Radio Cymru

Sgwrs gyda John Lewis o Henfynyw ger Aberaeron, Cadeirydd Grŵp Cardi Cranks am daith elusennol dau dractor clasurol - Siôn a Siân. Fe fydd y ddau dractor yn teithio o Gaernarfon i Gaerdydd er mwyn codi arian at Ymchwil Cancr Cymru - y ddau dractor yn mynd ar hyd llwybrau gwahanol. Hefyd, Lois Cernyw sy'n cyfarfod â Bob Williams, Fferm Fron Felen yn Henllan ger Dinbych, ar ôl iddo ennill gwobr go arbennig yn ddiweddar am ei waith gyda Defaid Cheviot Tiroedd y Gogledd. A gwobr arall i fyfyrwraig o Brifysgol Aberystwyth, gan fod Rhian Griffiths o Landdewi Brefi wedi ennill gwobr nodedig iawn gan Gymdeithas The Farmers' Club. Richard Davies sydd â'r newyddion diweddaraf o'r sector cynhyrchu llaeth, a Chyfarwyddwr Cenedlaethol Merched y Wawr, Tegwen Morris sy'n adolygu'r wasg wledig.