ትራምፕ ናብ ቻይና ቅድሚ ምእታዎም፡ ፑቲንን ሺን ዘተ ጀሚሮም

ምንጪ ስእሊ, Getty Images
ፕረዚደንት ሩስያ ቭላድሚር ፑቲን፡ ኣብ ቻይና ንዝካየድ ዘሎ ዋዕላ እስያ ንምስታፍ ናብ ሸንዘን በጺሑ። ኣብቲ ዋዕላ፡ ፕረዚደንት ኣመሪካ ዶናልድ ትራምፕን ፕረዚደንት ቻይና ሺ ጂንፒንግን ክሳተፉ እዮም።
መራሕቲ ሃገራት ኣብ ጉዳይ ምቅናስ ንዩክለሳዊ ኣጽዋር ዝምልከት ሰለስተኣዊ ዘተ ከካይዱ ትጽቢት ይግበረሎም። ትራምፕ ናብ ቻይና ቅድሚ ምእታዉ፡ ፑቲንን ሺን ዘተ ጀሚሮም ኣለዉ።
ትራምፕ ሰኑይ ናብ ቻይና ዘምርሕ ጕዕዞኡ ዝጀመረ ኰይኑ፡ ኣብ መንገዱ ትማሊ ናብ ፊሊፒንስ በጺሑ ኣብ ካልእ ዋዕላ ይሳተፍ ኣሎ።
ሎሚ ናብ ቻይና ክኣቱ ትጽቢት ይግበረሉ። ትራምፕ ኣብቲ ኣብ ፊሊፒንስ ዝካየድ ዘሎ ዋዕላ፡ ምስ ቀዳሞት ምኒስትራት ህንድን ኣውስትራልያን ተራኺቡ።
ፕረዚደንት ፊሊፒንስ ፈርዲናንድ ማርኮስ ጁንየር፡ መራሕቲ ሃገራት እስያ ንትራምፕ ምልክታዊ 'ዓወት' ከም ዘጐናጸፍዎ ገሊጹ።
መራሕቲ ኣመሪካ፡ ቻይናን ሩስያን ሰለስተኣዊ ዘተ ከካይዱ እዚ ንፈለማ እዋን እዩ።
ዎል ስትሪት ጆርናል ከም ዝጸብጸቦ፡ ፑቲን ኵናት ዩክረይን ንምውጋድ ዘተ ክግበር ሓቲቱ።
ትራምፕ ቅድሚ ሕጂ ኣብ ዝገበሮ መደረ፡ ንምቕናስ ንዩክለሳዊ ኣጽዋር ዝግበር ሰለስተኣዊ ዘተ ከም ዝድግፍ ሓቢሩ ነይሩ።
"ብዛዕባ ብዙሕ ጉዳያት ክዝትዩ ምዃኖም ዝገለጸ ትራምፕ፡ "ኵናት ኢራን ንምውጋድ ንጽዕር ኣለና" ክብል`ውን ተሰሚዑ።
ዋይት ሃውስ ቅድሚ ሕጂ ከም ዝሓበሮ፡ እቶም መራሕቲ ኵናት ኢራንን ዩክረይንን ሓዊሱ ኣብ ካልኦት ኣህጉራዊ ጉዳያት ክዝትዩ እዮም።
ብወገን ቻይና ግን ብዛዕባ ኣጀንዳታት እቲ ዘተ ዝርዝር ሓበሬታ የሎን።
ተወሳኺ፤
