સીજેપીના પ્રદર્શન વચ્ચે ચેન્નાઈમાં રાહુલ ગાંધીનો 'છાત્રો કી ગૂંજ' કાર્યક્રમ
ઇમેજ સ્રોત, Anindito Mukherjee/Bloomberg via Getty Images
લોકસભામાં વિપક્ષના નેતા અને કૉંગ્રેસ સાંસદ રાહુલ ગાંધી શનિવારે ચેન્નાઈમાં ‘છાત્રો કી ગૂંજ’ અભિયાનના છઠ્ઠા કાર્યક્રમમાં વિદ્યાર્થીઓ અને યુવાનો સાથે સંવાદ કરશે.
બીજી તરફ, એ જ દિવસે દિલ્હીના જંતર-મંતર ખાતે મુખ્ય ચૂંટણી કમિશનર જ્ઞાનેશકુમારના રાજીનામાની માંગ સાથે પ્રદર્શન કરવામાં આવશે. કૉક્રોચ જનતા પાર્ટી (સીજેપી)એ આ પ્રદર્શનનું ઍલાન કર્યું છે.
સીજેપીએ તેમાં જોડાવા માટે તમામ વિપક્ષી પક્ષોને આમંત્રણ આપ્યું હતું. આ પ્રદર્શનમાં ડાબેરી પક્ષો સીપીએમ, સીપીઆઈ, સીપીઆઈ-એમએલ, આરએસપી અને ઑલ ઇન્ડિયા ફૉરવર્ડ બ્લૉક ઉપરાંત આમ આદમી પાર્ટી અને મમતા બેનરજીના નેતૃત્વવાળી તૃણમૂલ કૉંગ્રેસના સામેલ થવાની સંભાવના છે.
જોકે, કૉંગ્રેસે આ પ્રદર્શનથી અંતર જાળવી રાખ્યું છે.
બીજી તરફ, રાહુલ ગાંધીનો ‘છાત્રો કી ગૂંજ’ અભિયાન હેઠળ ચેન્નાઈમાં યોજાનારો કાર્યક્રમ દક્ષિણ ભારતમાં આ અભિયાનનો પ્રથમ કાર્યક્રમ છે.
આ પહેલાં કોટા, દેહરાદૂન, પ્રયાગરાજ, પુણે અને ઇન્દોરમાં આ અભિયાનના કાર્યક્રમો યોજાઈ ચૂક્યા છે.
