Andy Burnham, ninka la filayo in uu badalo Keir Stamer oo loo dhaariyay xildhibaanimo

Raysal Wasaare Keir Stermer ayaa ka fiirsanayay mustaqbalkiisa siyaasadeed kadib guushii weyneyd ee Andy Burnham uu ka gaaray doorashooyinkii ku celiska ahaa ee dhacay todobaadkii la soo dhaafay

Kooban

Trump oo ka jawaabay qaraarka ay ansixiyeen Aqalka Senetka ee ka dhanka ah dagaalka Iiraan
Kim Jong Un oo sheegay inuu ciidankiisa badda ku qalabaynayo hub nukliyeer ah
Cumaan oo sheegtay inay fureyso marin ku meel gaar ah
Maraykanka: "Dalna looma ogola in uu lacag maris ka qaado marinka Hormus"

Tebin toos ah

23 Juunyo 2026War deg deg ah, Kylian Mbappe oo taariikh cajiib ah caawa dhigtay ciyaartii Faransiiska iyo Ciraaq u dhexeysay
Article Information
- - Author, Abdishukri Haybe
  - Role, BBC, Somali
Xigashada Sawirka, Getty Images
Kylian Mbappe ayaa dhaliyay labo gool si uu ula wadaago kaalinta labaad ee liiska ciyaartoyda ugu goolasha badan taariikhda Koobka Adduunka, iyadoo Faransiisku si fudud uga adkaaday Ciraaq kulan cimilo darteed dib u dhacay oo ka dhacay Philadelphia.
Mbappe ayaa goolal dhaliyay bilowgii labada qayboodba, taasoo ka dhigtay in tirada goolashiisa Koobka Adduunka ay gaadho 16 gool 16 kulan gudahood, isagoo laba gool oo keliya ka dambeeya Lionel Messi, kaas oo saacado ka hor jebiyay diiwaankii u xidhnaa Miroslav Klose.
Kulanka Faransiiska iyo Ciraaq ayaa noqday kii ugu horreeyay ee Koobkan Adduunka lagu hakiyo cimilo daran awgeed, iyadoo qaybta labaad la bilaabay wax ka badan laba saacadood kaddib dhammaadkii qaybtii hore sababo la xiriira jac ka dhacday aaggaas.
Roob xooggan oo maalintaas hore da’ay ayaa dib u dhigay gelitaanka taageerayaasha garoonka Philadelphia, inkastoo ciyaartu ay ku bilaabatay waqtigeedii.
Faransiiska ayaa si xooggan ku bilowday ciyaarta, waxaana cadaadiskoodii hore miro-dhal noqday daqiiqaddii 14-aad markii Mbappe uu kubbad lugta bidix ah si xooggan uga toogtay bannaanka diilinta ganaaxa, kuna hubsaday geeska fog ee goolka.
23 Juunyo 2026War deg deg ah, Trump: Qaar ka mid ah hantidii Iran ee la xannibay waa la sii daayay, waxaana lagu iibsan doonaa cunto.
Article Information
- - Author, Abdishukri Haybe
  - Role, BBC, Somali
Xigashada Sawirka, Getty Images
Madaxweynaha Mareykanka Donald Trump, isaga oo muujiyay inuu ku qanacsan yahay natiijadii wareegga koowaad ee wada-hadalladii Switzerland, ayaa ku dhawaaqay in la sii daayay qaar ka mid ah hantidii Iran ee la xannibay, wuxuuna yidhi:
“Xalay, qayb ka mid ah hantidii la xannibay waa la sii daayay, lacagtaasna waxaa loo isticmaali doonaa in cunto lagu iibsado. Cuntadan waxaa si gaar ah looga iibsan doonaa Mareykanka iyo beeraleyda Mareykanka.”
Madaxweynaha Mareykanka ayaa sheegay in Iran ay cunto ka iibsan doonto Mareykanka:
“Galleyda, digirta, iyo wax kasta oo ay u baahan yihiin, waxaa laga iibsanayaa beeraleydeenna. Sidaas darteed beeraleydeennu aad bay u faraxsan yihiin. Waxaan helay wicitaanno badan oo muujinaya inay arrintan aad ugu faraxsan yihiin.”
23 Juunyo 2026War deg deg ah, Trump oo markii ugu horeysay ka hadlay is-casilaada Keir Starmer
Article Information
- - Author, Abdishukri Haybe
  - Role, BBC, Somali
Xigashada Sawirka, Getty Images
Qoraalka sawirka, Trump iyo Keir Starmer
Madaxweynaha Mareykanka Donald Trump ayaa ku tilmaamay Keir Starmer inuu yahay “nin wanaagsan” iyo “nooc saaxiib” oo uu “leeyahay, balse wuxuu dhaliilay habkiisa ku aaddan tamarta, socdaalka iyo dambiyada.
Isagoo ka jawaabaya su’aal BBC ay ku weydiisay gudaha Xafiiska Oval Office, wuxuu ku celiyay dhaliilihiisa siyaasadda Xisbiga Labour-ka ee tamarta Badda Waqooyi, isagoo ku tilmaamay inay tahay “mid ka mid ah goobaha ugu waaweyn ee shidaalka ee adduunka”.
Wuxuu sidoo kale sheegay in Starmer uusan u oggolaan Mareykanka “in uu isticmaalo jasiiradda si uu u dego”, taas oo u muuqata tixraac ku saabsan diidmada hore ee dowladda UK ay ku diiday in diyaaradaha Mareykanka ay ka duulaan saldhigyada UK si ay u fuliyaan weerarro ka dhan ah Iran.
Trump wuxuu sheegay in go’aankaas “aad u dhaawacay, si aad u xun”, balse wuxuu sidoo kale yiri “waan u rajeynayaa wanaag.”
22 Juunyo 2026War deg deg ah, Iraan oo soo rogtay xanibaado duulimaadyada ah
Article Information
- - Author, Abdishukri Haybe
  - Role, BBC, Somali
Xigashada Sawirka, Getty Images
Hay’adda Duulista Rayidka ee Iran ayaa ku dhawaaqday in la joojin doono duullimaadyada maalmaha aaska Ali Khamenei.
Hay’addu waxay sheegtay in la soo rogay xannibaado duullimaad maalmaha aaska Ali Khamenei. Sida ay hay’addu sheegtay, ma jiri doonaan duulimaadyo rakaab oo ka dhacaya garoomada Mehrabad iyo Imam Khomeini maalinta 3-da Luulyo.
Sidoo kale, dhammaan duulimaadyada guud ee garoonka Mehrabad waa la mamnuuci doonaa laga bilaabo 12-ka ilaa 16-ka Luulyo 2025.
Xayiraaddan ayaa sidoo kale ka jiri doonta gobolka Qom 6-da iyo 7-da Luulyo, halka Mashhad ay saameyn doonto 7-da iyo 8-da Luulyo.
22 Juunyo 2026War deg deg ah, Xagee kala taaganyahiin Iiraan iyo Maraykanku haddeer?
Article Information
- - Author, Abdishukri Haybe
  - Role, BBC, Somali
Xigashada Sawirka, Getty Images
Qoraalka sawirka, J.D. Vance oo xiran jaakad madow iyo taay cas, kuna sugan saldhigga cirka ee Mareykanka ku leeyahay Switzerland.
Vance: Qaar ka mid ah wada-xaajoodayaasha Mareykanka iyo Iiraan ayaa ku sii nagaanaya Switzerland si ay u dhammeystiraan heshiiska
J.D. Vance oo xiran jaakad madow iyo xarig cas, kana muuqda saldhigga cirka ee Mareykanka ku leeyahay Switzerland. Sawirka: Getty Images
Madaxweyne ku xigeenka Mareykanka, JD Vance, oo jooga saldhigga cirka ee Mareykanka, kana soo laabtay Switzerland, ayaa mar kale sheegay in hub-kormeerayaal iyo kormeerayaal nukliyeer ah ay booqan doonaan Iiraan muddo dheer kaddib si loo hubiyo in Iiraan aysan helin hub nukliyeer ah.
Isagoo tixraacaya sida ay wada-hadallada Switzerland u ahaayeen kuwo aad u xooggan oo waxtar leh, ayuu sheegay in marin-biyoodka Hormuz uu furnaan doono, isla markaana la filayo in 15 milyan oo foosto oo saliid ah ay maalin kasta maraan marinkan.
Vance waxa kale oo uu carrabka ku adkeeyay in xubno ka tirsan kooxda wada-hadallada ee Mareykanka iyo Iiraan ay ku sii nagaan doonaan Switzerland si ay u dhammeystiraan heshiiska u dhexeeya labada dal.
Wuxuu sheegay in waxa Iiraan sameyso toddobaadyada soo socda ay nooga muhiimsan yihiin waxa ay sheegto.
22 Juunyo 2026Hugaamiyaasha caalamka oo ka falceliyay is-casilaadda ra'iisul wasaaraha Ingiriiska
Xigashada Sawirka, PA Media
Hogaamiyayaasha caalamka ayaa ka falceliayay iscasilaada Keir Starmer, oo uu ku jiro madaxweynaha Ukraine Volodymyr Zelensky, oo uga mahad celiyaya ra'iisul wasaaraha xilka ka degaya taageeradiisa iyo in uu "mar walba ku dadaalayay in la sameeyo waxa loo baahan yahay iyo waxa run ahaantii dadka caawin doona".
Raiisel wasaaraha Canada Mark Carney wuxuu yiri: "Dunidu waa ka amni badan tahay sidii hore, xulafaduna aad bay u midaysan yihiin, dadaalkiisa dartiis [Starmer]."
Madaxweynaha Faransiiska Emmanuel Macron ayaa uga mahadcelinaya "xoojinta xiriirka Franco-British, ka go'naashihiisa isbaheysiga mutadawiciinta ee Ukraine, iyo sidoo kale dib u soo nooleynta xiriirka ka dhexeeya Boqortooyada Ingiriiska iyo Midowga Yurub".
Hugaamiyaha Ireland, Micheál Martin ayaa yiri "Starmer wuxuu nagala shaqeeyay sidii aanu u dejin lahayn jiho cusub oo qoto dheer ee xiriirka Ireland iyo UK, si faa'iido u leh dhammaan muwaadiniinteena, waqooyi-koonfur iyo bari-galbeed".
22 Juunyo 2026Ninka la filayo in uu badalo Keir Stamer oo loo dhaariyay xildhibaanimo
Xigashada Sawirka, House of Commons
Andy Burnham ayaa la kulmay farxad aad u weyn oo ka timid kuraasta xisbiga Labour ka ee baarlamaanka markii uu soo galayay Aqalka Baarlamaanka ee dadku ku badan yihiin.
Waxaa loo dhaariyay xildhibaanimo, kadib dhaarinta xildhibaanka cusub ee SNP, Lara Bird iyo xildhibaanka cusub ee Konserfatifka, Douglas Lumsden.
Dhawr jeer ayuu madaxa hoos u dhigay markii uu qolka soo galayay, oo uu dhoola caddeeyey markii ay soo dhaweeyeen xildhibaanno taageersan.
Burnham ayaa hadal is-weydaarsi saaxiibtinimo la yeeshay Afhayeenka Aqalka Hoose Lindsay Hoyle maadaama uu si rasmi ah u noqday Xildhibaanka Makerfield.
Xigashada Sawirka, House of Commons
22 Juunyo 2026Ruushka ka falceliyay iscasilaadda ra'iisul wasaaraha Ingiriiska
Xigashada Sawirka, reu
Kremlin-ku kama xumaan doono ka tagitaanka Keir Starmer ee aqalka Downing Street.
"Keir Starmer ma uusan kala saarin gabi ahaanba xiriirka Ruushka iyo Ingiriiska," afhayeenka madaxweyne Putin Dmitry Peskov ayaa u sheegay wariyaha BBC Steve Rosenberg, imtii uu socday shirka maalinlaha ah ee Kremlin ee loogu talagalay suxufiyiinta.
"Wuxuu had iyo jeer ahaa mid usii wada xiriirkeena heerka ugu hooseeya...Ma xasuusanno wax xusid mudan oo ku saabsan shaqadiisa."
Laakiin mas'uuliyiinta Ruushka ayaan wax badan ka fileyn inay isbedelaan gudaha Ingiriiska, marka loo eego xiriirka ka dhexeeya Ruushka iyo Britain.
"Uma maleynayo in qof kasta oo ku sugan masraxa siyaasadda Ingiriiska uu mawqif ka duwan kii Keir Starmer ka yeelan doono xiriirkeena laba geesoodka ah," ayuu yiri Peskov.
Daabacaadda saaka ee wargeyska dawladda Ruushka, Rossiyskaya Gazeta, ayaa Andy Burnham ku sifeeyay "qof si joogto ah ugu taagan Ruushka, kaas oo ugu baaqaya reer Galbeedka inay qaataan mawqif adag oo ku saabsan Ruushka".
22 Juunyo 2026Jaajuuskii Mareykanka ahaa ee bixiyay sirta nuclear-ka. Ka akhri commentiga hoose
Xigashada Sawirka, Getty Images
Qoraalka sawirka, .
29-kii bishii Agoosto ee sanadkii 1949-kii, Ruushka wuxuu noqday "waddankii labaad ee heysta hubka nuclear-ka", xilligaas oo uu midowgii soviet qarxiyay bambadii ugu horreysay uu ku tijaabinayay hubkiisa nuclear-ka.
Tijaabadaas ayaa lama filaan ku noqotay waddamada reer galbeedka - sida ku xusan xog ay hayaan CIA-da Mareykanka.
Sababtoo ah, Khubarada Mareykanka waxay markaas u maleynayeen in Ruushka uusan awood u yeelan karin soo saarista nuclear-ka ilaa laga gaaro sanadka 1953-kii.
Balse arrinta la yaabka leh waxay ahayd in seynisyahan u dhashay Mareykanka, oo lagu magacaabi jiray Theodore Hall, uu ahaa qofkii xukuumadda Moscow ka caawiyay inay nuclear u sameysato si fudud, isagoo u gudbiyay macluumaad xasaasi ah.
Waa run in Theodore Hall uusan ahayn muwaadinka kaliya ee Mareykanka ee cadowga siiyay sirta hubka nuclear-ka, laakiin waxa sheekadiisa khaaska ka dhigaya waa in uu noqday qofka kaliya ee sidaas sameeyay haddana baxsaday.
Marka waxaan eegeynaa sida uu seynisyahanka ku dhashay magaalada New York ku noqday Jaajuuska.
Sii akhri
22 Juunyo 2026Wararkii ugu dambeeyay ee wareegga koowaad ee heshiiska Iiraan iyo Mareykanka
Xigashada Sawirka, Reuters
Qoraalka sawirka, .
Wareeggii ugu horreeyay ee wadahadallada u dhexeeyay Mareykanka iyo Iiraan si loo gaaro heshiis kama dambays ah oo lagu soo afjarayo dagaalka ayaa ku dhammaaday "dhiirigelin horumar ah", sida ay sheegeen dhexdhexaadiyeyaasha Qatar iyo Pakistan.
Bayaan wadajir ah oo ay soo saareen horraantii Isniintii, Qatar iyo Pakistan waxay ku sheegeen in "Guddi heer sare ah" ay ku heshiiyeen "qorshe lagu gaarayo heshiis kama dambays ah 60 maalmood gudahood".
Wasiirka arrimaha dibadda ee Iiraan Seyed Abbas Araghchi, ayaa sheegay in horumar weyn laga sameeyay sidii loo soo afjari lahaa colaadda Lubnaan.
Heshiiska is-afgaradka ee la saxiixay toddobaadkii hore waxaa ka mid ah ballanqaad lagu joojinayo dagaalka "dhammaan dhinacyada" - oo ay ku jirto Lubnaan - iyo dib u furista Marinka Hormuz.
"Dhexdhexaadinta Pakistan iyo Qatar waxay keentay horumar weyn oo lagu soo afjarayo Dagaalkii Lubnaan," Araghchi ayaa ku yiri qoraal uu soo dhigay baraha bulshada.
Warbaahinada Iiraan ayaa sheegay in wadahadallada hormuudka ka ah Iiraan ay hadda ka baxeen Switzerland, halkaas oo wadahadalladu ay ka bilaabmeen Axaddii, iyadoo wadahadallada farsamo ee u dhexeeya dhinacyadu ay sii socon doonaan.
Waxaad sidoo kale akrisan kartaa:
Wareegii koobaad ee Iran iyo Maraykanka maxuu kusoo idlaaday?
Sidee hadallada adag ee Trump iyo Netanyahu u saameyn doonaa mustaqbalka Mareykanka iyo Israa'iil?
Xayeysiin
Iran oo markale ku dhawaaqdy in ay xirtay marinka Hormuz iyada oo ka jawaabaysa 'xadgudub'
22 Juunyo 2026Taariikhda aabbihii dhidibada u aasay Somaliland.
Xigashada Sawirka, Getty Images
Qoraalka sawirka, .
Muddo 20 sano ah ayaa laga joogaa maanta markii uu geeriyooday Maxamed Xaaji Ibraahin Cigaal oo ahaa madaxweynihii Jamhuuriyadda iskeed ugu dhawaaqday madaxbanaannida ee Somaliland (1993-2002) iyo Ra'isulwasaarihii Soomaaliya (1967-1969).
Wuxuu ku geeriyooday dalka Koonfur Afrika 3 bishii May 2002-dii isaga oo ah 73 sano jir, wuxuu kaalin weyn oo hoggaamineed ku lahaa siyaasada bulshada Soomaaliyeed muddo dhan qarni barkii.
Waxa uu ku dhashay degmada Oodweyne 1929, isaga oo wax ku bartay dugsigii magaca weynaa ee Sheekh, markii dambena waxbarasho u tegay dalka Ingiriiska.
Waxa uu markuu hanaqaaday ka mid noqday dadkii horseedka u ahaa halgankii gumaysigii Ingiriiska dalka lagaga xoreynayey isaga oo xoghaye guud ka noqday Xisbigii SNL ee dhaliyey gobannimada gobollada Waqooyi.
Maxamed Xaaji Ibraahin Cigaal, yaraan ayuu ku dhashay dareenka siyasadda, sida uu ii sheegay Korneyl Suleymaan Cumar-ku-joog. Isaga oo tilmaan ka bixinaya qofnimada Maxamed Xaaji Ibraahim Cigaal waxa uu yidhi: "Siyaasadda ayaa maskaxda kaga jirtay, aabbihiina ganacsiga."
Yuusuf Xaaji Aadan oo ka mid ahaa macallimiintii ugu horreeyey Somaliland waxa uu sheegay in uu Cigaal ka mid yahay laba ardaydiisa ah oo rumeeyay riyooyinkoodii. "Markay iskuulka ku jireen arday walba waxanu waydiin jirnay 'maxaa doonaysaa inaad noqoto'? laba nin baa waxay odhan jireen rumeeyey, Xasan-kayd oo odhan jiray millateri baan rabaa in aan noqdo iyo Cigaal oo odhan jiray waxan doonayaa inaan siyaasi noqdo.
Sii akhri
22 Juunyo 2026War deg deg ah, Degdeg: Raysal wasaaraha UK oo is casilay
Xigashada Sawirka, PA Media
Raysal wasaaraha UK Keir Starmer ayaa sheegay inuu iska casilayo xilka raysal wasaarenimada.
Waxaa kale oo uu sheegay inuu iska casilayo xilka hoggaanka Xisbiga Shaqaalaha.
Ra'iisul wasaaraha ayaa cadaadis badan saarnaa tan iyo markii Andy Burnham uu ku guuleystay doorashadii ku celiska ahayd ee Makerfield todobaadkii hore.
Haddii UK ay hesho ra'iisul wasaare cusub - oo ah kii shanaad muddo afar sano ah - waxaa la magacaabi doonaa gole wasiirro oo cusub waxaana la dejin doonaa barnaamij siyaasadeed oo cusub.
Sidoo kale akhri
Raysal wasaaraha Ingiriiska oo ku dhawaaqay hadal niyad jab ku ah dadka tahriibayaasha
Waa kuma Sir Keir Starmer, ninka noqoya Ra'iisul Wasaarah cusub ee UK
Ingiriiska oo aqoonsanaya Falastiin iyo dalal Islaam ah oo doonaya inay Xamaas hubka dhigto
22 Juunyo 2026Waxa kala qabsaday dagaalyahankii CIA-da iyo injineerkii al-shabaab
Xigashada Sawirka, AFP
Qoraalka sawirka, .
Bishii November ee sanadkii 2020-kii gawaari kolonyo ah oo ay leedahay hay'adda sirdoonka Mareykanka ee C.I.A ayaa xilli habeennimo ah u baxay si ay usoo fuliyaan howlgal khaas ah oo lagu bartilmaameedsanayay mid ka mid ah hoggaamiyeyaasha sar sare ee Al-Shabaab, balse sidii uu qorshuhu ahaa wax uma dhicin, sida lagu sharraxay maqaal uu qoray wargeyska New York Times.
Kolonyada oo ka baxay Muqdisho ayaa sii maray waddo xeebta barbar socota oo dhanka koonfureed ah, taasoo geyneysa dhulka ay gacanta ku hayaan xoogagga al-shabaab, oo sida uu wargeyskan xusay ka mid ah ururrada mintidiinta ee ugu halista badan qaaradda Afrika.
Tuulo badda dhinaceeda ah ayay gawaarida ku hakadeen, halkaasoo ay uga dageen ciidamada Mareykanka iyo kuwa Soomaalida ee iskaashanayay, waxayna durbadiiba weerar gaadmo ah ku qaadeen guri ay ku dileen dhowr xubnood oo mintidiinta ka mid ah, sida ay sheegeen saraakiil Soomaali ah.
Laakiin hal nin ayaa ka baxsaday goobtaas wuxuuna islamarkiiba soo laabtay isagoo si xowli ah u kaxeynaya gaari laga buuxiyay walxaha qarxa oo loogu talogalay ismiidaamin, wuuna qarxiyay.
Qaraxaas waxaa ku dhintay saddex Soomaali ah, askari Mareykan ahna dhaawac culus ayaa kasoo gaaray. Wuxuu ahaa Michael Goodboe, oo 54 jir ahaa, ka tirsanaa saraakiisha tababarka khaaska ah leh ee C.I.A-da, horayna ugasoo mid ahaan jiray ciidamada isugu jira kuwa cirka, badda iyo dhulka ee Mareykanka.
Waxaa diyaarad loogu qaaday isbitaal ay militariga Mareykanka ku leeyihiin Jarmalka, balse 17 maalmood kaddib ayuu u geeriyooday dhaawicii.
Geerida Mr. Goodboe waxay ahayd mid ka mid ah kuwa dhifka ah ee Mareykanka Mareykanka kasoo gaara dagaalka dadban ee ay tobanka sano kula jiraan al-shabaab.
Sii akhri
22 Juunyo 2026War weyn oo maanta laga filayo Ingiriiska
Xigashada Sawirka, Reuters
Qoraalka sawirka, .
Waxaa maanta dhagta loo taagaya dalka Ingiriiska, halkaas oo la filayo inuu ka soo baxo war weyn, iyadoo sidoo kale ay arrintan si weyn u filayaan mas'uuliyiinta sarsare ee dowladda dalkaas.
Raysal Wasaaraha hadda xilka haya, Keir Stermer ayaa waxaa dhici karta inuu ku dhawaaqo qorshihiisa iscasiladda xilka raysal wasaarenimo.
Starmer ayaa laga yaabaa inuu ku dhawaaqo jadwalka ka bixitaankiisa Downing Street subaxnimada Isniniinta maanta ah.
Ra'iisul wasaaraha ayaa cadaadis badan saarnaa tan iyo markii Andy Burnham uu ku guuleystay doorashadii ku celiska ahayd ee Makerfield todobaadkii hore.
Haddii UK ay hesho ra'iisul wasaare cusub - oo ah kii shanaad muddo afar sano ah - waxaa la magacaabi doonaa gole wasiirro oo cusub waxaana la dejin doonaa barnaamij siyaasadeed oo cusub.
Xisbiyada mucaaradka waxay u badan tahay inay su'aal ka keenaan in qofka beddelaya Starmer uu mudan yahay xilka amaba u qalmo.
Iyadoo wargeyska Daily Telegraphuu sheegay in ninka loo badinayo inuu xilka la wareego, Burnham uu qorsheynayo inuu noqdo ra'iisul wasaare bisha Sebtembar, haddanaIndependent waxay soo xiganeysaa madaxweynaha Mareykanka Donald Trump oo yiri Ra'iisul Wasaaraha "wuu iscasili doonaa".
Ra'iisul wasaaraha ayaa saaka ku sugan xafiiskiisa Downing Street, isagoo ka soo laabtay fasaxiisa dhamaadka toddobaadka ee uu ku qaatay Chequers, oo uu ku nool yahay.
Sidoo kale akhri
Raysal wasaaraha Ingiriiska oo ku dhawaaqay hadal niyad jab ku ah dadka tahriibayaasha
Waa kuma Sir Keir Starmer, ninka noqoya Ra'iisul Wasaarah cusub ee UK
Ingiriiska oo aqoonsanaya Falastiin iyo dalal Islaam ah oo doonaya inay Xamaas hubka dhigto
22 Juunyo 2026Quraacda ma ka muhiimsan tahay qadada?
Xigashada Sawirka, Getty Images
Qoraalka sawirka, .
Dhammaanteen waxaan maqalnaa talada ah cunnitaanka quraac wanaagsan subaxdii ay faa'iido inoo leedahay inta aynu ku guda jirno maalintii, laakiin taasi micnaheedu miyay tahay cuntadan xaqiiqdii inay inaga dhigto kuwo caafimaad qaba oo diyaarsan, ama si kale ayay ula xiriirtaa?
Waxaa jira oraahyo qadiimi ah oo tilmaamaya sida "Kaarootadu waxa ay hagaajisaa aragtida indhaha" iyo "Santa Claus uma keeno haddiyado carruurta aan dhaqanka wanaagsanayn,''
''Quraacdu waa waxa ugu muhiimsan cunatada maalintii'' waa oraahyada liiska kalmadaha waalidka'' waana mid kamid ah kuwa loogu soo celcelin badan yahay. Qayb badan oo inaga mid ah ayaa ku soo koray iyaga oo aaminsan ka booditaanka quraacda ay tahay khalad daran oo nafaqada, weli waxaa kala duwan tirada dadka xaqiiq ahaan wakhti ugu helay waxaana meelba meesha kale tahay mid kaga duwan.
Saddex meelood dadka Maraykanka ayaa quraacda u cuna si joogta ah, halka 94% oo dad qaan gaar ah iyo 77 oo kureey ah oo ku dhaqan Ingiriiska ay si joogta u sameeyaan. Daraasad lagu sameeyay Switzerland ayaa muujinaysa in kali ah saddex meelood labo meel oo dad waaweyn ah ay si joogta ah u cunaan cuntadan.
Sii akhri
22 Juunyo 2026Hogaamiyaha Xisbullah: Suurtagal ma ahan in ciidamada Israa'iil ay sii joogaan Lubnaan
Xigashada Sawirka, Social
Qoraalka sawirka, .
Hogaamiyaha kooxda Xisbullah, Naim Qassem, ayaa ka jawaabay hadalladii Ra'iisul Wasaaraha Israa'iil Axaddii ee ku saabsanaa, in ciidamada Israa'iil ay sii joogaan aagga amniga ee koonfurta Lubnaan, isagoo yiri:
"Suuragal ma ahan in ciidamada Israa'iil ay sii joogaan Lubnaan."
Wuxuu sidoo kale intaa raaciyay:
"Ma jirto aag amni oo Israa'iil leedahay. Waxaan leenahay ciidan qaran oo mas'uul ka ah ilaalinta dalka, waana la shaqeyneynaa."
Hoggaamiyaha Xisbullah ayaa khudbad uu si toos ah uga jeediyay telefishinka ku sheegay, in Israa'iil ay tahay "dal cadow ah" isla markaana ay "khasab tahay inay ka baxdo Lubnaan."
Sidoo kale wuxuu ku eedeeyay Mareykanka joogitaanka sii socda ee ciidamada Israa'iil ee Lubnaan, isagoo sheegay in Mareykanka uu mas'uul ka yahay sii socoshada xaaladdan.
Dhaka kale, wareeggii koowaad ee wadaxaajoodyada u dhexeeyay Maraykanka iyo Iiraan ee lagu doonayay in lagu gaaro heshiis kama dambays ah oo lagu soo afjaro dagaalka ayaa lagu soo gabagabeeyey "horumar dhiirrigelin leh", sida ay sheegeen dhexdhexaadiyeyaasha Qatar iyo Pakistan.
Wadahadalladu waxay ka bilaabmeen Axaddii dalka Iswiiserlaand, kaddib heshiiskii hordhaca ahaa ee labada dal ay gaareen toddobaadkii hore.
Waxaad sidoo kale akrisan kartaa:
Wareegii koobaad ee Iran iyo Maraykanka maxuu kusoo idlaaday?
Sidee hadallada adag ee Trump iyo Netanyahu u saameyn doonaa mustaqbalka Mareykanka iyo Israa'iil?
Xayeysiin
Iran oo markale ku dhawaaqdy in ay xirtay marinka Hormuz iyada oo ka jawaabaysa 'xadgudub'
22 Juunyo 2026Labaatan iyo shan dal oo qofka baasaboor Soomaaliga wata uu Visa ku qaadanayo garoonkooda
Wixii ka dambeeyay markii uu bishan January horaanteedii soo baxay liiska kala sarreynta baasaboorrada caalamka, waxay u muuqataa in ay sii badanayaan tirada dalalka soo dhaweynaya baasaboorka Soomaaliya, sida ay shaaciyeen hay’ado kala duwan oo u guul gala qiimeynta aqoonsiyada dal-ku-gal-ka.
Hay’adaha Reach Immigration iyo Passport Index ayaa soo saaray liis ay isku waafaqsan yihiin oo ah ku sheegeen dalalka u fasaxaya qofka heysta baasaboorka Soomaaliya in uu kasoo dago garoonkooda.
Waddamadaas oo gaaraya ilaa 25 ayaa qofka aqoonsiga Soomaaliya wata ka doonaya in uu visaha ama dal-ku-gal-ka ku qaato garoonka, marka uu diyaaradda kasoo dago ka dib.
Dalalkan ayaa ka duwan kuwa ay Soomaalidu ku aadi karaan visa la’aanta ama aan wax oggolaansho ah looga baahneyn marka ay gudaha u galayaan.
Liiska waddamada uu qofka aqoonsiga Soomaaliya ku safraya ka dagi karo garoonkooda diyaaradaha si uu uga dalbado visa waxaa uu u dhigan yahay sidan:
Halkan ka sii akhri
22 Juunyo 2026War deg deg ah, Iraan oo dirtay hanjabaad ku wajahan joogitaanka ciidanka Israa’iil ee koonfurta Lubnaan
Xigashada Sawirka, Getty Images
Qoraalka sawirka, Esmail Qaani
Esmail Qaani, oo ah taliyaha Ciidanka Quds ee Ilaalada Kacaanka Islaamiga ah ee Iiraan (IRGC), ayaa jeediyay hadallo hanjabaad ah oo uu ugu digayo ciidanka Israa’iil in ay filan karaan khasaare intaas ka badan haddii aysan ka bixin koonfurta Lubnaan.
Hadalladan waxaa fiidkii Axadda baahisay Sepah News, oo ah warbaahinta rasmiga ah ee Ilaalada Kacaanka, iyada oo soo xiganaysa Qaani oo yiri:
“Askarta gardarrada iyo argagixisada Sahyuuniyadda ahow, waxaad la kulanteen 100 khasaare wax ka yar 4 maalmood gudahood!!! Haddii aydnaan cagihiinna uga bixin koonfurta Lubnaan, waxaa mar kale soo noqon doona halgankii weynaa ee sanadkii 2000; isla sanadkii aad si ceeb ah uga cararteen dhulkan.”
Isku dhacyada sii socda ee koonfurta Lubnaan iyo ku adkaysiga dowladda Israa’iil ee ah inay sii joogto aagga xayndaabka ah iyo gudaha dhulka Lubnaan ayaa toddobaadkii la soo dhaafay noqday qodobka ugu weyn ee lagu kala aragti duwan yahay wadaxaajoodyada iyo isfahamka u dhexeeya Iiraan iyo Mareykanka.
22 Juunyo 2026War deg deg ah, Iran iyo Belgium waxay oo ku kala baxay barbaro gool la’aan ah
Xigashada Sawirka, Getty Images
Mehdi Taremi ayaa Iran u dhaliyay gool laga diiday oo offside ah, dhanka kalena ciyaaryahan Beljan ah ayaa laga saaray ciyaarta (casaan la siiyay), waxaa ciyaarta ugu wanaagsanaa goolhayeyaasha Alireza Beiranvand iyo Thibaut Courtois.
Amir Qalehnoui ayaa ciyaartii labaad ee xulka qaranka Iran ee Koobka Adduunka ku bilaabay safkan: Alireza Beiranvand, Saleh Hardani, Mohammad Hossein Kananizadegan, Shoja Khalilzadeh, Ali Nemati, Saeed Ezzatollahi, Ehsan Hajsafi, Ramin Rezaian, Saman Ghoddos, Mohammad Mohebi iyo Mehdi Taremi.
Sidaas darteed, Iran waxay ciyaarta ku gashay saddex isbeddel marka loo barbardhigo ciyaartii New Zealand, iyadoo Saleh Hardani, Ehsan Hajsafi, iyo Hossein Kanani ay beddeleen Aria Yousefi, Shahriar Moghanloo, iyo Milad Mohammadi.
Dhacdadii ugu weyneyd ee daqiiqadihii hore ee ciyaarta waxay ahayd isku dhaca Romelu Lukaku iyo Alireza Beiranvand, taas oo keentay in weeraryahanka Belgian-ka uu helo kaarka jaalaha ah. Isku dhacaas wuxuu xusuusiyay taageerayaasha Iran xusuus murugo leh oo ka timid Koobkii Adduunka ee hore, markii Beiranvand uu dhaawac ka soo gaaray ciyaartii England oo uu khasab ku baxay goolhayihii koowaad ee Iran. Laakiin markan, dhaawaca Beiranvand ma ahayn mid culus, wuuna sii waday ciyaarta.
Iran waxay gool ka dhalisay Belgium daqiiqaddii 25aad iyadoo Mehdi Taremi uu ku dhaliyay laad xor ah oo si wanaagsan loo habeeyay, laakiin goolkaas waxaa lagu diiday offside kaddib markii VAR dib loo eegay.
21 Juunyo 2026War deg deg ah, Qarax ka dhacay xarunta gaaska Ras Laffan ee Qatar
Article Information
- - Author, Abdishukri Haybe
  - Role, BBC, Somali
Xigashada Sawirka, Getty Images
Qoraalka sawirka, Ras Laffan
Qarax ayaa ka dhacay Axaddii warshad ku taalla aagga Ras Laffan, oo ah halka ay ku taallo xarunta ugu weyn ee dalka ee lagu farsameeyo gaaska dabiiciga ee dareeraha ah (LNG), balse ma jirin wax dhaawacyo ah ama daadasho gaas ah, sida ay Reuters soo werisay, iyadoo soo xiganaysa Wasaaradda Arrimaha Gudaha ee Qatar.
Horaantii, qof goobjooge ah ayaa u sheegay Reuters in qarax aad u weyn laga maqlay Doha, caasimadda Qatar. Faahfaahinta iyo sababta qaraxa weli lama shaacin.