Lleoliad a nodiadau ar y sgript
Bydd y sgript hefyd yn rhoi manylion i ti am y lleoliad - neu leoliadau os bydd angen nifer o newidiadau golygfa. Gallai fod gwybodaeth am y cynllun, propiau a gwisgoedd hefyd. Dyma ddetholiad o gyfarwyddiadau lleoliad ar gyfer Mwnci ar Dân.
Dylai’r gofod fod mor foel a gwag â phosibl. Mae tri lleoliad: blaen dau dŷ, sef rhif 13 a 15 Park View (wedi eu gorchuddio â graffiti); ystafell wely Shell; y parc.
Mae’r disgrifiad hwn yn dweud wrthon ni bod y set yn finimalaidd a bod y ddrama wedi ei gosod mewn ardal drefol ddifreintiedig (fel y mae’r waliau â graffiti’n ei awgrymu). Os oes disgrifiad manwl o’r set, mae gan y dramodydd farn glir o’r hyn sy’n hanfodol wrth gyflwyno’r set.
Ambell waith, yn enwedig mewn drama fer, mae’r ddrama’n barhaus, ond os ceir newidiadau hanfodol yn y ffrâm amser, caiff y rhain eu hesbonio. Mae newidiadau golygfa a newidiadau amser fel arfer yn cael eu marcio fel toriadau yn y ddrama - gan ei rhannu’n actau ac ambell waith golygfeydd o fewn yr actau hynny. Er enghraifft ar ddiwedd golygfa 8 mae Sera Moore Williams yn nodi:
Mae Hen yn troi i syllu ar Mwnci. Mae’r olygfa’n rhewi.
