Crynodeb

  1. Mae yna barti prynhawn 'ma - pen-blwydd Mistar Urddwedi ei gyhoeddi 16:12 GMT+1

    Mae parti Mistar Urdd yn 50 yn dechre am 16.30.

    Efan electro - “dj ieungaf cymru” yw’r dj.

    Yn bresennol yn y parti fe fydd y Prif Weinidog Rhun ap Iorwerth, Caryl Parry Jones, Lloyd Lewis, Trystan ac Emma.

    Joiwch!

    dj
  2. Cyhoeddi enillydd Ysgoloriaeth yr Urddwedi ei gyhoeddi 16:07 GMT+1
    Newydd dorri

    Eisteddfod yr Urdd

    Bob blwyddyn mae'r Urdd yn rhoi ysgoloriaeth i'r cystadleuydd mwyaf addawol yn ystod yr wythnos.

    Eleni y gantores Mared Phillips o Ranbarth Penfro yw'r enillydd.

    Llongyfarchiadau.

  3. Elin Undeg Williams: 'Braf ennill y Goron yn y gogledd'wedi ei gyhoeddi 16:04 GMT+1

    Disgrifiad,

    Elin Undeg Williams yn ennill Coron Eisteddfod yr Urdd Ynys Môn

  4. Camu o'r cysgod i'r llwyfanwedi ei gyhoeddi 15:56 GMT+1

    Mae Ysgol Peniel wedi dod o hyd i gysgod o'r haul er mwyn cael un ymarfer ola' cyn cystadlu ar y parti llefaru.

    Parti llefaru
  5. Dechrau pacio - tan flwyddyn nesa'wedi ei gyhoeddi 15:49 GMT+1

    Stondin yn cael ei dynnu lawr

    Mae'n olygfa drist bob blwyddyn i eisteddfodwyr, wrth i'r stondinau ddechrau cael eu tynnu i lawr ar ddiwedd wythnos.

    Ond peidiwch â thristáu gormod, fe fyddan nhw'n ôl ymhen 12 mis wrth i'r Urdd ymweld â rhanbarth Gwent.

  6. Cwis Cymru Fyw: Ynys Mônwedi ei gyhoeddi 15:45 GMT+1

    Gydag Eisteddfod yr Urdd wedi ymweld â Môn, faint wyddoch chi am yr ynys?

    Rhowch gynnig ar gwis Cymru Fyw!

    mon
  7. Cyn hir Eisteddfod Genedlaethol y Garreg Las yn Llantwdwedi ei gyhoeddi 15:38 GMT+1

    Eisteddfod Genedlaethol Cymru

    Wrth i Eisteddfod yr Urdd ddod i ben bydd y sylw yn troi at Eisteddfod Genedlaethol y Garreg Las yn Llantwd ac mae eisoes yn argoeli i fod yn eisteddfod hynod o boblogaidd.

    Ydy mae'r Orsedd ar gyfer y cadeirio eisoes yn llawn!

    steddfodFfynhonnell y llun, Eisteddfod Genedlaethol
  8. Eisteddfod yr Urdd wedi chwarae rhan bwysig yn natblygiad awdur o Fônwedi ei gyhoeddi 15:33 GMT+1

    "Ma' Sir Fôn yn le reit fawr. Dwi'n teimlo'n hapusach yn fy nghynefin a sgwennu am fy nghynefin."

    Dyna eiriau Marlyn Samuel, awdur a dramodydd o Fôn wrth i'r ynys groesawu pobl yr wythnos hon i Eisteddfod yr Urdd.

    Mae Marlyn yn awdur hynod o boblogaidd, sydd wedi cyhoeddi saith nofel ac mae hi hefyd yn aelod blaenllaw o Theatr Fach, Llangefni.

    Fe wnaeth yr Urdd chwarae ran bwysig iawn yn ei thaith o rhoi inc ar bapur, dyma oedd ganddi i ddweud wrth Manon Steffan Ros ar ragen Llwyfan.

    Gallwch ddarllen yr erthygl yn llawn yma.

    Marlyn
  9. Llywyddion y dydd wedi cael cryn groeso - a pherfformiad y Prif Weinidog ifanc!!!wedi ei gyhoeddi 15:27 GMT+1

    Roedd yna gryn groeso i'r Prif Weinidog newydd, Rhun ap Iorwerth, yr wythnos hon wrth i'r Brifwyl gael ei chynnal ryw ddwy filltir o'i gartref.

    Ef oedd y llywydd ddydd Mawrth ac roedd cryn ddiddordeb yn ei berfformiad buddugol yn Eisteddfod Genedlaethol yr Urdd 1983!

    Disgrifiad,

    Rhun ap Iorwerth yn ennill ar y cerdd dant yn 1983

  10. Dal i ganu yn Yr Adlenwedi ei gyhoeddi 15:24 GMT+1

    Fe ddechreuodd y Brifwyl saith diwrnod yn ôl gyda Gŵyl Triban, ond mae 'na dal amser am ychydig mwy o ganu gan y plant iau yn Yr Adlen.

    Plant yn canu ar lwyfan o flaen torf
  11. Criw y ddawns flodau yn Eisteddfod yr Urdd 1976 yn ail-greu llunwedi ei gyhoeddi 15:18 GMT+1

    Y dawnswyr ifanc yn Eisteddfod yr Urdd 1976Ffynhonnell y llun, Llun cyfrannydd
    Disgrifiad o’r llun,

    Y dawnswyr ifanc yn Eisteddfod yr Urdd 1976

    Fis Mai 1976 cynhaliwyd Eisteddfod yr Urdd ym Mhorthaethwy, Ynys Môn.

    Hanner canrif yn ddiweddarach, mae criw y ddawns flodau'r flwyddyn honno wedi dod at ei gilydd i ail-greu llun arbennig.

    Darllenwch yr hanes yma.

    dawnswyrFfynhonnell y llun, Llun cyfrannydd
  12. Yr haul yn denuwedi ei gyhoeddi 15:14 GMT+1

    Mae'r awyr las wedi denu'r torfeydd drwy'r wythnos, a tydi heddiw ddim gwahanol ar bnawn ola'r Steddfod.

    Llun o dorf
  13. Pobl Môn 'wedi mynd y filltir ychwanegol'wedi ei gyhoeddi 15:07 GMT+1

    Mae prif weithredwr yr Urdd wedi "diolch yn fawr iawn" i bobl Ynys Môn "am yr holl ymdrech" a sicrhau bod yr Eisteddfod wedi bod yn "arbennig" a "bythgofiadwy".

    Dywedodd Siân Lewis bod trigolion yr ynys "wedi mynd y filltir ychwanegol i sicrhau croeso cynnes i gymaint o filoedd o blant a phobl ifanc".

    Meddai: "Maen nhw wedi creu'r cyffro 'ma - peintio Ynys Môn yn goch, gwyn a gwyrdd ac mae Mr Urdd a baneri Cymru ym mhobman felly diolch yn fawr iawn iddyn nhw am yr holl ymdrech."

    Roedd hi hefyd yn canmol "tîm anhygoel yr Urdd ei hun sydd o hyd eisiau esblygu cyfleoedd, nid yn unig yn y Steddfod ond ar draws yr Urdd yn gyffredinol".

    Sian Lewis
    Disgrifiad o’r llun,

    Siân Lewis, prif weithredwr Yr Urdd, ar y Maes

    Dywedodd ei bod yn "braf gweld mwy o gystadleuwyr yma yng ngogledd Cymru nag erioed o'r blaen" o ganlyniad i ymestyn yr ŵyl i saith diwrnod.

    Ychwanegodd: "Parhau i dyfu wnawn ni, parhau i wrando ar leisiau pobl ifanc a sicrhau bod yr Urdd yn agor ymhellach i fwy o gynulleidfaoedd."

  14. Braf gweld Mistar Urdd yn joio yn yr Eisteddfodwedi ei gyhoeddi 15:03 GMT+1

    Mistar Urdd

    Does yna'r un 'Steddfod yn gyflawn heb ymweliad gan Mistar Urdd ac ydy mae e wedi bod ar y maes bob dydd.

    Eleni fe ddathlodd ei ben-blwydd yn 50 a bu cryn ddathlu ar draws Cymru a mwy o ddathlu ar y maes heddiw.

    Mistar Urdd flynyddoedd yn ôl gyda phlant ifancFfynhonnell y llun, Casgliad y Werin
    Disgrifiad o’r llun,

    Mistar Urdd flynyddoedd yn ôl gyda phlant ifanc

  15. Yr uchafbwyntiau ar Radio Cymru nawr ...wedi ei gyhoeddi 14:58 GMT+1

    BBC Radio Cymru

    Ar hyn o bryd ar Radio Cymru mae Ifan Evans a Lisa Angharad yn cyflwyno uchafbwyntiau o Eisteddfod yr Urdd Ynys Môn 2026.

    Cliciwch ar y botwm uchod.

    ifan
    Disgrifiad o’r llun,

    Ifan gyda Jennifer Maloney o Aelwyd Pen-rhyd sy'n dathlu'r 50 eleni

  16. Ydy mae wedi bod yn 'hafan glyd yng ngwlad y Medra'wedi ei gyhoeddi 14:56 GMT+1

    Mae wedi bod yn hafan glyd (a heulog iawn) yng ngwlad y Medra.

    Dyma gerdd groeso Gareth Evans-Jones, un o blant yr ynys a oedd yn beirniadu cystadleuaeth y Fedal Ddrama ddydd Mercher.

    GarethFfynhonnell y llun, Llun cyfrannydd

    Mae darn o dir sydd uwch y don

    a'i gân yn famol, fodlon,

    yn ynys nad yw'n unig,

    yn llecyn glas i chwarae mig.

    Dyma gartref hen chwedlau'n hoes,

    lle plannodd Dwynwen gynt ei chroes,

    lle crwydrodd Seiriol Wyn a Chybi Felyn

    a chenedlaethau hyd bant a bryn.

    Mae saith rhyfeddod byd a saith chyfandir hefyd,

    ac ym Môn, bydd saith niwrnod o gelfyddyd.

    Tyrd draw â'th gân â'th wên,

    tyrd a'th liwiau i lywio llên,

    tyrd am hufen iâ, tyrd am yr hwyl,

    tyrd i groeso'r fam-ynys annwyl.

    Cymer gam a chroesa'r Fenai,

    dilyn llwybr aur y traethau,

    a chofia, yn yr ŵyl saith niwrnod gynta',

    cei hafan glyd yng Ngwlad y Medra.

  17. Bill a'r binswedi ei gyhoeddi 14:55 GMT+1

    Gyda'r maes mor brysur heddiw, buan iawn mae'r biniau yn llenwi - ond yn ffodus mae pobl fel Bill yno i'w gwagio nhw.

    Dyn yn gwagio biniau
  18. ❤️🤍💚Ardaloedd, ysgolion, busnesau a thai wedi bod yn harddu'r frowedi ei gyhoeddi 14:50 GMT+1

    Wedi croesi afon Menai i Ynys Môn, mae'r croeso i eisteddfodwyr yn fawr wrth i ardaloedd, ysgolion, busnesau ac unigolion harddu'r fro.

    A do mi gafwyd cystadleuaeth!

    Llongyfarchiadau a diolch am y croeso.

    urddFfynhonnell y llun, Eisteddfod yr Urdd Ynys Môn
  19. Seibiant o'r sŵnwedi ei gyhoeddi 14:45 GMT+1

    Bachgen yn eistedd ar gadair

    Noa, sydd ag awtistiaeth, yn mwynhau'r babell piws – pabell arbennig i bobl sydd eisiau cyfnod o seibiant rhag sŵn a phrysurdeb yr Eisteddfod.

  20. Merched sydd wedi ennill y tair prif wobr lenyddol dair blynedd o'r bronwedi ei gyhoeddi 14:32 GMT+1

    Eisteddfod yr Urdd

    Mae buddugoliaeth Elin yn golygu mai merched sydd wedi ennill y tair prif wobr lenyddol yn ystod y tair blynedd ddiwethaf.

    Mae’r cyntaf, ail a thrydydd yn y prif gystadlaethau llenyddol yn cael cyfle i fynd ar Gwrs Olwen yn yng Nghanolfan Ysgrifennu Tŷ Newydd, Llenyddiaeth Cymru er cof am Olwen Dafydd.

    Mae hyn yn bosib drwy nawdd Ymddiriedolaeth Olwen Griffith.

    Bydd gwaith Elin yn cael ei gyhoeddi ar ffurf llyfryn gan Gyhoeddiadau’r Stamp yn syth ar ôl y seremoni.

    Gellir prynu copi o’r tri darn llenyddol buddugol o Siop yr Urdd neu siop lyfrau Awen Menai ar y maes, neu mewn siopau llyfrau lleol.