Ҳозир муносабатлар мустақиллик йилларида мисли кўрилмаган даражада илиқлашди

Ўзбекистон ташқи сиёсати Андижон қирғинидан кейин кескин бурилишга юз тутди.

Бирлашган Миллатлар ва Оврўпода Хавфсизлик ва ҳамкорлик ташкилоти ҳамда Америка Қўшма Штатлари қаторида Оврўпо Иттифоқи Андижон хунрезлиги бўйича халқаро текширув ўтказишга даъват қилар экан, Россия ҳукумати расмий Тошкентнинг мавқесини тўла қўллаб-қувватлади.

Ўзбекистон собиқ иттифоқчиси Америка Қўшма Штатларининг Қарши яқинидаги ҳарбий базасига доир шартномани бекор қилди.

Оврўпо Иттифоқи Ўзбекистонга қурол-яроғ савдосини тўхтатиш билан бирга расмий Тошкентнинг қатор юқори лавозимли мулозимларини Иттифоққа киритмаслик учун виза таъқиқини жорий этди.

Тошкент ва Москва ўртасидаги муносабатлар эса қайтага Ўзбекистон мустақилликка эришганидан бери мисли кўрилмаган даражада илиқлашди.

Сиз Андижон қирғинидан кейин Россия ва Ўзбекистон ҳукуматлари орасидаги яқинликка қандай қарайсиз?

Ўзбекистон ва Россия ўртасидаги илиқлашувдан оддий ўзбекистонликлар қандай манфаат кўришлари мумкин?

Жавобларингизни uzbek@bbc.co.uk электрон манзилимизга ёки саҳифанинг ўнг томонидаги махсус форма орқали йўллашингиз мумкин.

"Озодлик"

Россия бизга ҳеч қачон тўғри кўз билан қарамаган. Россия билан тенг шерикчилик муносабатларини олиб бораман, деган одам катта хатога йўл қўяди. Айниқса Путин император жаноби олийларининг олиб бораётган сиёсати бу ўзбек халқининг манфаатларига очиқчасига қарши сиёсатдир. Путин ўзини очиқчасига императорман, деса менимча бу ҳеч кимни ҳайрон қолдирмаса керак.

Исмсиз

Менинг фикримча, Ўзбекистон ҳукуматининг мақсади - ўз бошпанаси бўлган АҚШ ҳукуматининг Украинада бўлганидек рангли инқилоб қилишининг олдини олиш учун ўзига бошқа бир иттифоқ топиш эди. Мустақиллик ёки ўзбек халқи учун ғамхўрлик натижаси эмас, балки ўз креслоларини гарантияга олишдан иборат.

Шавкат

Мен ҳозирги ҳукумат ишини тўлиқ қувватлайман. Сиз гапираётган гапларга биз ишонмаймиз.

Абубакр

Бу навбатдаги иккиюзламачилик. Бундан фақат ўзбек халқи жабр кўради.

Сардор

Россия билан Ўзбекистон бир-бири билан олдиндан шундай илиқ муносабатни қўлга қўйиш керак эди. Америка билан иттифоқ бу Ўзбекистоннинг хатоси эди. Чунки Америка иккиюзламачи давлат. Лекин бу хатони тузатиш мумкин.

Номсиз

Бу яқинлашувга ёмон муносабатдаман. Россия бир ўзи Андижон воқеаларини қувватлагани учун.

Ҳақон

Менимча, икки мамлакат ўртасидаги яқинлашув яхши тенглик асосида. Бу албатта, ўзбек халқи учун Россияда эркин ишлаш, Россия сармояларининг Ўзбекистонга келиши учун катта аҳамият касб этади. Лекин мана шуни тушуниш учун Андижон воқеасини кутиш шартмиди?

Али

Ўзбекистонни Россияга яқинлашгани бир томондан яхши. Ён қўшни жон қўшни. Россияни сиёсати Марказий Осиё давлатларини иқтисодини кўтариш эмас, аксинча ўзини бой қилиш. Россияни бирон бир жойга грант берди деган нарсани ҳали гувоҳи бўлмадик. USA ни ҳам оқламоқчи эмасман, лекин Америкада ҳарқалай демократия ва грант, ёрдам бериш деган нарсалар бор. Бу факт. Путин акамизни мақсади битта. Москванинг Марказий Осиёдаги ҳукмронлигини ошириш, бошқа нарса эмас. Энергия орқали акамиз сиёсий ҳукмронлик ўрнатмоқчи. Обрўсини сақлаб турган нарса ҳам шу. Лекин майли газни арзон олиб кетсин биздан, бошқа нарсаларни олиб кетсин, энг муҳими ҳозир одамлар учун тинчлик ва яхши яшаши керак. Халққа ҳам бериш керак бирон нарса!

Bobur Isoev. US, Cincinnati.

1. Andijon qirg'inidan so'ng Uzbekiston va Rossiya orasidagi iliqlashuv desak xato bo'ladi, Karimov va Putin orasigi yaqinlashuv deyalik, aslida ham shunday. 2.Uzbekston va Rossiya orasidagi iliqlashuv xalqqa foydasi tegmaydi deb aytaolmayman, lekin bu foydani Janob Karimovga tegadigan foyda bilan solishtirsak, orasidagi faqr er bilan osmoncha. Qisqasi sholini yonida kurmak ham suv ichibdi degani. Bu iliqlashuvni uzoqqa borishiga ham ko'zim etmaydi, qanchalik zo'r berishmasin, buni chiroyli ko'rsatishga harakat qilishmasin yolg'on va xalqni qullikka mahkum qilish ustiga qurilgan bu ittifoqchilik o'z natijasini bermaydi.

Шерзод Йўлдошев

Ўзбекистон Россия билан яқинлашса, бизда арзончилик бўлади.

Терс оға

Ҳатто собиқ Совет даврида Қашқадарёнинг кўпгина туманларида табиий оқма газ бўлган. Аммо Ўзбекистон Россия билан яқинлашганидан кейин ҳатто газ чиқадиган Шўртан, Нишон туманларида ҳам газ йўқолди. Одамлар яна ўчоққа қайтишди. Ғалати ҳол. Газ шу ердан чиқади-ю, аммо одамлар ўтин ёқишади. Менимча бу, одамлар ушбу яқинлашувдан ҳис қилган дастлабки кўргулик.