilu 2026ƘWALLO A RAGA! Bayern Munich 3-3 Real Madrid (Jimilla 5-4), Luis Diaz

    Kaiiii! Wata ƙwallo mai kyawu a mintunan ƙarshe!

    Abin ba a cewa komai!

    

    Asalin hoton, Getty Images

15. 15 Aprilu 2026Katin Kora: Real Madrid

    Akwai ƴan wasan Real da dama da suke kan siraɗin samun kati. Eduardo Camavinga ya yi fawul da yawa.

    Dama yana da katin gargaɗi kuma sai ya yi wa Harry Kane ƙeta, nan take aka ɗaga masa jan kati.

    

    Asalin hoton, Getty Images

16. 15 Aprilu 2026AN ƘARA MINTI 4 A WASAN ARSENAL, Arsenal 0-0 Sporting (Jimilla 1-0)

    An yi ƙarin lokaci na minti 4 a wasan Arsenal da Sporting, idan babu wanda ya jefa ƙwallo shi kenan.

17. 15 Aprilu 2026, Arsenal 0-0 Sporting (Jimilla 1-0)

    

    Asalin hoton, Getty Images

    Arsenal na ci gaba da riƙe ƙwallo saboda a tashi wasa a haka.

    Sporting ta matsa lamba tana danna Arsenal.

18. 15 Aprilu 2026, Bayern Munich 2-3 Real Madrid (4-4 jimilla)

    Antonio Rudiger ya kaɓe ƙwallo domin hana Jamal Musiala jefa ta a raga.

    Ya yi ƙoƙari.

19. 15 Aprilu 2026, Arsenal 0-0 Sporting (Jimilla 1-0)

    Saura minti biyar a tashi wasan Arsenal da Sporting.

    Ko Sporting ta ci kwallo ko kuma idan aka tashi haka shi ke nan ta tafi gida.

    Idan aka tashi a haka, Arsenal ta shiga matakin kusa da wasan ƙarshe.

20. 15 Aprilu 2026, Arsenal 0-0 Sporting (Jimilla 1-0)

    Magoya bayan Arsenal na ci gaba da cizon yatsa, sun ƙosa a tashi.

    Magoya bayan Sporting na ci gaba da samun ƙwarin gwiwa har yanzu.