Bayern Munich ta lashe Champions League

Rahoto kai-tsaye

Umar Mikail

1. 23 Agusta 2020Muna taya 'yan Bayern murna, PSG 0-1 Bayern Munich

   Muna taya 'yan Bayern Munoich murnar lashe wannan kofi tare da fatan za mu haɗu a sabuwar kaka mai zuwa ba tare da korona ba.

   Masu bibiyarmu nan muka kawo ƙarshen sharhi a shafin namu.

   Umar Mikail ke cewa mu kwana lafiya.

2. 23 Agusta 2020Bayern Munich: Zakarun Turai

   • Real Madrid (13) da AC Milan (7) ne kaɗai suka fi Bayern yawan lashe Champions League
   • Ita ce ƙungiya ta farko da ta lashe dukkanin wasanninta na Champions League
   • Bayern ta kammala kakar wasa ta 2019-20 ba atre da an doke ta ba a cikin wasa 30 na ƙarshe a jere - ta ci 29 ta yi canjaras 1

   • Kingsley Coman, shi ne ɗan ƙasar Faransa na biyar da ya ci ƙwallo a wasan ƙarshe na Champions League bayan Benzema da Zidane da Dsally da Boli
   • Ita ce ƙungiya ta uku da ta ci ƙwallo 500 a Champions League bayan Real Madrid (567) da Barcelona (517).

3. 23 Agusta 2020Da ƙyar Neymar ya karɓi kyautarsa

   Neymar ba ya son karɓar kyautar sarƙarsa ta waɗanda suka zo ma biyu amma an lallaɓa shi ya karɓa.

   Ko zai sake zuwa irin wannan matakin?

4. 23 Agusta 2020Robert Lewandowski

   Karon farko kenan da ya lashe Chamapions League! Abin da mamaki kuma da daɗi!

5. 23 Agusta 2020Kaftin Manuel Neuer

   Manuel Neuer ya zama gola na farko da ya ɗaga kofin Champions League bayan Iker Casilas da ya ɗaga a 2014.

6. 23 Agusta 2020Bayern Munich sun zama zakarun Turai

   Karo na shida kenan Bayern na ɗaga kofin Champions League:

   2020

   2013

   2001

   1976

   1975

   1974

7. 23 Agusta 2020Shikenan! Wasa ya ƙare! Bayern ta ɗauki kofi

8. 23 Agusta 2020Kingsley Coman

   Kingsley Coman, shi ne ɗan ƙasar Faransa na biyar da ya ci ƙwallo a wasan ƙarshe na Champions League bayan Benzema da Zidane da Dsally da Boli

9. 23 Agusta 2020Neymaaaaaar

   Saura ƙiris Neymar ya farke amma Alaba ya wulla ta waje da kyar

10. 23 Agusta 2020, PSG 0-1 Bayern Munich

    'Yan wasan Bayern duka sun miƙe tsaye suna jiran usur ɗin ƙarshe.

    Minti huɗu ne suka ragfe, yanayin ba zai faɗu da baki ba duk da cewa mutanen da ke cikin filin wasan ba su fi 50 ba.

11. 23 Agusta 2020Bayern ta yi canji

    Thiago Alcantara ya fita daga fili Toliso ya shigo.

12. 23 Agusta 2020Coman ya ci iyayen gidansa

    A taƙaice dai Coman gida ya ci - an haife shi a birnin Paris sannan kuma da PSG ya fara wasansa na ƙwallo a 2004.

13. 23 Agusta 2020Thiago Silva ya samu katin gargaɗi

    Ya samu katin ne bayan ya yi wa Lewandowski ƙeta.

    Coutinho ya buga bugun tazara daga ksuan yadi na 26 amma ta yi waje.

14. 23 Agusta 2020Bayern ta ci ƙwallo ta 500 a Champions League

    Ƙwallon da Kingsley Coman ya ci ta zama ta 500 da Bayern ta zira a gaar Champions League.

    Hakan ya sa ta zama ƙungiya ta uku da ta ci 500 bayan Real Madrid (567) da Barcelona (517).

15. 23 Agusta 2020Neymar ya ɗaɗa ƙwallo

    Bayan an shiga an fita, an sake shiga an fita, Neymar ya ɗaɗa ta amma ta yi faɗi.

    Wasan ya ƙara zafi matuƙa musamman daga ɓangaren PSG da ke neman kafa tarihin lashe gasar a karon farko.

16. 23 Agusta 2020Marquinhosss

    Ƙwallo ce mai haɗari Marquinhos ya buga wa Neuer bayan Di Maria ya bugo masa daga gefen hagu.

    Sai dai golan bai yi ƙasa a gwiwa ba, ya tura ta waje.

17. 23 Agusta 2020Bayern ta yi canji biyu

    Coutinho ya karɓi Gnabry, Perisic ya karɓi Coman wanda ya ci ƙwallon.

18. 23 Agusta 2020Saura ƙiris

    Di Maria ya bugo wa Mbappe ƙwallo amma Neuer ya gan ta kuma ya kama saboda Mbappe bai iya taɓa ta ba.

19. 23 Agusta 2020PSG ta yi canji

    Marco Vratti ya karɓi Daniel Paredes

20. 23 Agusta 2020Goallllllll, PSG 0-1 Bayern Munich

    Kingsly Coman ya ci wa Bayern Munich - hakan na nufin saura ƙasa da minti 40 Bayern ta ɗaga Champion League na shida.

    Kimmich ne ya bai wa Coman ƙwallon.