Ibyo wamenya ku mabwiriza Perezida wa Kenya yatanze ku banyamahanga atangira gushyirwa mu bikorwa none

Uyu munsi Kenya iratangira igikorwa cyo guhagarika abanyamahanga bafite amaduka mato banakora ibikorwa byo gucuruza ibicuruzwa badafite ibyangombwa byemewe n'amategeko, nyuma y'uko Perezida William Ruto yategetse abayobozi guhagarika ubucuruzi nk'ubwo.

Yavuze ko abanyamahanga badakwiye guhangana n'Abanyakenya mu bucuruzi nko gucuruza ibicuruzwa bito n'ubucuruzi buciriritse, mu gihe ishoramari ry'abanyamahanga ryemewe mu bikorwa bisaba igishoro kinini n'ishoramari.

Iri tangazo ryateje ubwoba n'ihungabana mu banyamahanga bakora ubucuruzi buto muri Kenya barimo Abarundi.

''...hari ibikorwa by'ubucuruzi abanyamahanga badashobora gukora muri Kenya''- Ruto

Aganira n'abacuruzi b'ibigo bito n'ibiciriritse kuwakabili tariki 2 z'ukwezi kwa Cyenda , Perezida William Ruto yavuze ko hari impungenge ko hari abanyamahanga bashinze ubucuruzi bugurisha ibicuruzwa, bagahangana n'abacuruzi bato.

Ruto yagize ati: "Dufite Umushinga w'Inteko Ishinga Amategeko ko hari ibikorwa by'ubucuruzi abanyamahanga badashobora gukora muri Kenya. Ndashaka ko mwicarana n'abacuruzi murebe igituma iri tegeko ritaratorwa ryemezwe ku buryo dufunga ibyuho byose kugira ngo umuntu ntazave mu Bushinwa kuza gukora ubucuruzi azunguza mu mihanda".

Kuva icyo gihe imbuga nkoranyambaga zirimo X, Tiktok, Instagram zatangiye kugaragaramo imvugo n'ibiganiro bikangurira abanyamahanga batuye muri iki gihugu bakora ubucuruzi buto buto mu mihanda cyane Abarundik uva muri icyo gihugu bitarenze uyu munsi Kuwambere.

Bamwe mu Banyakenya bakoresha imbuga nkoranyambaga bavuga ko abanyamahanga bakora ubucuruzi butobuto bwo mu mihanda babatwaye akazi ariko bamwe bakabanyomoza.

Niki cyakurikiye?

Mwitangazo Umunyamabanga Mukuru w'Ububanyi n'Amahanga Korir Sing'Oei yanditse kuri Twitter agira ati: "Itangazo rya Perezida ryakuwe mu bitekerezo, ubwo yasubizaga impaka zikomeje ku mushinga w'Itegeko ry'Umushinga w'Ibicuruzwa by'Igihugu ubu uri mu Nteko Ishinga Amategeko. Kubera iyo mpamvu, twizeza ko abacuruzi bato cyangwa banini n'abakozi b'ibihugu byose, bafite ibyangombwa bisabwa - impushya zo gukora n'impushya - bafite uburenganzira bwo gukorera muri Kenya. Abarundi n'Abanyafurika y'Iburasirazuba bose - n'Abanyafurika - bafite uburenganzira bwo gutura muri Kenya igihe cyose bakora ubucuruzi bwabo cyangwa bakora nk'uko amategeko abiteganya."

Umunyamabanga wa leta muri Minisiteri y'Ishoramari, Ubucuruzi n'Inganda muri Kenya , Lee Njiru nawe yasohoye itangazo risobanura ko kwinjira nta viza biha abanyamahanga uburenganzira bwo gukora, gucuruza cyangwa kuyobora ubucuruzi, ababurira ko abanyamahanga basanzwe bakorera hanze y'uburenganzira bwabo bwo gukurwaho viza.

Bamwe mu Banyakenya bakoresha imbuga nkoranyambaga bavuga ko abanyamahanga bakora ubucuruzi butobuto bwo mu mihanda babatwaye akazi ariko abanda bakabanyomoza.

Abarundi bari muri kenya baravuga iki?

Bamwe mu Barundi batuye mu mujyi wa Nairobi babwiye BBC Gahuzamiryango ko ubu bafite ubwoba bw'umutekano wabo nyuma y'itangazo ryatanzwe na Perezida Ruto. Bavuzeko ubu bahagaritse ubucuruzi bakoraga n'imurimo y'indi kuko bamwe mu bagenzi babo bahohotewe.

Umwe muri bo yagize ati: "Aho dutuye hano haracecetse. Ariko hari abasore bagera kuri batanu birukanywe aho babaga baza gushaka aho bacumbika iwacu. Bagiye kare mu gitondo. Sinzi aho bagiye. Uyu munsi turaguma mu nzu."

Hari raporo n'amashusho y'abacuruza bodaboda barimo abaturutse mu Burundi bahohoterwa ndetse na videwo zimwe na zimwe zitaremezwa zerekana ko bamwe mu Barundi bahunze bambuka umupaka.

Iyo ngingo ntigiye guteza ikibazo Kenya gusa…

Umukuru w'ishirahamwe ry'abarundi baba muri Kenya Alexis Ntinanirwa avuga ko atashimye ibyo umukuru w'igihugu yavuze.

Mu kiganiro yahaye BBC Ntinanirwa yagize ati: ''Iyo ngingo ntigiye guteza ikibazo muri Kenya gusa, abarundi bakora muri Kenya gusa, ahubwo igiye guteza ikibazo no mu karere'', niko Ntinanirwa avuga.

''Kuko hariho n'abaKenya basanzwe bakora ubwo buzi butobuto mu bihugu byacu, mu Burundi, muri Tanzania, muri Uganda''.

Leta y'uBurundi yaravuga iki?

Ambasade y'Uburundi muri Kenya yatangaje impapuro z'inzira zihutirwa ku buntu ku Barundi bashaka gutaha. Ambasade ivuga ko gutanga laisser-passer bizatangira uyu munsi.

Guverinoma y'Uburundi ivuga ko irimo gukurikirana iki kibazo. Minisitiri w'Ububanyi n'Amahanga w'Uburundi, Edouard Bizimana, avuga ko itangazo rya guverinoma ya Kenya ku mpushya zo gukora ritavuga ku birego by'urugomo rukorerwa abanyamahanga, cyane cyane Abarundi.

Minisitiri w'Ububanyi n'Amahanga w'u Burundi, Édouard Bizimana, yavuze ko itangazo rya Guverinoma ya Kenya ku ruhushya rw'akazi ritareba ibirego by'ihohoterwa rikorerwa abanyamahanga, by'umwihariko Abarundi .

Mu butumwa yanyujije ku rubuga rwe rwa X, Bizimana yavuze ko Abanyakenya baba mu Burundi mu mahoro, asaba Guverinoma ya Kenya kurinda ubuzima n'umutekano w'Abarundi baba muri Kenya.

Ubu butumwa buje nyuma y'inama y'igitaraganya Bizimana yagiranye mu mpera z'icyumweru gishize n'abahagarariye ibihugu bigize Umuryango wa Afurika y'Iburasirazuba byemewe mu Burundi, harimo na Kenya.

Bizimana yavuze ko yabasabye kugeza impungenge z'u Burundi kuri guverinoma zabo no kugenzura ko Abarundi badatotezwa.

BBC Gahuzamiryo yashatse kumenya inkamba u Burundi bwiteguye gufata , Bizimana avuga ko ibyo yanditse kuri X "bisobanutse cyane" ko "bakurikiranira hafi uko ibintgu byifashe" kandi ko batazagira ikibakoma mu "gufata icyemezo" mugihe Abarundi bahohotewe.

Yanenze kandi igitekerezo cyo kwemerera abasivili gukora imirimo ya polisi, avuga ko bishobora guteza urugomo, gusahura no kwanga abanyamahanga.