د عکسونو البوم: په ذهني ناروغیو د اخته ښځو حال

دې لپاره چې انټرنېټ مو لږ مصرف شي، یوازې متن ولولئ
ناروغان
د عکس تشریح، که څه هم افغانستان کې ښځې له ډېر څه بې برخې دي، خو که ذهني ناروغي ولري بیا نو ژوند ورته لا ډېر ګران شي.
    • Author, عبیدالله حسام
    • دنده, بي بي سي کابل
  • د خپرېدو وخت
ناروغان
د عکس تشریح، په دې هېواد کې یوازې دوه نادولتي مرکزونه دي چې په سختو ذهني ناروغیو د اخته شاوخوا سلو ښځو ساتنه کوي، حال دا چې افغانستان کې زرګونه کسان په ورته ناروغیو اخته دي.
ناروغان
د عکس تشریح، دا دوه مرستونونه د افغان سرې میاشتې ټولنې له خوا د ذهني ناروغو مېرمنو لپاره جوړ شوي.
ناروغان
د عکس تشریح، زموږ همکار عبیدالله حسام کابل کې ددې ټولنې یوه مرستون ته تللی چې شاوخوا اتیا ښځینه ناروغانې پکې ساتل کیږي.
ناروغان
د عکس تشریح، په کابل کې د افغان سرې میاشتې ټولنې په یوه مرستون کې یوشمېر ښځې چې وایي په ذهني ناروغیو اخته دي راټولې شوې وې، سندرې ویلې او نڅاګانې یې کولې. په همدې کار یې خپل ذهنونه بوخت ساتي.
ناروغان
د عکس تشریح، دغه مرستون کې نژدې اتیا مېرمنې د ناسم ذهني توازن ګډ درد سره یو ځای کړي دي.
ناروغان
د عکس تشریح، په دوی کې د ژوند خبرې لږې کیږي، خیال یې هم د مرګ په کیسو سر وي.
ناروغان
د عکس تشریح، فرشته او نیلوفر دوه خویندې دي، یوه بله خور یې همدلته د دوی په څنګ کې د ورپېښې ناروغۍ له امله مړه شوه.
ناروغان
د عکس تشریح، یوه بله بیا هاخوا د خونې په یوه ګوټ کې ناسته او په ژړا سر وه.
ناروغان
د عکس تشریح، د مرکز کارکونکې شهناز چې خاله شنهاز یې بلله، راته ویل دا پېغله کرۍ ورځ له دې ځایه د وتلو په هیله ژاړي.
ناروغان
د عکس تشریح، د افغانستان سرې میاشتې ټولنه چارواکي وايي، د سختو ذهني ناروغو ښځو لپاره د کابل سربېره، په لوېدیځ هرات ولایت کې هم د ښځو لپاره یو ځانګړی مرکز لري، چې شاوخوا ۳۲ ناروغې مېرمنې پکې ساتل کېږي.
ناروغان
د عکس تشریح، افغانستان کې یوازې دوه نادولتي مرستونونه دي چې ددې خلکو لپاره جوړ شوي.
ناروغان
د عکس تشریح، د افغان سرې میاشتې په دې مرستون کې هره یوه یې جلا جلا کیسه لري.
ناروغان
د عکس تشریح، د افغان سرې میاشتې ټولنې د کابل مرستون څلور، څلور کسیزه خونې لري. خو اوس پکې د ځای د تنګوالي او امکاناتو نشتوالي له امله شل ناروغې ښځې ساتل کیږي.
ناروغان
د عکس تشریح، مرستون ته له ورتګ سره یوې یې له لاسه ونیولم، ګواښونه یې کول: '' که مې له دې ځایه ونه باسې، اعداموم دې. ''
ناروغان
د عکس تشریح، په دې مرکز کې د شاوخوا اتیا ناروغو مېرمنو لپاره یوازې یو حمام دی.
ناروغان
د عکس تشریح، په دې مرستون کې ناروغې مېرمنې له خپل درده سره د کورنۍ د لرېوالي غم هم ګالي او هره یوه په دې کړکۍ کې د خپلو خپلوانو په لیدو پسې سترګې ځغلوي.
ناروغان
د عکس تشریح، افغانستان کې لا کره شمېرې نشته چې څومره کسان له ذهني پلوه سخت ناکراره دي.