TOOS , Codbixiyeyaasha Mareykanka oo u dareeray doorashada dhexe ee go'aamin doonta inta ka dhiman muddada xileedka Trump

Tebin toos ah

1. 19 Daqiiqadood ka horBaqaei: Heshiis lama gaari karo haddii aan la ballanqaadin joojinta dagaalka dhammaan furimaha

   Afhayeenka Wasaaradda Arrimaha Dibadda Iran, Ismail Baghaei, ayaa sheegay in joojinta dagaalka dhammaan furimaha jihooyiinka kala duwan, oo ay jirto Lubnaan, ay tahay qodob muhiim ah oo ka mid ah heshiiska lala doonayo Mareykanka.

   Baghaei ayaa hadalkan u sheegay wariyeyaasha, isagoo ka qeybgalayay shir loogu magac daray “Baaq Baraarug Qaran: Laga bilaabo Iran ilaa Falastiin”.

   Markii wax laga weydiiyay halka ay marayaan wada-hadallada ay la leeyihiin dhexdhexaadiyeyaasha Qatar iyo is-weydaarsiga farriimaha Mareykanka, ma uusan bixin jawaab cad, balse wuxuu yiri:

   “Dalabaadkayagu waa cad yihiin. Ilaa laga fuliyo dalabaadkeenna oo gebi ahaanba sharci ah oo macquul ah, kama hadli karno dib u soo celinta amniga gobolka, Suurtagal ma aha in is-afgarad la gaaro haddii aan ballanqaad laga helin in dagaalka laga joojinayo dhammaan furimaha, oo uu ku jiro Lubnaan.

   “Sida ku cad qodobka koowaad ee is-afgaradkii Islamabad, kaas oo Mareykanku nasiib darro jebiyay, joojinta dagaalka dhammaan furimaha, oo ay ku jirto Lubnaan, waxay noqon doontaa mid ka mid ah qodobbada ugu muhiimsan ee geeddi-socod kasta oo diblomaasiyadeed.”

   Dhanka kale, saacad ka hor, Mohsen Rezaei oo ah xoghayaha Golaha Sare ee Amniga Qaranka Iran ayaa bartiisa X ku qoray in jawaabta Mareykanka ee xuquuqda iyo dalabaadka Iran aysan ahayn mid lagu qanci karo.

   Wuxuu sheegay in Mareykanku uu si buuxda oo cad uga jawaabo toddobada shuruudood ee Iran, isla markaana uu fuliyo, isagoo intaas ku daray in markaas oo keliya dib loo furi doono Marinka Hormuz.

   Warar kale oo dheeraad ah

   Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

   Qoys ka kooban 5 qof oo sababsaday bahal laga helo inta badan guryaha Soomaalida

   Mareykanka oo weerar geystay ka hor doorashooyinka xiliga dhexe

   Filin: Waa maxay sababta uu khatar u yahay gantaalkan cusub ee Ruushka?

2. 56 Daqiiqadood ka horDadka Iran oo doorashada maanta ku eegaya rajo iyo walaac

   

   Xigashada Sawirka, Getty Images

   Iyadoo dadka Mareykanka ay ka doodayaan sida dagaalka Iran uu u saameyn karo natiijada doorashada dhexe, dadka Iran ayaa doorashada u eegaya sabab kale: in natiijadeedu ay dagaal kale soo dhoweyn karto ama ay fursad u abuuri karto diblomaasiyadda.

   Hase yeeshee, dadka Iran isku aragti kama aha natiijada ay doonayaan.

   Dad badan ayaa ka cabsi qaba in dagaalku dib u qarxo, kaddib bilo ay jireen colaado, dhibaatooyin dhaqaale iyo hubanti la'aan.

   Dadka kale, gaar ahaan kuwa ka soo horjeeda Jamhuuriyadda Islaamiga ah, ayaa u arka in sii socoshada cadaadiska milatari ee Mareykanka ay suuragal tahay inay horseeddo isbeddel dowladeed.

   Qaar ayaa ka walaacsan in haddii xisbiga Dimuqraadiga uu la wareego gacan ku haynta Kongareeska, ay taasi xaddidi karto awoodda Madaxweyne Trump, yareyn karto cadaadiska lagu hayo Tehran, isla markaana ay hoos u dhigi karto rajada laga qabo isbeddel siyaasadeed.

   Qaar kale ayaa rajeynaya in guulaha Dimuqraadiyiinta ay xakameyn karaan tallaabooyin milatari oo dheeraad ah, inkastoo awoodda Kongareeska ee ka hortagga tallaabooyinkaas ay xaddidan tahay.

   Waxaa sidoo kale jira dad reer Iran ah oo ka soo horjeeda labadaba Jamhuuriyadda Islaamiga ah iyo faragelinta shisheeye.

   Warar kale oo dheeraad ah

   Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

   Qoys ka kooban 5 qof oo sababsaday bahal laga helo inta badan guryaha Soomaalida

   Mareykanka oo weerar geystay ka hor doorashooyinka xiliga dhexe

   Filin: Waa maxay sababta uu khatar u yahay gantaalkan cusub ee Ruushka?

3. Saacad ka horTrump oo shaaciyay goorta la soo afjari doono taageerada dhaqaale uu Mareykanka siiyo Israa'iil

   

   Xigashada Sawirka, AFP via Getty Images

   Wareysi uu khadka taleefanka ku siiyay telefishinka Fox News, Donald Trump ayaa xaqiijiyay weerarkii Mareykanka uu xalay ku qaaday jasiiradda Qeshm ee dalka Iran.

   Warbaahinta Mareykanka ayaa saraakiil milatari soo xiganaysay sheegtay in taliska ciidamada Mareykanka ee CENTCOM uu weeraray goobo ku yaalla jasiiradda Qeshm, kaddib markii rasaas lagu furay diyaarad dagaal oo Mareykan ah.

   Trump ayaa weerarka ka hadlay isagoo yiri: “Waxay dhiseen xarun difaaca cirka ah. Dhismaheedu wuxuu qaatay ku dhowaad laba bilood. Waxaan la soconnay intii ay dhisayeen. Isla markii la dhammeeyay ayaan bartilmaameedsannay.”

   Madaxweynaha Mareykanka ayaa sidoo kale ku celiyay hanjabaaddiisa ku aaddan suurtagalnimada weerarro milatari oo cusub oo ka dhan ah Iran. Wuxuu yiri: “Ma doonayo inaan dad badan dilo, balse haddii ay qasab noqoto, waan sameyn doonnaa.”

   Qeyb kale oo wareysiga ka mid ah, Donald Trump ayaa ku dhawaaqay in Mareykanku uu dhammaadka sanadkan joojin doono kaalmada milatari ee uu siiyo Israel.

   Trump ayaa Fox News u sheegay in Mareykanku uu joojin doono kaalmada sannadlaha ah ee ku dhow afar bilyan oo doollar ee uu siiyo Israel.

   Waxaa uu farta ku fiiqay in ra'iisul wasaaraha Israel, Benjamin Netanyahu, uu ku raacay go'aankaas ah in lacagta la joojiyo.

   Warar kale oo dheeraad ah

   Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

   Qoys ka kooban 5 qof oo sababsaday bahal laga helo inta badan guryaha Soomaalida

   Mareykanka oo weerar geystay ka hor doorashooyinka xiliga dhexe

   Filin: Waa maxay sababta uu khatar u yahay gantaalkan cusub ee Ruushka?

4. Saacad ka horShiinaha oo ergooyin gaar ah u diraya Itoobiya, Eritrea iyo Masar

   

   Xigashada Sawirka, Getty Images

   Shiinaha ayaa saddex ergay oo gaar ah u diraya dalal kala duwan, si ay u xoojiyaan wada-hadalka, una dejiyaan xiisadaha ka taagan gobolka.

   Afhayeenka Wasaaradda Arrimaha Dibadda Shiinaha, Mao Ning, ayaa wariyeyaasha u sheegtay Axaddii in ergayga gaarka ah ee dowladda Shiinaha u qaabilsan arrimaha Afrika, Low Xianfa, uu booqan doono Itoobiya, Jabuuti iyo Masar.

   Sidoo kale, Hu Changchun oo ah ergayga gaarka ah ee Shiinaha u qaabilsan Geeska Afrika ayaa booqan doona Eritrea.

   Booqashooyinkan ayaa ku soo beegmaya xilli ay sii kordhayaan xiisadaha u dhexeeya Itoobiya iyo Eritrea.

   Itoobiya ayaa sidoo kale Masar ku eedeysay inay ku lug leedahay colaadda ka taagan waqooyiga dalkaas, eedeyntaasi oo ay Masar beenisay.

   Afhayeenka ayaa sheegtay in ujeeddada booqashooyinka diblomaasiyiintu ay tahay inay door wax ku ool ah ka qaataan sugidda amniga iyo xasilloonida gobolka.

   Dhanka kale, ergayga gaarka ah ee Shiinaha u qaabilsan Bariga Dhexe, Zai Jun, ayaa booqan doona Iran, Cumaan iyo Sacuudi Carabiya, si uu wadahadallo ula yeesho dhinacyada, ugana qeyb qaato dejinta xiisadaha.

   Warbaahinta Shiinaha ayaa sheegtay in safarrada diblomaasiyiinta la qorsheeyay horraanta iyo bartamaha bisha March.

   Warar kale oo dheeraad ah

   Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

   Qoys ka kooban 5 qof oo sababsaday bahal laga helo inta badan guryaha Soomaalida

   Mareykanka oo weerar geystay ka hor doorashooyinka xiliga dhexe

   Filin: Waa maxay sababta uu khatar u yahay gantaalkan cusub ee Ruushka?

5. 3 Saacadood ka horWeeraryahanka Tenerife De Miguel oo geeriyooday kaddib isku dhac garoonka dhexdiisa ah

   

   Xigashada Sawirka, Alamy

   Ciyaaryahanka weerarka uga ciyaara kooxda Tenerife, Jesus de Miguel, ayaa geeriyooday kaddib dhaawac culus oo uu soo gaaray intii uu socday kulan ka tirsan horyaalka heerka labaad ee Spain. Wuxuu jiray 30 sano.

   De Miguel ayaa dhaawacyo ka soo gaaray madaxa iyo laabta intii uu socday kulankii ay Isniintii la ciyaarayeen kooxda FC Andorra, kaddib markii ay isku dhaceen goolhayaha Jesus Owono. Goolhayaha ayaa kaarka cas loo taagay kadib qaladkii uu sameeyay.

   Xaaladda De Miguel ayaa Isniintii lagu tilmaamay mid deggan balse halis ah. Hase yeeshee, caafimaadkiisa ayaa sii xumaaday subaxnimadii Talaadada, wuxuuna geeriyooday saacado ka dib.

   Bayaan ay soo saartay kooxda CD Tenerife ayaa lagu yiri: “Annagoo qalbi-jab ku jira, murugadana aan l hadli la'nahay isla markaana aan weli rumaysan karin waxa dhacay, kooxda CD Tenerife waxay ku dhawaaqaysaa geerida naxdinta leh ee Jesus de Miguel Alameda.”

   Bayaanka ayaa intaas ku daray: “Ma jiraan erayo lagu qalbi qaboojin karo, mana jirto wax yareyn kara murugadan baaxadda leh. Waxaan garab taagan nahay qoyskiisa murugaysan, ehelkiisa iyo dhammaan dadka Tenerife ee maanta ka tiiraanyaysan geeridan naxdinta leh.”

   Warar kale oo dheeraad ah

   Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

   Qoys ka kooban 5 qof oo sababsaday bahal laga helo inta badan guryaha Soomaalida

   Mareykanka oo weerar geystay ka hor doorashooyinka xiliga dhexe

   Filin: Waa maxay sababta uu khatar u yahay gantaalkan cusub ee Ruushka?

6. 3 Saacadood ka horQatar oo filaysa in Mareykanka iyo Iran ay 36 saacadood gudahood ku dhawaaqaan soo jeedimo cusub

   Waxaan hore u soo sheegnay, annagoo soo xiganayna afhayeenka Wasaaradda Arrimaha Dibadda Qatar, Majed Ansari, in dalkiisu weli rajo ka qabo in heshiis dhexmaro Mareykanka iyo Iran, isla markaana uu fududeynayo is-weydaarsiga soo jeedimaha u dhexeeya Tehran iyo Washington.

   Hadda, wakaaladda wararka ee Reuters ayaa ilo xog-ogaal ah ka soo xigatay in dhexdhexaadiyeyaasha Qatar ay filayaan in Mareykanka iyo Iran ay 36-ka saacadood ee soo socda ku dhawaaqaan jawaabahooda ku saabsan sii wadista wada-hadallada.

   Warbixinta ayaa sheegaysa in la filayo in la soo bandhigo soo jeedin cusub oo horseedi karta horumar laga gaaro wada-xaajoodyada.

   Iran ayaa sheegtay inay diyaar u tahay inay heshiis gaarto, iyadoo soo bandhigaysa “soo jeedin macquul ah”, balse ay sidoo kale isu diyaarinayso suurtagalnimada dagaal milatari.

   Madaxweyne ku-xigeenka Mareykanka, JD Vance, ayaa shalay sheegay inuu aaminsan yahay in wada-hadallada dadban ee Iran lala yeeshay ay sameeyeen “horumar”, kaas oo horseedi kara wareeg cusub oo wada-xaajoodyo ah.

   Warar kale oo dheeraad ah

   Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

   Qoys ka kooban 5 qof oo sababsaday bahal laga helo inta badan guryaha Soomaalida

   Mareykanka oo weerar geystay ka hor doorashooyinka xiliga dhexe

   Filin: Waa maxay sababta uu khatar u yahay gantaalkan cusub ee Ruushka?

7. 4 Saacadood ka horUganda oo darajadii ciidanka ka xayuubisay xabsigana dhigtay taliye ku-xigeenkii hore ee milatariga

   

   Xigashada Sawirka, Chris Magezi/X

   Dowladda Uganda ayaa xirtay Peter Elwelu, oo hore u ahaa taliye ku-xigeenka ciidamada milatariga, isla markaana ahaa la-taliyaha madaxweynaha, iyadoo lagu eedeeyay inuu ku lug lahaa falal lagu doonayay in lagu xasillooni-darro geliyo dalka.

   Afhayeenka ku-meelgaarka ah ee milatariga, Chris Magezi, ayaa sheegay in Elwelu, oo uu ku tilmaamay sarkaal ka baxay daacadnimadii ciidanka, la xiray fiidnimadii Isniinta, isla markaana maxkamad la soo taagi doono.

   Xariggiisa ayaa imanaya maalmo kaddib markii taliyaha ciidamada difaaca Uganda, Muhoozi Kainerugaba, uu ku dhawaaqay inuu Elwelu ka qaaday darajada jeneraal-laba-xiddigle, isla markaana uu hoos ugu celiyay darajada askari caadi ah.

   Elwelu weli kama uusan hadlin eedeymaha loo jeediyay.

   Elwelu ayaa caan noqday sannadkii 2016-kii, markii uu hoggaaminayay weerar milatari oo dhimasho badan dhaliyay, kaas oo lagu qaaday qasriga boqor dhaqameed goboleed oo lagu eedeeyay inuu hoggaaminayay dhaqdhaqaaq gooni-u-goosad ah.

   Markii dambe waxaa loo magacaabay taliyaha ciidamada dhulka. Intii ka dambeysay, wuxuu noqday taliye ku-xigeenka ciidamada difaaca, ka hor inta aan loo magacaabin la-taliyaha madaxweynaha.

   Warar kale oo dheeraad ah

   Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

   Qoys ka kooban 5 qof oo sababsaday bahal laga helo inta badan guryaha Soomaalida

   Mareykanka oo weerar geystay ka hor doorashooyinka xiliga dhexe

   Filin: Waa maxay sababta uu khatar u yahay gantaalkan cusub ee Ruushka?

8. 4 Saacadood ka horIran oo ka jawaabtay weerarkii Mareykanka ee Qeshm: Waxaan xaq u leenahay inaan is difaacno

   Kaddib weerarradii Mareykanka uu xalay ku qaaday jasiiradda Qeshm ee dalka Iran, dowladda Tehran ayaa sheegtay inay xaq u leedahay inay is difaacdo.

   Ku-xigeenka wasiirka arrimaha dibadda Iran, Kazem Gharibabadi, ayaa yiri: “Jamhuuriyadda Islaamiga ah ee Iran waxay xaq u leedahay inay is difaacdo ilaa gardarrada milatari si buuxda oo joogto ah loo soo afjaro.”

   Waxaan hore u soo sheegnay in saaka, xilliga maxalliga ah, Mareykanku weerar milatari ku qaaday bartilmaameedyo ku yaalla jasiiradda Qeshm, kaddib markii Ilaalada Kacaanka Iran ay rasaas ku fureen diyaarad dagaal oo Mareykan ah.

   Gharibabadi ayaa dhowr saacadood ka hor weerarkaasi ka yiri: “Hadda waxaan ku jirnaa xaalad dagaal, waxaana nala soo weeraray milatari ahaan. Sidaas darteed, tallaabo kasta oo aan qaadno iyadoo xaaladdan lagu jiro waxay noqon doontaa mid waafaqsan xaqa is-difaaca.”

   Si kastaba ha ahaatee, wuxuu sheegay in haddii la buuxiyo “shuruudaha loo baahan yahay”, ay suurtagal tahay in heshiis diblomaasiyadeed la gaaro.

   Warar kale oo dheeraad ah

   Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

   Qoys ka kooban 5 qof oo sababsaday bahal laga helo inta badan guryaha Soomaalida

   Mareykanka oo weerar geystay ka hor doorashooyinka xiliga dhexe

   Filin: Waa maxay sababta uu khatar u yahay gantaalkan cusub ee Ruushka?

9. 5 Saacadood ka horMaleeshiyada Fano oo la wareegtay magaalo ku taalla gobolka Amxaarada ee Itoobiya kaddib dagaallo culus

   

   Wararka ka imanaya Itoobiya ayaa sheegaya in maleeshiyada Fano ay la wareegtay magaalada Wuchale ee gobolka Amxaarada, kaddib dhowr maalmood oo dagaallo culus ay la galeen ciidamada dowladda.

   Magaaladan ayaa ku dhow xero ay ku barakaceen dadkii ka cararay colaadaha, halkaas oo ugu yaraan 20 qof lagu dilay duqeymo diyaaradaha aan duuliyaha lahayn loo adeegsaday toddobaadkii hore.

   Dagaallada ayaa sidoo kale hakad geliyay isu socodka gaadiidka ee waddo weyn oo isku xirta caasimadda Addis Ababa iyo waqooyiga Itoobiya.

   Waddadan ayaa muhiim u ah gaarsiinta sahayda milatari, waxaana ka mid ah adeegyada ay u adeegsadaan howlgallada ka socda gobolka deriska la ah ee Tigray, halkaas oo ciidamada Itoobiya ay kula dagaallamayaan fallaagada.

10. 5 Saacadood ka horIsraa'iil: Wax lug ah kuma lihin weerarradii Mareykanka ee xalay ka dhacay Iran

    

    Xigashada Sawirka, Reuters

    Milatariga Israa'iil ayaa Talaadadii sheegay inaysan wax lug ah ku lahayn weerarradii la sheegay in Mareykanku habeen hore ka fuliyay jasiirad ku taalla Iran.

    Warkan ayaa imanaya xilli ra'iisul wasaaraha Israa'iil, Benjamin Netanyahu, uu dhawaan ku hanjabay in dalkiisu dib u bilaabi karo dagaalka uu kula jiro Tehran.

    Afhayeen u hadlay milatariga Israa'iil ayaa wakaaladda wararka ee AFP u sheegay, isaga oo ka jawaabaya su'aal la weydiiyay, in Israa'iil aysan ka qayb qaadan weerarradii Mareykanka uu habeenkii Isniinta ka fuliyay jasiiradda Qeshm ee Iran.

    Warar kale oo dheeraad ah

    Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

    Qoys ka kooban 5 qof oo sababsaday bahal laga helo inta badan guryaha Soomaalida

    Mareykanka oo weerar geystay ka hor doorashooyinka xiliga dhexe

    Filin: Waa maxay sababta uu khatar u yahay gantaalkan cusub ee Ruushka?

11. 6 Saacadood ka horGoorma ayaa la ogaan doonaa natiijada doorashada?

    

    Xigashada Sawirka, Getty Images

    - Natiijooyinka ugu horreeya: Natiijooyinka doorashada ayaa bilaabi doona inay soo baxaan kaddib 18:00 fiidnimo waqtiga bariga Mareykanka oo ku beegan (23:00 GMT). Hase yeeshee, wax badan kama sheegi doonaan xaaladda guud ee doorashada, maadaama tartamada ugu horreeya ay ka dhacayaan deegaanno la hubo in xisbiyo gaar ahi ku guulaysan doonaan.

    - Tilmaamaha hore ee suuragalka ah: Waxaa jira tartamo adag oo Aqalka Senate-ka ah oo ka dhacaya gobollada ku jira aagga waqtiga bariga Mareykanka. Kuwaas waxaa ka mid ah Ohio, halka codbixintu xirmayso 19:30 fiidnimo (00:30 GMT), iyo Maine oo goobaha codbixintu xirmayaan 20:00 fiidnimo . Natiijooyinka gobolladan ayaa bixin kara tilmaamo hor u dhac ah oo muujinaya aragtida iyo dareenka codbixiyeyaasha.

    - Ku dhawaaqista guuleystayaasha iyo saadaasha: Warbaahinta Mareykanka ayaa laga yaabaa inay bilowdo inay ku dhawaaqdo guuleystayaasha qaar ka mid ah tartamada muhiimka ah, iyadoo adeegsanaysa habab saadaalin iyo falanqayn xogeed. Hase yeeshee, gobollada ay tartamadu aad isugu dhow yihiin, waxaa laga yaabaa inay waqti dheer qaadato ka hor inta aan la saadaalin cidda ku guulaysatay.

    - Natiijada guud: Waqtiga ay caddaanayso natiijada guud ee doorashada wuxuu ku xirnaan doonaa sida ay isugu dhow yihiin tartamada iyo gobollada go'aamin doona cidda gacanta ku dhigaysa Kongareeska.

    waxaa xusud mudan: Doorashadii 2022-kii, Jamhuuriyiinta iyo Dimuqraadiyiintu weli waxay ku loollamayeen cidda la wareegaysa maamulka Kongareeska ilaa 9-kii November maalin kaddib doorashooyinkii xilliga dhexe.

    Warar kale oo dheeraad ah

    Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

    Qoys ka kooban 5 qof oo sababsaday bahal laga helo inta badan guryaha Soomaalida

    Mareykanka oo weerar geystay ka hor doorashooyinka xiliga dhexe

    Filin: Waa maxay sababta uu khatar u yahay gantaalkan cusub ee Ruushka?

12. 6 Saacadood ka horGoobihii ugu horreeyay ee codbixinta doorashooyinka xilliga dhexe ee Mareykanka oo furmay

    

    Xigashada Sawirka, AFP

    Maanta waxaa Mareykanka ka dhacaya doorashooyinka xilliga dhexe ee Aqalka Kongareeska, iyadoo malaayiin Mareykan ah ay codkooda dhiibanayaan si ay u go'aamiyaan cidda maamuli doonta Kongareeska labada sano ee ugu dambeeya muddada madaxweyne Donald Trump.

    Maxaa doorashadan lagu dooranayaa?

    • Dhammaan 435-ka kursi ee Aqalka Wakiillada.
    • 35 ka mid ah 100-ka kursi ee Aqalka Senate-ka.
    • Sidoo kale, xilal heer gobol ah, oo ay ku jiraan guddoomiyeyaasha gobollada.

    Xisbiga Jamhuuriga ee Madaxweyne Trump ayaa hadda gacanta ku haya labada aqal ee Kongareeska. Dimuqraadiyiinta ayaa rajaynaya inay helaan kuraas ku filan oo ay aqlabiyad kaga sameystaan labada aqal.

    Haddii Dimuqraadiyiintu ay la wareegaan maamulka Kongareeska, waxay awood dheeraad ah u yeelan doonaan inay hor istaagaan qorshayaasha Trump, sidoo kalena ay baaritaanno ku sameeyaan madaxweynaha iyo xubnaha maamulkiisa.

    Sida uu sharaxay weriyaha BBC-da Anthony Zurcher, tallaabooyinkaas waxaa xitaa ka mid noqon kara isku day xilka looga qaadayo Trump.

    Goobihii ugu horreeyay ee codbixinta ayaa laga furay gobolka Vermont, saacadda 05:00 subaxnimo ee waqtiga bariga Mareykanka.

    Natiijooyinka doorashada ayaa la filayaa inay soo baxaan fiidnimada maanta iyo inta lagu jiro habeenka, iyadoo weriyeyaasha BBC-du ay ku sugan yihiin gobollo kala duwan si ay u soo gudbiyaan wararkii ugu dambeeyay iyo falanqaynta doorashada.

    Warar kale oo dheeraad ah

    Maraykanka oo ay ka dhacayaan doorashooyin laga yaabo inay qeexaan cutubka ugu dambeeya ee xilliga Trump

    Qoys ka kooban 5 qof oo sababsaday bahal laga helo inta badan guryaha Soomaalida

    Mareykanka oo weerar geystay ka hor doorashooyinka xiliga dhexe

    Filin: Waa maxay sababta uu khatar u yahay gantaalkan cusub ee Ruushka?

13. 8 Saacadood ka horKu dhowaad 10 qof oo ku dhintay qarax ka dhacay gobolka Tigray

    

    Xigashada Sawirka, DW

    Gobolka Tigray, Degmada Abergele Chilaa, qarax ka dhashay hub aan loogu talo gelin inuu qarxo ayaa sababay dhimashada sideed qof, oo ay ku jiraan shan carruur ah.

    Qaraxa waxaa idoo kale ku dhintay shan dameer.

    Qaraxu wuxuu dhacay todobaadkii hore, wuxuuna ka dhacay goob gaar ah oo lagu magacaabo Ma'arey Tabiya.

    Sida la sheegay qaraxa ayaa dhacay kadib markii dameero siday biro laga soo qaaday bakhaarka hubka ciidamada Tigray oo loo waday ganacsato iibisa birta.

    Waxaa la xaqiijiyay in birahaas ay ku jireen bambooyin iyo hub kale oo aan caadiyan qarxin oo isla goobta ku qarxay.

    Qaraxa waxaa ku dhintay shan carruur ah oo uu ku jiro ilmo laba jir ah iyo saddex qof oo waaweyn, sida ay BBC uga xaqiijiyeen qoysaska dhibanayaasha, dadka deegaanka iyo ilo ka tirsan isbitaalka.

    Maareeyaha Isbitaalka Yechilaa, Erday Assefa, ayaa BBC u sheegay in qaraxu uu dhaawacay 18 qof, 15 ka mid ahna isbitaalka la dhigay.

    Maareeyaha ayaa sheegay in saddex ka mid ah 18-kii dhibane ay ku dhinteen isla goobtii uu qaraxu ka dhacay.

    Wuxuu sheegay in 15 dhibane la keenay isbitaalka, labana ay dhinteen iyadoon wax daaweyn ah la siin, inta hartayna si degdeg ah loogu qaaday Isbitaalka Tixraaca ee Ayder iyo Isbitaalka Abiyadi.

    "Saddex ka mid ah 18-kii dhibane ayaa isla markiiba dhintay. Dadka dhintay waa carruur da'doodu tahay saddex, shan, lix iyo 12 jir," ayuu yiri.

    Wuxuu intaa ku daray in 15 qof oo dhaawac ah loo keenay isbitaalkooda.

14. 9 Saacadood ka horShiinaha oo Mareykanka uga digay tallaabo milatari uu ka qaado Iiraan.

    

    Xigashada Sawirka, Getty Images

    Wasiirka Arrimaha Dibadda Shiinaha ayaa sheegay in dalkiisu taageerayo Iran si ay u difaacdo madax-bannaanideeda iyo amnigeeda.

    Kulan uu la yeeshay Ali Bagherikani, oo ah ku-xigeenka xoghayaha Golaha Sare ee Amniga Qaranka ee Iran ayuu Wang Yi ku sheegay, in dalkiisu uu ugu baaqayo dhammaan dhinacyada ku lugta leh khilaafka Bariga Dhexe in ay diiradda saaraan xalalka siyaasadeed.

    Dhanka kale, Ruushka aya sheegay in calaamdaha muujinaya talaabooyin milatari oo cusub oo ka dhan ah Iiraan ay yihiin kuwa walaac leh.

    Shiinaha ayaa dhanka kale ugu digay Mareykanka weerar ka dhan ah Iiraan.

    Madaxweynaha Shiinaha, Xi Jinping, ayaa Axaddii kulan la yeeshay Suldaanka Cumaan, Haitham bin Tariq Al Said, isagoo sheegay in Bariga Dhexe iyo Gacanka Carbeed aysan noqon goob ay quwadaha waaweyn ee dunidu ku dagaallamaan.

    War-murtiyeed wadajir ah oo la soo saaray kulanka kaddib, ayaa Cumaan waxay ku muujisay taageerada ay u hayso hindisaha Shiinaha ee nabadda Bariga Dhexe, iyadoo sidoo kale muujisay rajada ah in Beijing ay door muuqda ka qaadato xaqiijinta xasillooni waarta oo gobolka ka dhalata.

    Shiinaha ayaa ah dalka ugu badan ee saliidda ka iibsada Iran, sidoo kalena waa saaxiibka labaad ee ugu weyn dhinaca dhaqaalaha.

    Beijing ayaa cambaareysay weerarrada Mareykanka iyo Israa’iil ay ku qaadeen Iran, iyo sidoo kale cunaqabateynta uu Washington saartay Tehran.

    Shiinaha ayaa ku nuuxnuuxsaday muhiimadda ay leedahay in diblomaasiyad lagu furo marin-biyoodka Hormuz, wuxuuna ku baaqay in xabbad-joojin la sameeyo.

15. 3 Nofembar 2026Ololaha doorashooyinka mudada dhexe ee Mareykanka oo heer gebogebo ku dhow

    

    Xigashada Sawirka, AFP

    Ololaha doorashooyinka mudada dhexe ee Mareykanka ayaa maraya heer gebogebo ku dhow, iyadoo la xisbiyada talada ku loollamaya ay xusul-duub ugu jiraan hanshada kuraasta ugu badan ee ay heli karaan.

    Xisbiga Jamhuuriga ayaa doonaya in uu ku mitido gacan-ku-haynta labada aqal ee Congress-ka iyo Senate-ka, balse saadaasha shirkadaha sameeya ra'yi-ururinta ayaa muujinaysa in xisbiga Dimuqraadigu uu ku tugtug roon yahay doorashada taageerada dadweynaha.

    Dhanka kale, maxkamadda Sare ee Mareykanka ayaa diidday codsigii maamulka Trump u uku doonayey in lagu hor-istaago gobolka California in uu tiriyo waraaqaha codbixinta boostada ee ay soo direen in ka badan 20,000 oo codbixiye oo u diiwaangashan.

    Dowladda federaalka ayaa ku doodaysa in codbixiyeyaashaas aysan ahayn muwaadiniin Mareykan ah, halka maamul goboleedka California uu sheegay in faragelin xilligan lagu sameeyo arrimaha doorashadu ay abuuri karto jahawareer iyo qalalaase.

16. 3 Nofembar 2026Trump oo labo dal oo Afrika ah ka saaraya heshiiska ganacsi ee Mareykanka

    

    Xigashada Sawirka, Getty Images

    Madaxweynaha Mareykanka, Donald Trump, ayaa aqalka Congress-ka Mareykanka ku wargeliyay qorshihiisa ah in dalalka Koonfur Afrika iyo Rwanda laga saaro barnaamijka ganacsi ee mudnaanta gaarka ah siinaya, laga bilaabo 1-da Janaayo sanadka soo socda ee 2027.

    Barnaamijka African Growth and Opportunity Act (AGOA) ayaa dalalka Afrika ee buuxiya shuruudaha u oggolaanaya inay kumannaan badeecooyin ah u dhoofiyaan Mareykanka iyaga oo aan laga qaadin canshuuraha kastamka.

    Wakiilka Ganacsiga Mareykanka, Jamieson Greer, ayaa bayaan uu soo saaray ku sheegay in dib-u-eegis sannadeed lagu sameeyay barnaamijka lagu ogaaday in labada dal ay ku dhaqmayaan hab-dhaqanno aan waafaqsanayn shuruudaha looga baahan yahay dalalka ka faa’iideysta barnaamijka.

    Waxa uu intaas ku daray in maamulka Trump uu labada dal si rasmi ah ugu wargeliyay go’aanka.

    Maamulka Trump ayaa sababaha uu tallaabadan u qaaday ku sheegay caqabadaha hortaagan ganacsiga iyo maalgashiga Mareykanka, iyo sidoo kale walaacyada la xiriira amniga qaranka iyo danaha siyaasadda arrimaha dibadda ee gobolka.

    Dhanka Rwanda, Washington ayaa sidoo kale walaac ka muujisay xaaladda xuquuqda aadanaha, hannaanka siyaasadeed ee xisbiyada badan, ku dhaqanka sharciga iyo xuquuqda shaqaalaha.

    Go’aankan ayaa imaanaya wax ka yar toddobaad kaddib markii Wasaaradda Maaliyadda Mareykanka ay cunaqabateyn saartay Wasaaradda Gaashaandhigga Rwanda, sababo la xiriira doorka lagu eedeeyay inay ku leedahay kacdoonka hubeysan ee ka socda bariga Jamhuuriyadda Dimuqraadiga ah ee Congo.

    Wasaaradda Maaliyadda Mareykanka ayaa sheegtay in Wasaaradda Gaashaandhigga Rwanda ay kumannaan askari u dirtay bariga Congo, si ay ula dagaallamaan kooxda fallaagada ah ee M23, iyadoo siisay hub, qalab milatari, taageero saadka ah iyo tababar.

    Sidoo kale akhriso:

    Caddaanka Koonfur Afrika ee aaday Maraykanka waa fulya, waxaa sidaas yiri madaxweynahooda

17. 3 Nofembar 2026Mareykanka oo weerar geystay ka hor doorashooyinka xiliga dhexe

    

    Xigashada Sawirka, Reuters

    Maraykanka ayaa duqeymo ka fuliyay Jasiiradda Qeshm ee dalka Iiraan, taas oo ku taalla Marinka Hormuz, sida ay saraakiil Mareykan ah u sheegeen CBS, oo ah telefishinka ay bahwadaaga yihiin BBC-da ee laga leeyahay dalka Mareykanka.

    Wakaaladda wararka dowladda Iiraan ee IRNA ayaa Isniintii sheegtay in dhowr qarax laga maqlay jasiiradda.

    Saraakiisha Mareykanka ayaa duqeymaha ku tilmaamay kuwo xaddidan, iyagoo sheegay inay jawaab u ahaayeen weerar ay Ciidanka Ilaalada Kacaanka Islaamiga ah ee Iiraan (IRGC) ku qaadeen diyaarad Mareykan ah.

    BBC-da ayaa la xiriirtay Taliska Dhexe ee Ciidamada Mareykanka (CENTCOM), oo ah taliska u qaabilsan howlgalada milatari ee Mareykanka ee Bariga Dhexe, si ay uga hesho faahfaahin dheeraad ah.

    Weerarradan ayaa imaanaya xilli Mareykanka uu isu diyaarinayo doorashooyinka xiliga dhexe ee Congress-ka, kuwaas oo lagu go’aamin doono in Xisbiga Jamhuuriga ama Xisbiga Dimuqraadiga uu yeeho aqlabiyadda Congress-ka.

    Madaxweyne Donald Trump ayaa wajahaya hoos u dhac ku yimid taageerada dadweynaha, iyo cadaadis kaga imaanaya xubno ka tirsan xisbigiisa oo doonaya in la soo afjaro dagaalka, kaas oo billowday markii Mareykanka iyo Israa’iil ay bishii Febraayo weerareen Iiraan.

    Isniintii, Trump ayaa wariyeyaasha u sheegay inuusan ku degdegeynin inuu kordhiyo duqeymaha ka dhanka ah Iiraan.

    "Si kastaba ha ahaatee, tallaabo ayaan qaadi doonnaa, balse kuma degdegayno," ayuu u sheegay warbaahinta Axios.

    "Dhaqaale ahaan si weyn ayaan u wiiqnay. Wax lacag ah ma haystaan, shidaalna ma haystaan, dadkooduna aad ayay uga daaleen xaaladdan," ayuu yiri.

    Sidoo kale akhri:

    Wax ka ogow doorashooyinka xilliga dhexe ee Maraykanka ee berri dhici doona