Dyn wedi marw ar ôl gwrthdrawiad car rali ar ffordd gefn
Cafodd Heddlu'r Gogledd eu galw i wrthdrawiad ar lôn gefn rhwng y B5105 a Melin-y-Wig, ger Corwen, toc wedi hanner nos
- Cyhoeddwyd
Mae dyn wedi marw yn dilyn gwrthdrawiad yn ystod yr oriau man yn Sir Ddinbych.
Cafodd Heddlu'r Gogledd eu galw i wrthdrawiad ar lôn gefn rhwng y B5105 a Melin-y-Wig, ger Corwen, toc wedi hanner nos fore Sadwrn.
Dywedodd y llu bod y gwrthdrawiad yn ymwneud â char rali Ford Escort melyn o 1992.
Bu farw'r gyrrwr, dyn 70 oed, yn y fan a'r lle.
Mae'r heddlu'n apelio ar unrhyw dystion i'r gwrthdrawiad i gysylltu â nhw.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
