KALLATTIIN, Maanchister Siitii v Bireentiford- Qormaata biraa Maan Siitii eeggatuu fi morkii waancaa

Haguuggii Tamsaasa Kallattii

1. Daqiiqaa 12 duraMaanchister Yuunaayitid galchii malee jira, Biraayitan lama galche

   Maanchister Yuunaayitid daqiiqota 15 jalqabaa Sanderlaandiin hedduu qoramaa jira.

   Yaalii guddaa taasises hin qabu. Tapha humnaan guutamedha. Gama biraan Biraayitan Piriimer Liigii keessaa kufuu isaa kan mirkaneeffate Woolvisiin 2-0 dursaa jiru.

   Taphni Barnimozii fi Fuulham galchii malee jira.

2. Daqiiqaa 41 duraBeenjaamin Seskoo fi kaazemiiroo har'a hin taphatan

   Hirmaannaa Shaampiyoonsi Liigii argachuu isaa kan mirkaneeffate Maanchister Yuunaayitid har'a tapha Sanderlaand waliin qabuuf taphattoota murteessoo akka Kaazemiiroo fi Seeskoo malee morkata.

   Kaarik dursee Kaazemiiroon miidhamuu hin dubbanne. Seskoonis akkasuma garee har'aa kessatti hin hammatamne.

   Jooshoyaa Zirkizee yeroo jalqabaaf carraa jalqaba hiriiroo Kaarik jalatti argate.

   Amaad Diyaaloo, Zirkizee fi Kuunaan sarara duraa irra taphatu. Ittisa irra Lisaandiroo maartinez deebi'eera.

   Sanderlaand ammoo hirmaannaa Awurooppaa Liigii argachuuf morkatu.

3. Daqiiqaa 59 duraPeep Gaardiyoolaan waa'ee tapha Bireentfoord maal jedhe?

   Peep Gaardiyoolaan tapha Bireentfoord dursee yaada miidiyaaleef kenneen akaks jedhe:

   • Roodiriin tapha Everteen waliin qixa 3-3 xumurame irratti hin hirmaanne. Peep ammayyuu Roodiriin miidhama isaarraa guutummaan hin fayyine jedhe. Garuu tapha har'aaf gahuu akka malu hime.
   • Roodirii malee ji'oota baay'ee taphanne kan jedhe Peep Gaardiyoolaan yeroo gahumsa guutuun deebi'u kan ilaallu taha jedhe.
   • Tapha Everteen irratti Roodirii waan hin jirreef qabxii dhabne osoo hin taane galchii qulqulluu isaaniif kennineeti jedhe.
   • Giivaardiyool shaakala hojjechuu jalqabeera. Peep Gaardiyoolaan bara darbe taphataa murteessaa ture. Tapha hundaa taphate dhumarratti qaamni isaa ni gaha jedhe jechuun haala miidhama Givaardiyool dubbate.
   • Taphoota hafan irratti nu gargaara jedheen amana jedhe.
   • Maark geehii tapha Everteen irratti dogogora akka hojjeteni beeka. garuu isaan ala akka gaariitti taphate jedhe Gaardiyoolaan.
   • Jeremii Dookuun gahumsa akkasii irra gahuu isaatti hedduu gammadeera kan jedhe Gaardiyoolaan taphni Bireentfoord waliinii akka cimus himeera.
   • Keet Andiriiw leenjisaa duraanii Bireentfoord Toomaas Firaank bakak bu'ee hojii guddaa hojjete, salphaa hin turre jedhe.

4. Sa'aatii tokko duraLiiverpuul 1-1 Cheelsii: Galchii Paalmerii fi Kuurtis Joonsi lakkoofsisan haqame

   Barana leenjisaa sadaffaa jalatti leenji'aa kan jiru Cheelsiin walitti aansee erga mo'amee amma Liiverpuul waliin taphataa jira.

   Lameenuu qixa 1-1 irra jiru. Kool Paalmerii fi Kuurtis Joonsi galchii lakkoofsisanii taphaan ala jedhamuun haqameera.

   Liiverpuul Mohaammad Saalaa, Ekitiikee fi Wiirz miidhaman dhabeera.

   Gaarnaachoo, Giitensii fi Peedroo Neetoo miidhamaan kan dhabe Cheelsiin Kukurellaa sarara duraa gama cinaan taphachiisaa jira.

   Liiverpuul hirmaannaa Shaampiyoonsi Liigii bara dhufuu mirkaneeffataa jira.

5. Sa'aatii tokko duraVaalveerdee fi Shuumeeniin paawondii miliyoona 1 adabaman

   Gidduu kana kan wal lolan taphattoonni Riyaal Maadirid, Vaalveerdee fi Shuumeniin koree naamusaa kilebichaan adabamaniiru.

   Lameen isaanii paawondii miliyoona tokko adabaman. Vaalveedreen erga wal lolanii mataa isaarra miidhaan geenyaan hospitaalatti geeffameera.

   Ergasii sababa Maadirid barana waancaa tokko malee hafee fi taphattoonni tokko tokko dandeettii isaanii guutuu kileba kanaaf hin kennineef aariinkoo daangaa darbeera jedhe.

   Shuumeeniin ibsa baaseen maqaa kilebichaa balleessuu keenyaaf dhiifama jedheera.

   Baarseloonaa waliin boru kan taphatu Riyaal Maadirid yoo mo'aman Baarseloonaan ija isaanii duratti shaampiyoona atahuu mirkaneessa.

6. Sa'aatii 2 duraLiiverpuul 1-1 Cheelsii- 45'

   Liiverpuul dirree isaa irratti Cheelsii keessummeessee galchii 1-0 osoo dursuu Cheelsiin galchii lakkoofsisuun wal qixxaatan.

   Rayan Giraavenbarg Liiverppuliif galchii lakkoofsise. Cheelsiif ammoo kubba Eenzoo Fernaandez fageenyarraa rukute Fofanaan itti bu'uun lakkoofsise.

   Liiverpuul hirmaannaa Shaampiyoonsi Liigii mirkaneeffachuuf taphicha mo'achuu barbaada.

7. Sa'aatii 2 duraBuruunoo Fernaandez taphataa cimaa Barreessitoota Kubba Miilaa tahuun filame

   Taphataan Maanchister Yuunaayitid Buruunoo Fernaandez erga bara 2020 kilebicha galee waancaa Piriimer Liigii ykn Shaampiyoonsi Liigii mo'achuutti dhiyaatee hin beeku.

   Garuu gahumsi isaa bara dorgommii hundayyuu gadi bu'ee hin beeku. Erik teen Haag jalatti waancaa FA fi Karabayoo Kaappii mo'ateera.

   Bara kana sadaffaan yoo xumuran sadarkaa gaarii erga inni kilbicha galee itti xumuranidha.

   Erga Siir Aleeksi Fergusan bara 2013 soorama bahanii as taphaa cimaa kilebichi mallatteesise jedhame.

   Fernaandez ji'a Onkoloolessaa keessa yeroo dubbate, ''waancaa baay'ee waan mo'ateef qofa taphataan tokko isa kaan hunda caala jedhee hin amanu. Taphataa badhaasa Ballon d'Or mo'ate yeroo hundaa taphattoota kaan hunda caalaa cimaadha jechuu miti'' jedhe.

   ''Waancaawan mo'achuu nan barbaada. Wantoota gaggaarii baay'ee kileba kana godheen yaadatamuun barbaada.Rikardii dhuunfaakoo osoo hin taane waancaa kileba kanaaf mo'achuun barbaada.''

   Bara kana Fernaandez rikardii galchii mijeessanii kennuu Heenerii fi Keevin De Biruuniin qabame qixxaachuuf tokko qofatu isa hafe.

   Dabalataan carraa taphataa cimaa bara kanaa tahee filamuu guddaa qaba.

   Fernaandez taphattoota akka Deklaan Raayis fa'a caaluun badhaasicha mo'ate.