IKIBIRIRAHO, Prezida wa Mali avuga ko reta ifise ibintu mu minwe inyuma y’ibitero vyo mu ndwi iheze

Amakuru y'ikibiriraho

Chançard Abimana, Didier Bikorimana na Gisèle Berwa

1. Iminota 24 irahezePrezida wa Mali avuga ko reta ifise ibintu mu minwe inyuma y’ibitero vyo mu ndwi iheze

   

   Ahavuye isanamu, Presidence du Mali

   Umukuru w’ubutegetsi bwa gisirikare muri Mali, Assimi Goïta, ku wa kabiri yaragiye ahabona ku ncuro ya mbere kuva habaye ibitero vyabereye ica rimwe mu duce dutandukanye tw’ico gihugu.

   Mw’ijambo yashikirije abicishije ku mboneshakure, uwo mutegetsi yatangaje ko reta yiwe “izotsinda” ababigize.

   Ishami rya Al Qaeda ryo muri Afrika hamwe n’umugwi witwaje ibigwanisho wiganjemwo aba Tuareg, ku musi wa gatandatu, bagavye ibitero ku kigo gikuru ca gisirikare ca Mali no ku karere kegereye ikibuga c’indege co ku mugwa mukuru Bamako.

   Mu bahitanywe n’izo ntambara, harimwo umushikiranganji wa Mali wo kwivuna abasi Sadio Camara.

   Jenerali Goïta yabonetse kandi asura umuryango wa Camara awihanganisha inyuma y'ivashitse.

   Iyo migwi yitwaje ibigwanisho yarashoboye kandi kwirukana mu gisagara gikomeye ca Kidal co mu buraruko, abasirikare b’abarusiya bafasha reta ya Mali.

   Mu butumwa bwa video yashize ahabona kuri uwu wa kabiri, umuvugizi wa Jama'at Nusrat al-Islam wal-Muslimin (JNIM), ishami rikukira al Qaeda, yashimagije intureka zo ku musi wa gatandatu. Yashimangiye ko kwari ukwihora ku bitero vy’ama drone bigirwa n’ingabo za Mali.

   Umuvugizi, Bina Diarra, yakangishije kandi ko bashobora kwugariza no gukikuza Bamako ku buryo ibura isaganirizo. Uwo mugwa mukuru usanzwe ubamwo abantu bagera kuri miriyoni zine.

   Ibitero vyagabwe n’imigwi yitwaje ibigwanisho muri Mali mu mpera z’indwi iheze, vyatumye haba uguhiganirwa gufata uduce dutandukanye tw’ubugararwa bunini buherereye mu buraruko bwa Mali.

   Abahinga bavuga ko ibi vyongereje umwitwarariko ko iyo migwi, isanzwe imaze kwerekana ugushaka kudasanzwe kwo gutera ibihugu bibanyi, ishobora gutera intambwe ikomeye.

   Ku bw’abo bahinga, iyi migwi ishobora no kwagura intumbero yayo irabisha ku bindi bihugu biri kure kurushiriza.

   Izindi nkuru wasoma:

   Uko Amerika irimo kureshya ibihugu bitatu byo muri Afurika bibanye neza n'Uburusiya

   Mali: Uyu mukobwa yishwe arasiwe imbere y'abantu ashinjwa gushyigikira ingabo z'igihugu kuri TikTok

2. Iminota 43 irahezeUganda yafashe abanyamahanga barenga 200 mu gikorwa co kurwanya abinjira mu gihugu mu buryo butemewe

   

   Ahavuye isanamu, Getty Images

   Abategetsi bo muri Uganda bavuze ko bafashe abanyamahanga 231 mu gikorwa kiriko kirabandanya co kurwanya abinjira mu gihugu mu buryo butemewe n’amategeko.

   Mu kindi gikorwa cabereye mu gace k’ubutunzi ko mu murwa mukuru, abanyamahanga 169 bafashwe n’urwego rujejwe abinjira n’abasohoka mu gihugu, inyuma yo gusangwa baba mu nyubakwa ata mpapuro zibemerera kubayo.

   Abafashwe bava mu bihugu birimwo Pakistan, Bangladesh, Ethiopia, Ubuhindi, Ghana, Myanmar, Sri Lanka, Malaysia na Cambodia.

   Umuvugizi w’Ubushikiranganji bw’Intwaro yo Hagati mu Gihugu, Simon Peter Mundeyi, yavuze ko ivyo bikorwa biri mu mugambi wa leta wo gushira mu ngiro amategeko agenga abinjira mu gihugu no gusambura imigwi y'abagizi ba nabi bo kuri internet.

   Ubwo bushikiranganji bwavuze ko bamwe mu bafashwe bazanywe mu gihugu babeshwe ko bagiye guhabwa akazi, mu gihe abandi bakekwa gukora ubusuma bwo kuri internet.

   Mu kindi gikorwa, abakozi b’ishami ryo kugenzura abinjira n’abasohoka mu gihugu mu gisagara ca Adjumani mu buraruko bwa Uganda, bafashe abanya-Nigeria 69 bakekwa gukora ata vyangombwa vyemewe kandi bakora ibikorwa bitemewe, harimwo gutwara urusengero.

   Mundeyi yavuze ati: “Aba bantu akenshi binjira mu gihugu bavuga ko ari abigisha b’ijambo ry’Imana, ariko mu nyuma bagasangwa bakora ibikorwa bitemewe n’amategeko.”

   Abashakashatsi bavuga ko urwo rukurikirane rw’ifatwa ry’abantu rwerekana ukwiyongera kw’imigwi y’ubusuma bwo kuri internet irimwo abanyamahanga muri Uganda.

   Mu mwaka wa 2020, abategetsi bafashe Abashinwa 36 mu gikorwa kinini co kurwanya ubusuma bwo kuri internet, aho habonetse amaterefone 3.500, amakarata-sim 1.700 hamwe n’ama mashini nyabwongo , ivyuma bitanga Internet n'ibindi.

   Abategetsi bavuze ko abafashwe bazoshikirizwa ubutungane imbere yo gusubizwa mu bihugu baje baturukamwo.

   Izindi nkuru wosoma :

   Uganda: Bobi Wine yavuye mu gihugu inyuma y'amezi abiri yinyegeje

   Imvo n'Imvano kw'ihagarikwa rya internet mu gihe c'amatora

3. Haciye isaha 1‘Kuva mbaye Papa natekerezaga ku ruzinduko muri Afurika’ – Papa Leo

   

   Ahavuye isanamu, VaticanNews

   Papa Leo yatangaje ko kuva agizwe umushumba mukuru wa Kiliziya gatolika ku isi yakomeje “gukereza ku rugendo muri Afurika”, akavuga ko ashimira Imana ko yamuhaye amahirwe yo kurukora.

   Mu butumwa yashyize ku mbuga nkoranyambaga, Papa yavuze ko byari amahirwe yo gutanga “ubutumwa bw’amahoro muri iki gihe kirimo kurangwa n’intambara no guhonyora amategeko mpuzamahanga bikomeye kandi kenshi”.

   Papa avuga ko gusura Afurika kuri we byari amahirwe no ku batuye uyu mugabane wo kumvikanisha ijwi ryabo, kandi avuga ko yishimira ko yabahaye ayo mahirwe.

   Mu cyumweru gishize PapaLeo yashoje uruzinduko rw’iminsi 11 mu bihugu bine bya Afurika.

   Ubwo yari muri Cameroun yamaganye “abategetsi b’igitugu babarirwa ku ntoki” barimo “gushwanyaguza isi.

   Amagambo y’umunyamerika Papa Leo ntabwo yateje sakwe sakwe i Washington atuma Vatican na Papa basobanura ko mu magambo ye ntaho yavugaga kuri Perezida Trump.

4. Haciye amasaha 3Umubyeyi wo muri Australia wabeshye ko umwana we arwaye kanseri yafunzwe

   

   Ahavuye isanamu, Getty Images

   Umubyeyi wo muri Australia wahimbye ko umwana we w’imyaka itandatu arwaye kanseri kugira ngo asabe inkunga abone amafaranga yo kubaho mu buzima buhenze, yakatiwe igifungo kirenze imyaka ine.

   Uyu mugore w’imyaka 45 ukomoka muri Leta ya South Australia yogoshe umutwe n’ibitsike by’umwana we, amuzinga igitambaro ku mutwe no ku maboko, ndetse amuha imiti, mu mugambi wo kubeshya umuryango n’inshuti kugira ngo bamuteranyirize ibihumbi by'amadolari.

   Uyu mugore, utatangajwe izina kubera impamvu z’amategeko, yemeye icyaha cyo gukora ibikorwa bishobora kugirira nabi umwana we, ndetse n’ibyaha 10 byo kubeshya.

   Mu isomwa ry'urubazanza ryabaye ku wa gatatu, umucamanza w’urukiko rw'akarere yavuze ko ibikorwa bye byari “ubugome”, “byateguwe neza” kandi bw'"ubushukanyi”.

   Urukiko rwumvise ko uburiganya bw’uyu mugore bwatangiye nyuma y’uko umwana we yari yagiye kureba umuganga w’amaso nyuma y’impanuka.

   Nyuma yaho, abwira umugabo we, umuryango, inshuti ndetse n’abagize umuryango w’ishuri ko umwana we arwaye kanseri y’amaso.

   Yahatiraga umwana we gukoresha igare ry’ababana n'ubumuga (wheelchair) kandi akamugabanyiriza ibikorwa bya buri munsi kugira ngo abantu batekereze ko ari guhabwa ubuvuzi bwa kanseri buzwi nka 'radiation'. Yanamuhaga imiti igabanya ububabare n’inyunganiramirire, nk’uko byatangajwe n'ibitangazamakuru byo muri Australia.

   Mu rukiko, ubushinjacyaha bwavuze ko uyu mubyeyi “yakoresheje umwana we mu nyungu ze bwite nk’igikoresho cyo kubeshya” abamukunda n’abandi b'umuryango mugari, nyuma akoresha inkunga yabonaga kugira ngo umuryango ushobore kubaho “ubuzima bw’abakire n’ibyamamare”.

   Umwunganizi w’uyu mugore, nyina w'abana babiri, yavuze ko uwo mukiliya we yagize ikibazo cyo kubatwa n’imikino y'urusimbi (gambling) nyuma y'icyorezo cya Covid-19, maze “abyaza umusaruro” impanuka y’umwana we, ariko ko atigeze agira umugambi wo kumugirira nabi cyangwa kugirira nabi umuryango.

   Izindi nkuru wasoma:

   "Mukunzi, ntunyeganyege": Umugore yarikanguye asanga uruziramire runini cyane mu gituza cye, umva uko yahivanye

   Australia: Umusore w'ingimbi yapfuye nyuma yo gukubitwa ku ijosi n'umupira wa cricket - BBC News Gahuza

5. Haciye amasaha 4Ibanki Standard Chartered yagenye imiliyaridi $2.33 ku mugambi wa gariyamoshi wa Tanzania

   

   Ahavuye isanamu, Reuters

   Ibanki Standard Chartered yegeranije amafaranga angana n’imiriyaridi 2.33 z’amadorari y’Amerika yo gufasha umugambi w’ibarabara rya gariyamoshi ryo mu bwoko bwa “Standard Gauge Railway”(SGR) muri Tanzania, nk'uko bitangazwa n'itororokanirizo ry'amakuru Reuters.

   Ayo mafaranga azokoreshwa mu kwubaka ibice bibiri vy’umurongo wa gariyamoshi ufise uburebure bw’ibirometero 1,219, uhuza umurwa mukuru w’ubudandaji Dar es Salaam n’igisagara ca Mwanza co ku nkengera y’ikiyaga.

   Ishirahamwe ryo muri Turukiya Yapi Merkezi hamwe n’iryo mu Bushinwa rikorera mu bw’ivy'ubwubatsi ryitwa “China Civil Engineering Construction Corporation" ni yo azokora ivyo bikorwa, nk'uko iyo banki yabivuze.

   Yongeyeko ko ayo mafaranga yabonetse biciye mu bigo bitanga ingurane, amabanki y'ubudandaji hamwe n'ibigo vy'iterambere.

   Standard Chartered yavuze ko uwo murongo wa gariyamoshi uzofasha gutwara abantu n’ibidandazwa neza, ugahuza ikivuko ca Dar es Salaam n’uturere tw’iterambere two mu burengero bwa Tanzania hamwe n’ibihugu bibanyi.

   Ivyo vyitezwe gufasha mu guteza imbere ubutunzi mu gihugu hagati.

   Tanzania ifise intumbero yo kwubaka inzira ya gariyamoshi igezweho y'ibilometero 2,561, ihuza n'ibihugu bibanyi bidakora ku mazi birimwo u Rwanda, Uburundi, Uganda na Republika ya Demokarasi ya Congo.

   Izindi nkuru wosoma :

   Ibintu bitanu by'ingenzi muri raporo ku mvururu zabaye ku ya 29 z'uKwacumi muri Tanzania

   'Urupfu' rw'umu-'influencer' w'umunyamerika muri Tanzania rurimo kuvugwa cyane

   Abarundi babiri n''umucuruzi ruharwa w'ibiyobyabwenge w'Umunya-Tanzania' batawe muri yombi muri Zambia

6. Haciye amasaha 5PSG yaraye yirahiye Bayern ku bitsindo 5-4 mu rukino rwa Champions League

   

   Ahavuye isanamu, Getty Images

   Umugwi wa Paris Saint-Germain waraye utsinze Bayern Munich ibitsindo 5 kuri 4 mu rukino rudasanzwe rwa Champions League rwabereye i Paris, rukaba ari rwo rwa mbere mu mateka rwabayemwo ibitsindo vyinshi cane muri iki gice ca kimwe ca kabiri gishira ica nyuma.

   Khvicha Kvaratskhelia na Ousmane Dembélé ni bo batsinze ibitsindo bibiri umwe umwe, bituma PSG ishobora kwihagararako n’inyuma y’uko Bayern yagerageje kugaruka mu rukino, maze ica ironka akarusho gatoyi imbere y’urukino rwo kwishura ruzobera ku kibuga ca Allianz Arena.

   Igice ca mbere c’urukino cari cubakiye ku gusatirana cane. Harry Kane wa Bayern ni we yatanguye gutsinda kuri penaliti, ariko Kvaratskhelia wa PSG aca arayishura, nawe aratsinda.

   Hanyuma João Neves atsindira PSG igitsindo ca kabiri ku mutwe, ariko Michael Olise aca aracishura. Penaliti yatanzwe inyuma yo gusuzuma VAR, Dembélé yayishize mw’igori, ituma PSG irangiza igice ca mbere iri imbere n’ibitsindo 3 kuri 2 vya Bayern.

   Mu gice ca kabiri, PSG yabonetse mu kwitwara neza, aho Kvaratskhelia na Dembélé bongeye gutsinda, bituma biba 5-2. Ariko Bayern ntiyaciye ireka, kuko Dayot Upamecano na Luis Díaz batsinze mu minota mike ikurikirana, bagabanya ibitsindo gushika aho PSG yasigaye ibarusha igitsindo kimwe gusa.

   Uru rukino rw’ibitsindo icenda rwarashimwe cane n’abakunzi b’umupira w’amaguru, rutuma kandi umumenyereza wa PSG Luis Enrique avuga ko ari rumwe mu nkino ziryoshe cane amaze kubona.

   Ibi vyongereye amashushu yo kumenya uwuzotsinda mu rukino rwo kwishura ruzobera mu Budagi, aho hazomenyekana umugwi uzokina mu rukino rwa nyuma ruzobera i Budapest muri Hongrie.

   Izindi nkuru wosoma:

   Football: Harigeze kuba ibihangange – raba bano bakinyi berekanye ubuhinga budasanzwe kurusha abandi

   1974 - 2026: DR Congo igiye mu gikombe cy'isi nyuma y'imyaka irenga 50 aho yaherukaga yitwa Zaïre

7. Haciye amasaha 6Afrika y'Epfo: Abimukira b'Abanyafrika baragabishijwe kwugara amaduka mu myiyerekano yo kwiyamiriza abimukira

   

   Ahavuye isanamu, BBC / Thuthuka Zondi

   Abimukira b'Abanyafrika bari ku mugwa mukuru wa Afrika y'Epfo, Pretoria, bahamagariwe "kuba maso cane" mu myiyerekano yo kwiyamiriza abimukira bo mu buryo butemewe n'amategeko, mu gihe hari ubwoba bw'ibitero bishobora guterwa n’urwanko ku banyamahanga.

   Ubuserukizi bwa Ghana muri Afrika y'Epfo bwahanuye abanyagihugu bayo kwugara ubudandaji no "kwirinda kugaragara cane", mu gihe umuyobozi w’ishirahamwe ry’Abanya-Nigeria baba muri Afrika y'Epfo yasavye abanywanyi baryo kuguma mu nzu. Iyindi myiyerekano itegekanijwe ku wa gatatu mu gisagara ca Johannesburg.

   Ivyiyumviro vyo kwanka abimukira vyarongerekanye muri iyi myaka iheze, aho bamwe bemera ko abanyamahanga bariko batuma abanyagihugu babura akazi kandi bakungukira ku buryo butabereye ku bikorwa vya leta.

   Ariko umukuru w'igihugu yavuze ko abanyagihugu badakwiye kwemera ko impungenge zabo "zitera ukwikeka n'urwanko ku Banyafrika bagenzi bacu".

   Mu kwiyamiriza ibitero biherutse gukorerwa abanyamahanga, Prezida Cyril Ramaphosa yakoresheje ijambo ryiwe ryo ku musi wa mbere - w'ukwikukira uhimbaza amatora ya mbere ya demokarasi yabaye mu 1994 - mu kwibutsa igihugu ciwe ideni bafitiye ibindi bihugu vyo ku mugabane wa Afrika vyashigikiye urugamba rwo kurwanya intwaro karyanishamiryango y'ivanguramoko y'abazungu (apartheid) yabaye muri ico gihugu.

   Ku musi wa kabiri, abantu amajana n'amajana bihaye amabarabara ya Pretoria mu myiyerekano yateguwe n’umugwi March and March, berekeza ku nyubakwa za Union, icicaro gikuru ca leta.

   Afrika y'Epfo ifise abimukira bashika imiliyoni 2.4, bari munsi ya 4% y'abanyagihugu bose, nk'uko ibiharuro vya leta bivyerekana. Benshi muri bo bava mu bihugu bibanyi nka Lesotho, Zimbabwe na Mozambique, bifise kahise ko gutanga abakozi baja gukora muri Afrika y’Epfo kuko co ari igihugu gitunze.

   Ivyo kwanka abanyamahanga bimaze igihe kirekire ari ikibazo muri Afrika y'Epfo, kandi rimwe na rimwe bikavyara ubukazi bushobora no guhitana ubuzima bw’abantu.

   Izindi nkuru wosoma:

   'Miss' w'umwirabura wahagarariye Afurika y'Epfo muri 'Miss World' mu gihe cya apartheid yapfuye ku myaka 76

   Afurika y'epfo: Umuhungu wa Robert Mugabe yatawe muri yombi akekwaho kugerageza kwica umuntu

8. Haciye amasaha 6Gutebya no gusetsa – Umwami Charles III na Trump bagaragaje ibyishimo mu mugoroba w'isangira

   

   Ahavuye isanamu, PA Media

   Umwami Charles III w'Ubwongereza na Perezida w'Amerika Donald Trump bagiye banyuzamo bagatera urwenya mu ijambo buri umwe muri bo yavuze, bituma umwuka woroha nubwo ubundi cyari igikorwa cyo ku rwego rwo hejuru.

   Umwami w'Ubwongereza ari mu ruzinduko rw'iminsi ine rwo ku rwego rwa leta muri Amerika yatangiye ku wa kabiri – rwa mbere rubayeho kuva Umwamikazi Elizabeth II akoreye uruzinduko muri Amerika mu 2007.

   Dore incamake y’ibihe by’urwenya byagaragaye mu mbwirwaruhame zabo:

   Mu ntangiriro y’ijambo rye, Trump yagize ati: “Ndashaka gushimira Charles kuba yatugejejeho ijambo ryiza cyane uyu munsi mu nteko ishingamategeko … Yatumye Abademokarate bahaguruka, jye sinabishobora.”

   Mu ijambo rye, Umwami yavuze ati: “Sinabura kubona impinduka zakozwe ku gice cya East Wing cyo ku nyubako ya White House, Bwana Perezida, nyuma y’uruzinduko rwawe i Windsor Castle [ingoro y'Ubwami bw'Ubwongereza] mu mwaka ushize.”

   Yakomeje agira ati: “Birambabaje kubivuga ko twebwe Abongereza, birumvukana, twigeze kugerageza kuvugurura White House [inyubako y'ibiro bya Perezida w'Amerika] mu 1814,” aho yakomozaga ku gihe ingabo z'Ubwongereza zatwikaga White House.

   Umwami yongeyeho ati: “Koko rero, vuba aha wavuze, Bwana Perezida, ko iyo bitaba Leta Zunze Ubumwe [z’Amerika ibihugu by’i Burayi byajyaga kuba bivuga Ikidage.”Arongera ati: “Nanjye se ntinyuke mvuge ko iyo bitaba twe, mwe mwajyaga kuba muvuga Igifaransa…!”

   Aho, Umwami w'Ubwongereza bisa nkaho yakomozaga ku kuba Amerika yarafatiye urugero ku mpinduramatwara yo mu Bufaransa kugira ngo irwanye Abongereza bayikolonizaga, ikagera ku bwigenge.

   Bisa nkaho bwari uburyo bwo gutebya kuri Trump ko iyo Ubwongereza budakoloniza Amerika, itakabaye ivuga Icyongereza, ko ubu yajyaga kuba ivuga Igifaransa.

   Umwami yarangije ijambo rye yifashishije umurongo wo mu nyandiko y'umwanditsi n'umusizi w'Umwongereza William Shakespeare, anashimira Trump ku “ifunguro ryiza cyane”, abivugana urwenya ko ari “iterambere rikomeye ugereranyije n’ibyabaye muri Boston Tea Party”, aho abigometse muri Amerika ya kera bajugunyaga icyayi cy’Abongereza mu cyambu.

   Izindi nkuru wasoma:

   OTAN itarimo Amerika yaba ifite ubushobozi bungana iki bwa gisirikare?

   'Nta bandi dukeneye mu ntambara twamaze gutsinda' ni ko Trump yabwiye Starmer w'Ubwongereza

9. Haciye amasaha 8Amerika ihakana gutera inkunga imitwe yitwara gisirikare yo kurinda ibirombe muri DR Congo

   

   Leta y’Amerika yatangaje ko itarimo gutera inkunga imitwe yitwara gisirikare yo kurinda ibirombe bicukurwamo amabuye y’agaciro muri Repubulika ya Demokarasi ya Congo (DRC), nyuma y’iminsi amakuru amwe yumvikanishije ko Amerika iri mu baterankunga b’umutwe mushya wo kubirinda.

   Itangazo ry'ambasade y'Amerika i Kinshasa rigira riti: “Leta y’Amerika ntirimo gutera inkunga imitwe yitwara gisirikare kugira ngo irinde ibirombe.”

   Iryo tangazo ryongeraho ko Amerika na DRC byiyemeje guteza imbere iterambere risangiwe ry’ubukungu, umutekano n’uburumbuke binyuze mu masezerano ibihugu byombi byagiranye.

   Rivuga ko icyo gikorwa gishyigikira umusingi w’ishoramari rinini cyane kurushaho muri DRC, hazirikanwa ko iterambere ry’ubukungu ry’igihe kirekire rishyigikira umutekano w’igihe kirekire.

   Muri iki cyumweru, urwego rushinzwe ubucukuzi bw’amabuye y’agaciro muri DRC rwavuze ko uwo mutwe witwara gisirikare ushinzwe kurinda ibirombe, kubahiriza amategeko abigenga, no gukurikirana neza amabuye y’agaciro abivamo.

   Umukuru w’urwo rwego yavuze ko uwo mutwe ari igitekerezo cya Perezida wa DRC Félix Tshisekedi, mu ntego ze zo kuvugurura uru rwego no kurwanya imicungire mibi y’amabuye y’agaciro.

   Biteganyijwe ko icyiciro cya mbere cy'abagize uwo mutwe witwara gisirikare gitangira gukora mu Kuboza (12) kw’uyu mwaka nyuma yo gutozwa.

   Izindi nkuru wasoma:

   Amasezerano ya DRC n'u Rwanda "si inyandiko gusa ni icyizere cy'amahoro" - Tshisekedi

   U Rwanda na RD Congo bageze ku masezerano y'amahoro 'yanditse amateka' yayobowe n'Amerika

   Imbere mu birombe by'amabuye y'agaciro avamo telefone zigezweho birwanirwa – bikanashakwa na Trump

10. Haciye amasaha 8Mwaramutse neza!

    Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.