Ateb y Galw: Jac Larner

Gan fod eleni'n flwyddyn etholiadol bwysig yng Nghymru mae'r cyhoedd wedi bod yn cadw llygad barcud ar y polau piniwn dros y misoedd diwethaf.

Felly, mae'n amserol bod un o'r prif arbenigwyr ar bolau piniwn yng Nghymru, Dr Jac Larner, yn ateb y galw.

Mae Jac yn ddarlithydd ym Mhrifysgol Caerdydd, ble mae'n dysgu Ymddygiad Gwleidyddol a Dulliau Ymchwil.

Daw Jac o ardal Caerffili yn wreiddiol, ond mae bellach yn byw gyda'i deulu ifanc yng Nghaerdydd.

Fy mrawd yn cael ei eni ychydig cyn i mi droi'n dair. Cafodd ei eni adref felly dwi'n cofio nifer o fydwragedd yn dod i'r tŷ.

Porth Stinan yn Sir Benfro. Mae gen i lot o atgofion o fynd yno efo fy rhieni pan o'n i'n iau, a nawr rwy'n mynd yno fy hun efo fy nheulu bach i.

O'n i mewn parti mewn tŷ pan o'n i yn yr Unol Daleithiau a 'naeth y dancefloorgolapsio, ac aeth rywun drwodd i'r seler.

Roedd hynny'n dipyn o hwyl (a doedd y person ddim wedi ei anafu!)

Obsesiynol, nerdy, moelni.

Trip ar gwch ar Môr y Canoldir ar stag night fy ffrind – llawn digwyddiadau.

'Nes i wneud llanast llwyr o ganu ar lwyfan mewn Eisteddfod pan o'n i'n 10 oed a mae o dal yn gwneud i mi crinjio!

Drwy'r amser ers i mi gael plant. Dwi'n meddwl y mwyaf diweddar oedd pan oedden ni'n edrych ar bennod Sleepytime Blŵi.

Dwi heb gael ewinedd call ar fy nwylo ers o'n i tua saith oed.

Fy hoff lyfr yw Lord of the Rings, a 'nes i dreulio oriau di-ddiwedd yn obsesiynu drosto pan o'n i'n iau, a dwi dal yn dychwelyd ato hyd heddiw.

O ran ffilm rwy'n meddwl 20th Century Women. Rwy'n caru'r cyfuniad o'r gerddoriaeth, y montages, a'r ffordd mae'n dal y teimlad o foment yn pasio mewn amser.

Mae'n hoff albwm yn newid dipyn, ond y fwya' sentimental fydde All Things Must Pass gan George Harrison. Mae'n albwm rhamantus iawn, a 'nes i gael e fel anrheg gan fy mhartner.

Mae'n debyg un o'r gwyddonwyr gwleidyddol sylfaenol o'r 1960 (nerdy iawn, dwi'n gwybod) fel Philip Converse yn Michigan.

Roedd academyddion o'r cyfnod yna'n fwy rounded ac yn cael ysbrydoliaeth o bobman.

Mae'r dealltwriaeth oedd ganddyn nhw o ran beth sy'n gyrru ymddygiadau ac agweddau yn hynod bwysig i mi yn fy mywyd bob dydd, ac mi fyswn i'n caru gwybod beth fydden nhw'n feddwl o sut mae pethau heddiw.

Mae gen i datŵ, sy'n silwét o rhinoseros, ar fy nghoes.

Treulio'r dydd efo fy nheulu a bwyta mynydd o chips.

Mae gen i un o fy rhieni a fy mhartner, Rachel, tu fewn i Lyfrgell Adran y Gyfraith ym Mhrifysgol Michigan. Roedd fy nghyfnod yn Michigan yn allweddol i mi, ond roedd rhannu fe gyda nhw yn ei wneud e'n hyd yn oed fwy arbennig.

Nicky Wire.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.