IKIBIRIRAHO, Igisirikare ca Israel cagavye ibitero vyo kwihora kuri Iran inyuma y'ibitero vya Iran mu buraruko bwa Israel

Amakuru y'ikibiriraho

Didier Bikorimana na Gildas Yihundimpundu

1. Iminota 5 irahezeIsesangura: Umwitwarariko wa Trump ni uko Israel ishobora guhungabanya ibiganiro hagati ya Amerika na Iran

   

   Ahavuye isanamu, Reuters

   Ibitero vya Israel vyagabwe n’ubwo Perezida wa Reta Zunze Ubumwe za Amerika, Donald Trump, yari yasavye umushikiranganji wa mbere wa Israel, Benjamin Netanyahu, kutihora, nk'uko vyihwezwa n'umunyamakuru mukuru wa BBC muri Amerika ya Ruguru, Sarah Smith.

   Trump yari asanzwe ashavujwe n'uko Netanyahu yirengagije akamo yari yamuteye ko kutagaba ibitero ku gisagara ca Beirut muri Libani.

   Igituma Trump afise umutima uhagaze ni uko ibikorwa vya Israel bishobora kuburabuza ibiganiro biriko biraba hagati ya Amerika na Iran.

   Umutegetsi umwe wo muri Amerika, asubirwamwo n'urubuga rw'amakuru Axios News, yavuze ko Trump yabwiye Netanyahu kurindira gato kuko, nk'uko yabivuze, "turi hafi yo gushika ku kintu ciza mu bijanye n'amasezerano".

   Mu ndwi iheze, abo bategetsi babiri bagiranye ikiganiro kuri terefone kirimwo ishavu ryinshi. Trump ntiyahakanye inkuru zivuga ko yakariye kandi agatuka Netanyahu kubera ukuntu Israel yongereje ibitero kuri Libani.

   Imbere y'aho, perezida wa Amerika yabwiye ikinyamakuru Financial Times co mu Bwongereza ko Netanyahu azobwirizwa kwemera amasezerano yose Amerika yoshikako na Iran kuko "ata yandi mahitamwo azoba afise".

   Avuga kuri Netanyahu, Trump yagize ati:

   "Ni jewe mfata ingingo zose. Si we afata ingingo."

   Trump yasubiriye kwumvikanisha ko Amerika na Iran bari hafi cane yo gushika ku masezerano.

   Ni ikintu amaze kuvuga incuro nyinshi, ariko gushika ubu nta masezerano arashikwako ku mugaragaro.

   Izindi nkuru wosoma:

   Ikibanza c'isaganirizo kuri Trump kigenda kigabanuka uko Amerika na Iran vyegereza amasezerano y'ibanze

   Ni iki mu by'ukuri gituma Ubushinwa n'Uburusiya ari 'inshuti z'akadasohoka'?

   Ahantu 3 h'ibisobanuro bikomeye ubutegetsi bwa Xi bwahisemo gutunguza Trump mu ruzinduko rwe

2. Haciye isaha 1Kim n'umugore we bahaye ikaze Xi ubwo yari ageze muri Koreya ya Ruguru

   

   Ahavuye isanamu, CCTV

   Umutegetsi wa Koreya ya Ruguru Kim Jong Un n’umugore we Ri Sol Ju bagaragaye baha ikaze Perezida w’Ubushinwa Xi Jinping ubwo yari ageze muri icyo gihugu.

   Amashusho yatangajwe n’igitangazamakuru CCTV cya leta y’Ubushinwa abagaragaza bakoma amashyi banamwenyura.

   Iyo videwo igaragaza umucyeka utukura urimo kuramburwa ndetse n’abasirikare ba Koreya ya Ruguru batonze umurongo ku mpande zombi zawo.

   Ayo mashusho y’igitangazamakuru CCTV ntarimo Xi n’abamuherekeje, nubwo ku ruhande ibiro ntaramakuru Xinhua byatangaje ko Kim na Xi bahanye ikiganza, ndetse ko n’abana bo muri Koreya ya Ruguru bahaye indabo Xi n’umugore we Peng Liyuan.

   Amakuru mashya ni bwo arimo kugenda amenyekana – ibitangazamakuru bya leta y’Ubushinwa n’ibya leta ya Koreya ya Ruguru ntibiratangaza ku mugaragaro ibyo abategetsi bombi barimo gukora ubu – ariko turabagezaho amakuru mashya uko tugenda tuyabona.

   Izindi nkuru wasoma:

   Kim Jong Un yinjiye mu Burusiya na gariyamoshi agiye gusura Putin

   Abasirikare ba Koreya ya Ruguru hafi 1,000 barishwe barwana na Ukraine mu Burusiya

   Amafoto n'ibyaranze ibirori byo kwakira Vladmir Putin i Pyongyang

3. Haciye isaha 1Ibiciro vy'igitoro vyaduze inyuma y'aho Iran irashe misire kuri Israel

   

   Ahavuye isanamu, Anadolu via Getty Images

   Ibiciro vy'igitoro vyaduze mu gitondo co kuri uwu wa mbere muri Aziya, inyuma y'aho Iran igavye ibitero vya misire kuri Israel ku ncuro ya mbere kuva habaye agahengwe kagoyagoya kari kumvikanyweko hagati y'ivyo bihugu bibiri hamwe na Reta Zunze Ubumwe za Amerika muri Ndamukiza (4) uyu mwaka.

   Igiciro c'igitoro co ku rwego mfatirwako kw’isi c'ubwoko bwa Brent, caduze ku rugero rwa 2,6%, gishika ku madorari 95,50 ya Amerika, ku kagunguru kamwe.

   Igitoro gicuruzwa muri Amerika caduze ku rugero rwa 2,5%, gishika ku madorari 92,75 ku kagunguru.

   Kuva agahengwe kumvikanyweko mu kwezi kwa kane, ibiciro vy'amasoko ntanganguvu – harimwo ibitoro na gaz – vyagiye biduga cane vyongera bimanuka.

   Mu ndwi iheze, ibiciro vyagumye bizunguruka hafi y'amadorari 95 ku kagunguru, mu gihe abadandaza bariko baragerageza gupima ingaruka z'igihe kirekire iyo ntambara ishobora kugira kw’itembera n’ihanahanwa ry’amasoko ntanganguvu kw’isi yose.

   Iyi ntambara yatanguye kw'itariki ya 28 Ruhuhuma (2), igihe Amerika na Israel vyagaba ibitero kuri Iran.

   Izindi nkuru wosoma:

   Ubwo ibisasu vya misire vya Irani birashobora gushikira Londres na Paris?

   Igipolisi ca Israel cahagaritse umugabo yakubise hasi umubikira i Yeruzalemu

   Ibihugu 10 bya mbere bicukura peteroli nyinshi ku isi

4. Haciye amasaha 2Xi Jinping yageze muri Koreya ya Ruguru guhura na Kim Jong Un mu ruzinduko rudakunze kubaho

   

   Ahavuye isanamu, Xinhua News Agency

   Perezida w’Ubushinwa Xi Jinping yageze muri Koreya ya Ruguru, mu ruzinduko rwe rwa mbere muri icyo gihugu guhera mu mwaka wa 2019.

   Uruzinduko rwa Xi rukurikiye izindi nama yagiranye i Beijing, mu murwa mukuru w'Ubushinwa, mu bihe binyuranye, na Perezida w’Amerika Donald Trump na Perezida w’Uburusiya Vladimir Putin mu kwezi gushize kwa Gicurasi.

   Kureka ibisasu kirimbuzi bya nikleyeri, umubano n’Amerika hamwe n’amakimbirane hagati ya Koreya zombi ni ingingo zishobora kuganirwaho hagati ya Xi na Kim.

   Minisitiri w’ububanyi n’amahanga w’Ubushinwa Wang Yi yagiriye uruzinduko i Pyongyang, umurwa mukuru wa Koreya ya Ruguru, muri Mata (4) uyu mwaka. Muri urwo ruzinduko, Kim yagaragaje ubushake bwo kunoza itumanaho hagati ya Koreya ya Ruguru n'Ubushinwa.

   Umunyamakuru wa BBC mu Bushinwa Laura Bicker avuga ko uru ruzinduko rwa Xi rubaye mu gihe Beijing igerageza kongera gushimangira kugira ijambo kuri uyu mufatanyabikorwa wayo w’ingenzi cyane ariko ukunze guhindagurika cyane, warushijeho kwegera Uburusiya.

   

   Ahavuye isanamu, POOL / AFP via Getty Images

   Izindi nkuru wasoma:

   Indangururamajwi yari ifunguye batabizi yafashe Xi na Putin baganira ku gusimbuza ingingo no kudapfa

   Yambariye gutegeka: Icyo imyambarire ya Kim Ju Ae isobanuye kuri Korea ya Ruguru

   Ese intambara muri Iran yaba ituma Kim Jong Un agira ubwoba ku hazaza ha Korea ya Ruguru?

5. Haciye amasaha 2Nta burere bubamwo abasivire bwo muri Tehran bwatewe - Ibinyamakuru vyo muri Iran

   

   Ahavuye isanamu, AFP

   Ibimenyeshamakuru vyo muri Iran bivuga ko ata bibanza bibamwo abasivire ku murwa mukuru Tehran vyarashwe mu bitero Israël yagavye ku bice vyo hagati no mu burengero bwa Iran.

   Vyisunze amakuru yatanzwe n'urwego rujejwe kuzimya umuriro i Tehran, ivyo binyamakuru bivuga ko humvikanye n'imiburiburi ibiturika bibiri mu bice vy'uburengero bw'umurwa mukuru wa Iran mu masaha ya kare yo kuri uyu wa mbere.

   Nk’uko twabibashikirije mu mwanya uheze, ukundi guturika kwumvikanye mu bisagara vya Tabriz na Isfahan, hamwe no mu micungararo y'igisagara ca Karaj.

   Urugero rw'ivyononekaye kubera ivyo bitero ntiruramenyekana.

   Babicishije mu binyamakuru vya reta, abategetsi bo mu ntara ya Isfahan bavuze ko ata bantu bahasize ubuzima canke ngo bakomereke.

   Nta yandi makuru arashikirizwa ku vyabaye ku bundi burere.

   Izindi nkuru wosoma:

   Amerika imaze gukataza ibingana gute muri Irani, kuva ku ndege z'intambara gushika ku madrone?

   Uburusiya burimo gufasha gute Iran mu ntambara na Leta Zunze Ubumwe za Amerika?

   'Ikiganiro cy'ubukana' kuri telephone: Ni iki Trump yabwiye Netanyahu?

6. Haciye amasaha 3Igisirikare ca Israel cagavye ibitero vyo kwihora kuri Iran inyuma y'ibitero vya Iran mu buraruko bwa Israel

   

   Ahavuye isanamu, Reuters

   Tereviziyo ya reta ya Iran imenyesha ko habaye uguturika mu bisagara bitatu vy’ico gihugu, inyuma y'aho Israël itangarije ko indege zayo z'intambara zagavye ibitero ku bigo vya gisirikare biri hagati no mu burengero bwa Iran.

   Tereviziyo ya reta yanditse ku rubuga rwa Telegram iti: "Humviswe ibiturika vyinshi muri Tehran, i Tabriz no muri Isfahan."

   Amakuru kandi avuga ko ibiturika vyumvikanye hafi y'igisagara ca Karaj, kiri hagati mu gihugu.

   Mw’ijoro ryakeye, ishami rya gisirikare rijejwe gukingira ubutegetsi bwa kiislam muri Iran, IRGC, ryari ryatangaje ko ingabo z’ico gihugu zagavye ibitero kuri Israël hakoreshejwe ama misire.

   Iryo tangazo ryagira riti: “Ibisata vyacu bijejwe misire na drones vyagavye igitero gikomeye, categuwe neza kandi cashizwe mu ngiro n’imigwi itandukanye ikoreye hamwe, catumberejwe ku bice nyamukuru vy’ibisagara vyo mu buraruko bwa Israël."

   Izindi nkuru wosoma:

   FBI yashyizeho 200,000$ ku watanga amakuru yafatisha uyu mugore ivuga ko ari maneko wa Iran

   Iran yarononye ibigo 20 vya gisirikare vya Amerika kuva intambara itanguye

   Ibintu bitandatu isi yamenye kuri Iran

7. Haciye amasaha 3Mwaramutse neza!

   Ikaze kuri BBC Gahuzamiryango, aho tubashikiriza amakuru yo mu karere no mu makungu mu buryo bw'ikibiriraho.