Sreath Am Balla agus Trì Sgeulachdan

Available for 28 days

Tha Ramsay MacMahon ag innse do Niall Iain na bhios ri fhaicinn anns an t-sreath telebhisein ùr Am Balla, a tha a’ tòiseachadh oidhche Chiadain air BBC ALBA. Tha Ramsay a’ siubhal gu diofar dhùthchannan gus rannsachadh a dhèanamh air mar a tha ballachan fiosaigeach, crìochan agus sgaraidhean a’ toirt buaidh air beatha choimhearsnachdan air feadh ceithir mòr-thìrean an t-saoghail. Agus ’s i Diorbhail Wentworth a tha air sùil a thoirt air naidheachdan an deireadh-sheachdain gus trì sgeulachdan a thaghadh a ghlac a h-aire.