Gasar Kofin Duniya: Ingila ta yi nasara kan Mexico - Norway ta cire Brazil

Wannan shi ne da zai ke kawo muku labarain wasanni sharhi da bayanai da suka shafi gasar cin kofin duniya 2026 da wasu batutuwan da suka shafi wasanni

Taƙaitattu

Mahrez ya yi ritaya daga buga wa Aljeriya tamaula, bayan buga wasa 120
Nagelsmann zai ajiye aikin kociyan Jamus, bayan kasa yin abin kirki a gasar kofin duniya ta 2026
Wasannin zagayen ƴan 32 ranar Juma'a: Australia da Masar da na Argentina da Cape Verde
Real Madrid ba ta da niyyar sayen Fernandez daga Chelsea
United na son Baleba, Arsenal na harin Konsa da Guimaraes
Portugal ta kai zagayen ƴan 16 a gasar kofin duniya bayan nasara a kan Croatia
Abin da ya kamata ku sani kan Gasar Kofin Duniya ta 2026
Me ya sa tawagogin Afirka suka kasa taka rawar gani a zagaye na biyu a gasar kofin duniya?
Za ku iya tafka muhara a shafnmu na sada zumunta a BBC Hausa Facebook
Ku shiga zaurenmu na BBC Hausa WhatsApp

Rahoto kai-tsaye

Mohammed Abdu da Haruna Kakangi tare da taimakon AI

6 Yuli 2026Ingila ta yi nasara a kan Mexico
Asalin hoton, Reuters
Ingila ta nuna bajinta fiye da duk wasanninta na baya tun bayan fara Gasar Kofin Duniya ta bana inda ta yi galaba a kan Mexico a filin wasa na Azteca gaban cincirindon magoya bayan kasar mai masaukin baki.
Hakan ya sanya a yanzu Ingila za ta kara da Norway a matakin kwata-fainal.
Nasarar da Ingila ta samu da ci 2-3 ta zo ne duk kuwa da cewa an bai wa danwasanta Jarell Quansah katin kora bayan dawowa daga hutun rabin lokaci.
Danwasa Jude Bellingham ne ya zura kwallo biyu kusa da kusa gabanin zuwa hutun rabin lokaci.
Sai dai Julian Quinones ya farke wa Mexico kwallo daya minti uku kafin zuwa hutun na rabin lokaci.
Ingila ta sake dawo da kwallo daya ta kafar Harry Kane bayan samun bugun fenariti, sai dai a cikin minti 10 bayan haka ita ma Mexico ta samu bugun fenariti inda ta sake farke kwallo ta biyu ta kafar danwasanta Jimenez.
5 Yuli 2026An tashi wasa: Norway ta kai kwata-fainal, Brazil 1-2 Norway
Haaland ya zura kwallo biyu da ta kai Norway kwata-fainal.
Asalin hoton, Getty Images
Hawaye ke kwarara daga idon Neymar babu kakkautawa. Da alama wannan wasan shi ne na karshe ga Neymar a Gasar Kofin Duniya.
To amma za a iya cewa Norway ta cancanci ta yi nasara a wannan wasa saboda ita ce ta fi shafa kwallo.
5 Yuli 2026Kwallo a raga: Brazil ta farke kwallo daya, Minti na 90+10: Brazil 1-2 Norway
Neymar ya zura kwallo.
Brazil ta farke kwallo daya bayan da Neymar ya zaunar da mai tsaron ragar Norway Orjan Nyland gefe daya.
Amma dai babu sauran lokaci.
5 Yuli 2026Fenariti: Brazil ta samu fenariti, Minti na 90+9: Brazil 0-2 Norway
An bai wa Brazil fenariti bayan Leo Ostigard ya bugi fuskar Casemiro da gwiwar hannunsa a lokacin da suka yi kokarin kara wa kwallo kai.
5 Yuli 2026Kwallo a raga: Haaland ya zura kwallo ta biyu, Minti na 90: Brazil 0-2 Norway
Abin mamaki, Haaland ya zura kwallo ta biyu.
Ko Brazil na da sauran dama kuwa?
Asalin hoton, Getty Images
5 Yuli 2026Kwallo a Raga: Norway ta zura kwallo, Minti na 79: Brazil 0-1 Norway
Haaland ya jefa kwallo a raga.
Asalin hoton, Getty Images
5 Yuli 2026Brazil ta saka Neymar, Minti na 68: Brazil 0-0 Norway
Neymar lokaci ya yi!
Brazil ta cire Rayan, an maye gurbinsa da Neymar.
An kuma cire Gabriel Martinelli aka sako Danilo Santos.
Asalin hoton, Getty Images
5 Yuli 2026Brazil ta cire Cunha, Minti 58: Brazil 0-0 Norway
An cire Matheus Cunha an sako Endrick.
5 Yuli 2026An dawo daga hutun rabin lokaci, Brazil 0-0 Norway
An dawo hutun rabin lokaci a wannan wasa tsakanin Brazil da Norway.
Ko za a samu kasar da za ta yi nasara kafin minti 90?
Norwaytasauya ‘yanwasa biyu: An saka Oscar Bobb da Andreas Schjelderup, aka cire Alexander Sorloth da Antonio Nusa.
5 Yuli 2026Hutun rabin lokaci, Brazil 0-0 Norway
An tafi hutun rabin lokaci ba tare da kowane daga cikin kasashen biyu ya samu damar zura kwallo a raga ba.
Sai dai wasan ya yi zafi, inda daga bangaren Brazil ‘yanwasa irin su Martinelli da Vinicius suka rika kai farmaki, a bangaren Norway kuma Haaland da Ordegard sun samu dama, sai dai a karshe kwallo ba ta shiga raga ba.
Brazil ta kai hari sau 10
Norway ta kai hari sau 6
Norway ta fi shafa kwallo, inda take da 64.9%, Brazil na da 35.1%.
5 Yuli 2026An barar da fenariti, Brazil 0-0 Norway
Bruno Guimaraes Ya baras da fenariti.
Asalin hoton, Getty Images
5 Yuli 2026Fenariti: Brazil ta samu bugun fenariti, Brazil 0-0 Norway
Wannan babbar dama ce ga Brazil.
5 Yuli 2026An take wasa: Brazil 0-0 Norway
Asalin hoton, Getty Images
An take wasa tsakanin Brazil da Norway a matakin ‘yan 16. Duk kasar da ta yi nasara a tsakaninsu za ta kara da ko dai Ingila ko Mexico a matakin kwata-fainal.
‘Yanwasan Brazil:
Alisson, Santos, Gabriel, Marquinhos, Danilo, Martinelli, Casemiro, Guimaraes, Rayan, Vinicius, Cunha.
Benci: Ederson Silva, Sandro, Neymar, Raphinha, Weverton, Bremer, Pereira, Fabinho, Danilo Santos, Endrick, Henrique, Ederson, Ibanez, Thiago.
‘Yanwasan Norway:
Nyland, Wolfe, Heggem, Ajer, Ryerson, Berg, Berge, Odegaard, Nusa, Sorloth, Haaland.
Benci: Thorsby, Ositgard, Strand Larsen, Tangvik, Selvik, Aursnes, Bjorkan, Pedersen, Thorstvedt, Aasgaard, Schjelderup, Bobb, Hauge, Langas, Falchener.
5 Yuli 2026Gasar Kofin Duniya: Za a goge raini tsakanin Haaland da Gabriel
Asalin hoton, Getty Images
Za a yi baje-kolin daya daga cikin adawa mafi zafi ta gasar Premier Ingila a Gasar Kofin Duniya a daren ranar Lahadi sa’ilin da Brazil za ta kara da Norway a zagayen ‘yan 16.
Zakakurin dan wasan gaba na Norway kuma dodon raga mai wasa a kungiyar Manchester City Erling Haaland zai yi gaba da gaba da bangon dutse na Brazill kuma mai taka wa ataku birki, dan wasan Arsenal, Gabriel Magalhaes.
Za a yi karawar ne a filin wasa na New Jersey da ke New York.
Haaland da Gabriel sun kasance manyan turaku a kungiyoyinsu, inda hakan ya sa suka zamo manyan abokan hamayya, inda lokaci-lokaci hamayyar tasu kan yi zafi har ta kai ga tayar da hakarkari.
Wannan karo za su yi gaba da gaba a wasan da zai tantance wace kasa ce tsakanin Brazil da Norway za ta kai matakin kwata-fainal.
Duk kasar da ta kai mataki na gaba a tsakaninsu za ta fafata ne da Ingila ko Mexico.
4 Yuli 2026Faransa ta doke Paraguay 1-0
Asalin hoton, Getty Images
Tawagar Faransa ta samu nasara kan Paraguay a zagayen ‘yan 16 na gasar kofin duniya da ke gudana a Amurka da Canada da kuma Mexico.
Dan wasa Kylian Mbappe ne ya jefa kwallo daya tilo a wasan ta hanyar bugun fenariti a minti na 70, inda a karshe aka tashi Faransa na da ci daya, Paraguay na nema.
Yanzu Faransa za ta kara ne da Moroko a matakin kwata-fainal, bayan da Morokon ta samu nasara kan mai masaukin baki Canada da ci 3-0.
4 Yuli 2026Morocco ta tsallake Kwata-Final bayan lallasa Canada da ci uku da nema
Ƙasar Morocco ta samu nasarar tsallakawa zagayen wasannin Kwata-Final a gasar cin kofin duniya, bayan lallasa Canada da ci uku da nema
are through to the last eight of the World Cup after a ruthless second-half performance in Houston!
4 Yuli 2026Canada 0-3 Morocco
Morocco ta ƙara ƙwallo ta uku da hannu Soufiane Rahimi a minti 98 da fara wasa.
4 Yuli 2026Canada 0-2 Morocco
Morocco ta ƙara zura ƙwallo ta biyu, inda ɗanwasan gaba Azzedine Ounahi ya sake jefa ƙwallo a ragar Canada a minti 82 da fara wasa.
Yanzu dai alamu na nuna Morocco ta kama hanyar tsallakawa zuwa zagaye na gaba.
4 Yuli 2026Canada 0-1 Morocco
Asalin hoton, Getty Images
Morocco ta zura ƙwallo ɗaya a ragar Canada.
Ɗanwasan Morocco Azzedine Ounahi ya zura ƙwallo a minti 50 da fara wasa, wato jim kaɗa bayan komawa daga hutun rabin lokaci.
4 Yuli 2026Hutun rabin lokaci: Canada 0-0 Morocco
Asalin hoton, Getty Images
An tafi hutun rabin lokaci Canada ɗaya daga cikin ƙasashe masu masauƙin baƙi da Morocco na canjaras babu ci.
Sai dai Hausawa na cewa ba a sanin maci tuwo sai miya ta ƙare.
A saurari yadda za ta kaya idan an koma filin wasa bayan hutun.