د ازموینې موسم د بریا لارښود: بیا وګورئ، یاد کړئ او بیا ارام وکړئ

د ازموینې موسم را رسېدلی، مانا دا چې له میاشتو زدکړو، بیاکتنې او یادولو وروسته اوس د اصلي ازموینې وخت نژدې شوی دی.

خو دا اړینه نه ده چې دا تجربه حتماً له فشار او اندېښنې ډکه وي.

بي بي سي نیوز له ښوونکو او خصوصي استادانو سره خبرې کړې دي چې د بیاکتنې، د ازموینې ورکولو او خپل ځان ته د پام کولو په اړه غوره مشورې شریکې کړي.

۱- له خپلې بیاکتنې ډېره ګټه واخلئ

سایمن بیل، چې د متوسطې ښوونځي د تاریخ او سیاست ښوونکی دی، وایي چې زدکوونکي باید د موضوعاتو د ښه درک کولو هڅه وکړي او مهم اصطلاحات حفظ کړي، چې د امتحان په ورځ د "بېلابېل ډول پوښتنو" لپاره چمتو وي.

بیل وایي، په دې کار سره زدکوونکي ډاډ ترلاسه کولی شي چې د مطالعې هره دقیقه په هماغه څه مصرفېږي چې تر ټولو ډېر اهمیت لري.

هغه وایي، یوازې د بیاکتنې نوټونه یا د مطالعې لارښود لوستل او د مفاهیمو رښتینی درک کول، دواړه ډېر توپیر لري.

هغه زیاتوي: "که تاسو د ټیودور کورنۍ د واک ته رسېدو لاملونه نه شئ تشریح کولی، یا د فوتوسنتسز مفهوم په ساده ډول نه شئ بیانولی، نو لا مو موضوع سمه نه ده درک کړې".

دلته د هغه ځینې مهمې مشورې دي:

۲- ایا باید د مرستې لپاره له مصنوعي ځیرکتیا (AI) ګټه واخلم؟

روت هاوېنګا، چې د GCSE انګلیسي خصوصي ښوونکې ده، وایي مصنوعي ځیرکتیا په داسې تعلیمي بڼه کارېدلی شي چې د زدکوونکو له بیاکتنې سره مرسته وکړي. خو هغې خبرداری ورکړی که په سمه توګه ونه کارول شي، نو ګډوډي هم رامنځته کولی شي.

هغې وایي، د دې لپاره چې د بیاکتنې پر مهال له AI اعظمي ګټه واخلئ، لاندې ټکو ته پام وکړئ:

۳- د خپلو ازموینو مهالوېش ښکاره ځای کې کېږدئ

هاوېنګا وایي، د منظم پاتې کېدو او د امتحان د فشار د کمولو یوه له تر ټولو اسانه لارو څخه دا ده چې د خپل امتحان مهالوېش په ښه ډول وپېژنئ.

هغه وایي: "دا هېڅ ګټه نه لري چې تاسو د څلورم امتحان لپاره چمتووالی ونیسئ، خو د لومړي امتحان لپاره نه".

هغې دا سپارښتنې کړې دي:

۴- خپل ځان ته هم پام وکړئ

انډریو بروف، چې د GCSE انګلیسي ښوونکی دی او ایملي مېریسن، چې د GCSE او A-level خصوصي ښوونکې ده، وایي د ازموینې سهار باید د اساسي چمتووالي لپاره وي، نه د وروستۍ شېبې د سختې مطالعې لپاره.

دوی د دې لپاره چې هم پر ځان او هم پر امتحان تمرکز وساتئ، لاندې مهمې مشورې وړاندې کوي:

۵- له ازموینې وروسته څه باید وکړئ؟

ارام وکړئ، ازموینه پای ته ورسېده!

بروف وایي، کله چې امتحان ختم شي، بیا داسې څه نشته چې تاسو یې بدل کړئ او پرله‌پسې د ازموینې په اړه فکر کول به یوازې ستاسو انرژي ختمه کړي.

مېریسن وایي، هڅه وکړئ خپل ځوابونه له ملګرو سره پرتله نه کړئ، ځکه:

"ستاسو ځوابونه به هېڅکله کاملاً یو شان نه وي او دا معنا نه لري چې تاسو غلط ځواب ورکړی."

دوی وایي، له امتحان وروسته دا کارونه وکړئ:

سره له دې چې امتحانونه مهم دي، بروف ټینګار کوي:

"هېڅ نومره ستاسو د ذهني او رواني هوساینې ارزښت نه لري."

هاوېنګا او مېریسن دا هم یادونه کوي چې که اړتیا وي، د امتحان د بیا ورکولو فرصت هم شته.

مېریسن زیاتوي: "مسلکونو ته د رسېدو ډېرې نورې لارې هم شته - ان که هر څه هغسې ترسره نه شي لکه تاسو چې فکر کاوه."