Ihe Justice Chidiebere kwuru dịka a tọhapụrụ ya na mkpọrọ DSS
Ebe foto si, Getty Images
Justice Chidiebere, onye a maara dị ka 'JusticeCrack'ekeela ụmụ Naịjirịa dịka o nweere onwe ya.
O kwuru nke a n'ozi o wepụtara na akara 'X' ya na ụbọchị Fraịdee ka ọ pụtara n'ụlọ mkpọrọ ndị uweojii nzuzo Naịjirịa bụ Department of State Services (DSS).
Ndị DSS jichiburu Chidiebere bụ onye ha kpụpụburu ụlọikpe maka ebubo mpụ intanet na ịkpa agwa nwere ike ibute ọgbaghara.
Cheta na ndịagha Naịjirịa nwụchiri Chidiebere na ngwụcha ọnwa Eprel 2026, mgbe ọ na-akpọga nwa ya n'ụlọakwụkwọ n'Abuja.
Ndịagha kwuru na ha jidere ya maka vidio ọ gbasara n'ịntanetị nke gosiri ndịagha na-eme mkpesa gbasara ajọ ọnọdụ ọdịmma ha.
Chibiebere mekwara ihe onyonyo nke o ji katọọ Ndịagha n-ebubo ha gburu otu nwaokorobia ji otu afọ efe ala nna ya.
Ụlọikpe Ukwu dị n'Abuja nyere ya ntọhapụ beleeluu nke ruru nde Naịra ise na Mee 18, n'afọ 2026, mgbe a tụnyere ya mkpọrọ na mbụ.
N'ime ozi ahụ, Chidiebere gọnahụrụ na ọ chọrọ imebi nchekwa obodo, ma kwuo na ya nwere nkwanye ugwu n'ebe ndịọrụ nchekwa nọ.
Gbasara ikpe ya ga-abịa na ụbọchị Mee 25, o kwere nkwa na ya gaghị ekwu okwu ọbụla nwere ike imetụta usoro ikpe ahụ.
O kwukwara na ya nwere ntụkwasị obi n'usoro iwu obodo.
Ụlọikpe enyela Justice Chidiebere Crack ntọhapụ beelụ nde naịra ise
Ebe foto si, Justice Chidiebere/Instagram
Ọkaikpe Joyce Adulmalik nke ụlọikpe dị n'Abuja enyela Justice Chidiebere nke e ji Justice Crack mara beelụ.
Nke a na-abịa dịka ụlọọrụ Department of State Services bụ DSS kpọgara Justice Chidiebere nke e ji Justice Crack mara, gaa n'ụlọikpe taata maka arịrịọ ntọhapụ ya.
Cheta na ndị ụlọọrụ DSS kpọgara ya n'ụlọikpe n'ụbọchị Mee 4, 2026 maka ebubo dị iche iche n'ihi onyoonyo o mere ma kasaa na soshal mịdịa banyere ọnọdụ ọdịmma ndị ndịagha Naịjirịa.
Mana Ọkaikpe Joyce Abdulmalik nke Ụlọikpe Ukwu dị n'Abuja nyere ụbọchị abụọ ka e tinye akwụkwọ mgbapụta Chidiebere. Ya ka ọkaiwu Chidiebere bụ Femi Balogun tinyerela ya n'akwụkwọ arịrịọ mgbapụta.
Ka o si dị, anyị kwụrụ chịm n'ụlọikpe ịma ihe ikpe a ga-abụ.
Ugbua, i nwereike inweta akụkọ BBC Igbo niile n'ekwenti gị.
Pịa aka ebe a ka i soro anyị
Ebe Ọkwa azụmahịa WhatsApp kwụsịrị
Nke a na-abịa dịka ụlọọrụ Department of State Services bụ DSS kpọgara Justice Chidiebere nke e ji Justice Crack mara, gaa n'ụlọikpe taata maka arịrịọ ntọhapụ ya.
Cheta na ndị ụlọọrụ DSS kpọgara ya n'ụlọikpe n'ụbọchị Mee 4, 2026 maka ebubo dị iche iche n'ihi onyoonyo o mere ma kasaa na soshal mịdịa banyere ọnọdụ ọdịmma ndị ndịagha Naịjirịa.
Mana Ọkaikpe Joyce Abdulmalik nke Ụlọikpe Ukwu dị n'Abuja nyere ụbọchị abụọ ka e tinye akwụkwọ mgbapụta Chidiebere. Ya ka ọkaiwu Chidiebere bụ Femi Balogun tinyerela ya n'akwụkwọ arịrịọ mgbapụta.
Ka o si dị, anyị kwụrụ chịm n'ụlọikpe ịma ihe ikpe a ga-abụ.
Kedụ ihe Justice Chidiebere Crack ga-enye ka agbapụta ya?
- Onye ọrụ gọọmenti ruru ogogo 15 n'ọkwa oche ya.
- Onye ọrụ gọọmenti bi n'Abuja kemgba afọ anọ ma ga-enyekwa ihe ngosi na o bi ebe ahụ.
- Ma ga-enye ụlọikpe akwụkwọ njirimara ya
- Foto gosiri ihu ya
- Nchọkọta ego mgbapụta ruru nde naịra ise.
Tupu nke a, onye ọkaiwu maka ndị na-ebo ebubo bụ M.L. Jackson, gwara ụlọikpe na ndị gbara akwụkwọ dị njikere ịmalite ikpe Justice Chidiebere Crack.
Onye gbara akaebe nke mbụ aha ya bụ Uruntu Douglas bụ onye ọrụ DSS gwara ụlọikpe na ya bịara mara onye ahụ a na-ekpechite ọnụ na nnyocha ka ndị Naijiria Army Intelligence Corps bufere ya na DSS.
Onye akaebe ahụ kwuru na onye ahụ a na-azara ọnụ ji aka ya kwuo nkwupụta gbasara ikpe nke edere n'ihu ndị ọka iwu ya.
Dịka onye akaebe si kwuo, ndị agha ezigara onye a na-azara ọnụ foto, onye boro ebubo na o sere ihe onyoonyo site na ihe oyiyi ahụ ma tinye ha na mgbasa ozi ọha na eze na-akwadoghị izi ezi nke ihe ndị sitere na isi ndị agha.
Ọ gara n'ihu gwa ụlọikpe na ndị nnyocha weputara data n'ekwentị onye ahụ a na-azara ọnụ, gụnyere vidiyo ndị eboro n'Ịntanet, mkparịta ụka n'etiti onye a na-azara ọnụ na ụfọdụ ndị agha, mkparịta ụka ya na nna nna ya na-akparịta ụka na-ekwu na ọ na-akparịta ụka, tinyere ihe ndị sitere na ibe mgbasa ozi ya.
Onye akaebe ahụ gbakwụnyere na e nyere asambodo nnabata wee bịanye aka na ya site n'aka onye ọrụ ka elu ka emechara usoro nnyocha ahụ.
N'oge a na-eme ya, onye ọka iwu na-agbachitere, Sam Amadi, gwara ụlọikpe na agbachitere agbachitere na akụkọ nyocha na akwụkwọ ndị ọzọ chọrọ ka ndị ọka iwu nye ya.
Etu ọ dị, ndị ọkàiwu ahụ kọwara ọdịda ahụ dịka nlekọta ma rịọ mgbaghara n'ihu ụlọikpe.
Ọkaikpe Joyce Abdulmalik mechara kweta na akụkọ nnyocha DSS dịka ihe ngosi A.
Ndị ọka iwu ahụ nyekwara iPhone ebubo na ọ natara n'aka onye a na-azara ọnụ, draịva flash kwuru nwere vidiyo ndị etinyere na nyiwe mgbasa ozi ọha, mkparịta ụka ewepụtara na ngwaọrụ ahụ, yana asambodo nnabata.
Onye na-agbachitere emegideghị nnabata nke draịvụ flash ahụ, na-arụ ụka na akọwabeghị ma ọ bụ gwuo ọdịnaya ya n'ihu ụlọ ikpe.
E yigharịrị okwu a na Mee 25 maka ịga n'ihu n'ikpe, ebe onye akaebe mbụ gbara akwụkwọ ka ahapụbeghị.
Ka ikpe Justice Crack si aga kamgbe a nwụchịrị ya
Epreelụ 28, 2026
- E bidoro chọwa Justice Crack
Mee 4 2026
- Ndị ụlọọrụ DSS kpọgara ya n'ụlọikpe maka ebubo dị iche iche banyere onyoonyo o mere ma kasaa na soshal mịdịa tupu ha aranye ya n'aka ndị uweojii nzuzo.
Mee 14, 2026
- A kpọgara ya n'ụlọikpe maka ikpe mgbapụta.
- Ndị ọkaiwu ya wee sewe okwu mere otu n'ime ha weghachitere arịrịọ mgbapụta ya.
- Ọkaiwu wee nyekwa ụbọchị abụọ inye Justice Crack ka o tinye akwụkwọ arịrịọ mgbapụta.
Mee 18, 2026
- E nyere Justice Chidiebere Crack arịrịọ mgbapụta ya ma nyekwa ya ihe ndị ọ ga-enye ha ka agbapụta ya.
- A malitekwara ikpe ịnwa Justice Crack maka ebubo ndị e boro ya.
End of Akụkọ ndị ọzọ gbasara Justice Chidiebere Crack
Justice Chidiebere: Esemokwu dapụtara n'etiti ndị ọkaiwu adọghachiela ikpe Nwaamadi a azụ
Ebe foto si, Screengrab/Justice Chidiebere/Facebook
Ọkaikpe Joyce Abdulmalik nke Ụlọikpe Ukwu dị n'Abuja enyela iwu na Justice Chidebere a ma ama na sosha media dịka 'Justice Crack' ka ga-anọgide n'ụlọ mkpọrọ ndị DSS, dịka ọkaiwu ya wezugara onwe ya n'ikpe ahụ ụbọchị Tozde.
Ndị uweojii nzuzo Naijiria bụ DSS n'ịchafụ kpụpụrụ Justice ụlọikpe maka ebubo mpụ intanet (cybercrime) na ịkpa nkata ibute ọgbaghara dịka ọ katọrọ ụdị nri ndịagha na-enye ndị ogbo ha nọ n'ihu agha megide ndị Boko Haram na ndị oyinduegwu ndị ọzọ.
Dịka ikpe ahụ malitere, ọkaiwu Justice Crack, bụ Marshal Abubakar, gwara ụlọikpe na ya agaghị anọchite anya ya ọzọ n'ikpe ahụ nke pụtara na akwụkwọ arịrịọ niile o tinyere maka inwetara nwa amadi ahụ beelu alaala n'iyi.
Ọkaiwu Marshall Abubakar, n'oge ndị nta akụkọ gbagara ya n'ajụjụ ọnụ, kọwara na ihe kpatara o jiri hapụ ikpe ahụ bụ na onye a na-ebo ebubo bụ Justice Crack egosighị ya dị ka onye na-anọchite anya ya mgbe ọkaikpe jụrụ ya; kama, ọ họọrọ Ọkaiwu Femi Balogun.
Ụlọikpe enyela iwu ka a tụnye Justice Chidiebere na mkpọrọ DSS
Ụlọikpe enyela iwu ka a tụnye Justice Chidiebere n'ụlọmkpọrọ DSS.
Ụlọikpe Ukwu nke Etiti dị n'Abuja enyela iwu ka a tụnye Justice Chidebere a ma ama dịka 'Justice Crack' na mkpọrọ ndị uweojii nzuzo Naijiria bụ Department for State Secret Service(DSS) maka ebubo metụtara mpụ intanet (cybercrime) na ịkpa nkata ibute ọgbaghara (breach of public peace.)
Mana Chidiebere gọrọ n'aka ya dị ọcha dịka a gụputara ebubo ndị ahụ n'ụlọikpe.
Ọkaiwu wetara ikpe ahu n'ụlọikpe bụ Mark Oruba rịọrọ ọkaikep ka e jichie nwa amadi ahụ ruo oge a ga-amalite ikpe ya n'uju.
Mana ọkaiwu nọchitere Chidiebere bụ Marshall Abubakar rịọrọ ụlọikpe ka a tọhapụ ya, nye ya ohere isi ụlọ ya na-abịa ikpe ahụ.
Jọstịs Joyce Abdulmalik nọ n'isi ya bụ ikpe jụrụ ajụ ma sị ya dee arịrọ ya n'akwụkwọ kama iji ọnụ arịọ ya.
Ọ gara n'ihu nye iwu ka a tụnye ya na mkpọrọ DSS ganye abalị Mee 25 bụ ụbọchị a ga-ekpe ikpe ahụ ọzọ.
Na nsonso a, Chidibere , onye bi na Lugbe dị n'Abuja, mere ihe ononyo ebe ọ katọrọ ndị agha maka mgbagbu a sị ndị otu ha gbagburu o ut nwata nwoke ji otu afọ efe ala na ya O mekwara ihe ọzọ ebe ọ katọọ ndịagha Naijiria aka anaghị enye ndịagha nọ n'ihu agha megide ndị agha nnụpụisi ezigbo nri.
Ndị ntorobia kwụchiri ụzọ jụ inye ohere ka DSS kpụrụ Justice Chidiebere a pụọ n'ụlọikpe
Ebe foto si, BBC/Justice Chidiebere
Ndị ntorobia na ndị na-agba mbọ maka ikike dịịrị onye gbochiri ndị uweojii nzuzo a na-akpọ "Department of State Services, (DSS)" ịkpụrụ nwọke aha ya bụ Justice Chidiebere pụọ n'Ụlọikpe Ukwu dị n'Abuja.
Chidiebere bụ onye a maama na sohal mịdịa dịka 'Justice Crack'.
Ndịagha Naijiria jidere ya maka ebubo dị icheiche banyere onyoonyo o mere ma kesaa na soshal mịdịa tupu ha aranye ya n'aka ndị uweojii nzuzo.
Ha bokwara Chidiebere ebubo imebi iwu mgbasaozi ndịagha na-akatọ ụdị nri ndịagha nọ n'ihu ọgụ na-eri.
Mana ndị ntorobia na-eti mkpu sị, "Hapụnụ Justice Crack". "Anyị agaghị ekwe".
Ha gbara Justice gburugburu jụ inye DSS ohere ịkpụrụ ya pụọ dịka ha kpụtachara ya ụlọikpe.
A malitere ịchọ Chidiebere achọ n'abalị 28 nke ọnwa Eprelu dịka ọ gwara nwunye ya ka ọ gaa nzukọ.
Nnyọcha ji igwe intanet mee rụtụrụaka n'ebe ikpeazụ ahụ ya bụ n'ogige ndịagha.
E mechara Ndịagha Naịjirịa ekwuo n'ozi ha wepụtara n'ụbọchị Satode na ọ bụ ha ji ya.
