Use BBC.com or the new BBC App to listen to BBC podcasts, Radio 4 and the World Service outside the UK.

Find out how to listen to other BBC stations

Episode details

Radio Cymru,3 mins

Olion y Rhufeiniaid yn Nhrawscoed ger Aberystwyth

Iolo Williams - Sarn Helen

Available for over a year

Mae Iolo Williams yn parhau ar daith ryfeddol ar hyd un o lwybrau hynaf Cymru. Yr archeolegydd Rhys Mwyn sydd yn ei arwain ar hyd Sarn Helen, yr hen ffordd Rufeinig sy'n plethu drwy galon y wlad. Wedi dechrau'r daith yn Nyffryn Conwy, maent bellach wedi cyrraedd Trawscoed, ac yn parhau tuag at y De Orllewin. Dyma'r drydedd cyfres o Sarn Helen, ac mae'r rhaglenni sydd yn dilyn yn mynd a ni tua tref Caerfyrddin. Mae'r gyfres yn cyfuno hanes, natur a phobl mewn ffordd fywiog a difyr. Wrth gerdded drwy fynyddoedd, dyffrynnoedd a thirweddau eiconig Cymru, mae Iolo a Rhys yn cael cwmni amrywiaeth o westeion, gan gynnwys Dr Leona Huey archeolegydd a darlithydd ym Mhrifysgol Bangor sydd yn taflu goleuni newydd ar straeon y tir a'r cymunedau sydd wedi'u siapio ganddo dros y canrifoedd. Ar hyd y ffordd, mae Iolo'n rhannu'i wybodaeth a'i angerdd dros fyd natur. Ond yma mae'r criw yn crwydro ardal Trawscoed sydd i'r de o Aberystwyth, ac yn cael cwmni Dr Hywel Griffiths, Darllenydd mewn daearyddiaeth ffisegol ym Mhrifysgol Aberystwyth, ac Elen Trawscoed, sef Elen James , sydd yn Bennaeth Addysg Cyngor Ceredigion ac Elen Lewis sydd yn byw yn fferm Sarnau, ac mae Sarn Helen yn dod trwy eu tir nhw. Cawn glywed am ddefnydd y Rhufeiniaid o lechi Cymru.

Programme Website
More episodes