Ateb y Galw: Maryam Khan

Dydd Mercher diwethaf fe gychwynnodd gyfres newydd o'r rhaglen newyddion i bobl ifanc 'Newyddion Ni' ar S4C, a hynny gyda chyflwynydd newydd.

Bydd Maryam Khan o Gaerdydd yn cyflwyno'r rhaglen bob nos Lun, Fercher a Gwener am 17:45.

Beth am i ni ddysgu ychydig mwy amdani wrth iddi Ateb y Galw yr wythnos hon?

Colli fy nannedd! Ro'n i'n ffodus iawn bod y Tylwyth Teg wedi galw heibio nid yn unig i adael arian i fi, ond ges i nodyn wedi'i ysgrifennu ac ambell anrheg hefyd. Felly mae'n debyg mai dyna pryd dechreuodd fy nghariad at anrhegion!

Caerdydd. Ges i fy magu yma, es i i'r brifysgol yng Nghaerdydd ac mae'r rhan fwyaf o'm teulu yma hefyd. Felly, er fy mod i wrth fy modd yn teithio a gweld llefydd newydd, Caerdydd fydd wastad gartref i mi.

Noson gêm Cwpan y Byd yn Qatar - Moroco yn erbyn Portiwgal. Roedd yr awyrgylch yn anhygoel, ac roedd bod yno i weld Moroco yn cyrraedd y rownd gyn-derfynol yn brofiad fyddai byth yn anghofio. Roedd pawb o gwmpas yn llawn cyffro ac egni. Hefyd, taith mewn hofrennydd heb ddrysau dros Efrog Newydd. Roedd y golygfeydd yn anhygoel.

Tal, hwylus a brwdfrydig.

Cwympo ar iâ wrth gerdded i mewn i fwyty. Roedd hi'n un o'r eiliadau hynny lle ti'n gwybod yn syth bod rhaid chwerthin yn enwedig pan mae pobl eraill wedi gweld.

Cerdded yn syth i mewn i ddrws gwydr mewn gorsaf gwasanaethau a thorri fy nant yn ei hanner. Dwi'n meddwl bod hynny'n ddigon i ennill y teitl am y digwyddiad mwyaf embarrassing.

Dau ddiwrnod yn ôl.

Bwyta gormod o fwyd sothach.

Un o fy hoff ffilmiau yw Monster House. Roeddwn i arfer ei gwylio pan o'n i'n iau ac, er fy mod i bellach yn hŷn, dwi dal wrth fy modd efo fe. Mae 'na rywbeth am ffilmiau o'ch plentyndod sy'n eich hudo.

Dwi wedi sgïo lawr un o'r rhediadau du hiraf yn Ewrop. Dwi ddim yn meddwl bod llawer o bobl yn disgwyl hynny gen i ond dwi wrth fy modd efo ychydig bach o antur!

Llun o ddiwrnod fy ngraddio. Roedd yna adegau pan o'n i ddim yn meddwl y byddwn i'n cyrraedd yno, ac roedd y cyfnod wedi effeithio'n fawr ar fy iechyd meddwl. Felly mae'r llun yn golygu llawer mwy i mi na dim ond llun o ddiwrnod graddio, mae'n atgof o rywbeth wnes i weithio'n galed iawn i'w gyflawni.

Peilot. Dwi wastad wedi meddwl ei bod hi'n anhygoel gallu hedfan awyren a theithio i wahanol rannau o'r byd.

Treulio'r diwrnod cyfan gyda fy nheulu a ffrindiau.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.