Naidheachdan 11:00m
Number 10 North
Tha am Prìomhaire ag obair bhon oifis ùr aige, Number 10 North mar a th' aig e fhèin air, ann am Manchester airson a' chiad uair an-diugh. Tha Andy Burnham ag ràdh gun gluais meur eile de Shràid Downing aig tuath cumhachd air falbh à Westminster.
Taraifean
Chuir na Stàitean Aonaichte taraifean malairt ùra air mu 60 dùthaich a tha iad ag ràdh nach eil a' dèanamh gu leòr airson a bhith a' toirt air daoine stad air daoine a bhith ag obair an aghaidh an toil. Tha an Rìoghachd Aonaichte, an t-Aonadh Eòrpach agus Sìona nam measg. Ach chaidh taraif nan Stàitean Aonaichte air uisge-beatha na h-Alba a thogail an-diugh.
Teine sa Ghleann Mhòr
Chaidh tuilleadh luchd-smàlaidh a ghairm dhan teine ann am Pàirc Nàiseanta a' Mhonaidh Ruaidh a thòisich bho chionn naoi latha. An dèidh dhan ghaoth atharrachadh bheòthaich an teine a-rithist a-raoir faisg air Obar Neithich. Thuirt Seirbheis Teasairginn agus Smàlaidh na h-Alba gu bheil 11 inneal air làrach an teine sa Ghleann Mhòr.
Teintean san Fhrainng agus san Spàinn
Agus tha luchd-turais a' teicheadh bho theine mhòr sa choille faisg air Bordeaux ann an ceann a deas na Frainge. Agus tha staid èiginn nàiseanta sa Spàinn far am bheil teine mòr faisg air a' phrìomh-bhaile, Madrid.
Cìs-thurasachd
Tha cìs-thurasachd ùr Dhùn Èideann a' tòiseachadh an-diugh. Cuiridh sin 5% ri cosgais àite-còmhnaidh agus tha Comhairle Dhùn Èideann an dùil gun tog a' chìs mu £50m sa bhliadhna airson a chosg air leasachadh sa bhaile.
Jeffrey Donaldson
Chaidh tiotal rìdire a thoirt bho Jeffrey Donaldson a bha na cheannard air Pàrtaidh Deamocratach an Aonaidh an Èirinn a Tuath. Tha esan a' feitheamh binn an dèidh a dhìteadh airson eucoirean is ionnsaighean feiseil an aghaidh chloinne.
MachairWind
Tha Comhairle Coimhearsnachd Ìle a' cur an taic a-niste ri iomairt an aghaidh tuath-gaoithe mòr aig muir an iar-thuath air an eilean. Dh'innis muinntir Cholbhosa agus Eilean Ìdhe ron a seo gu bheil iad an aghaidh sgeama MachairWind aig Scottish Power sam biodh còrr 140 crann. Tha dùil gun dèan Riaghaltas na h-Alba co-dhùnadh air a' phròiseact uaireigin an ath-bhliadhna.
