Bliadhna nan ÒranYear of Song

Na hù a ho rò hù bha hò
Mo nighean donn bhòidheach
Na hù a ho rò hù bha hò.

Gur e mis tha trom deurach
'S deoch mo rèitich air tòrradh.

Nuair a ràinig mi am baile
Cha robh aighear na ceòl ann.

Bha na mnathan ri fuaigheal
'S bha na gruagaichean brònach.

'S daor a cheannaich mi an t-anart
Chaidh a bhannadh mud dhòrnaibh

'S Thus' a chruthaich na dùilean
Cùm mi gun a dhol gòrach.

Cùm mo chiall rium 's mo ghliocas
Gus an tig Thu gam fheòrach.

'S dubh a choisich mi 'n oidhche
Chun a' mhaighdinn bu bhòidhche.

Chaidh mi còrr is naoi mìle
Anns an tìr 's gun mi eòlach.

Nuair a ràinig mi 'm baile
Cha robh dad mar bu chòir dha.

Bha na mnathan ri fuaigheal
'S bha na gruagaichean brònach.

Bha mòran luchd-guil ann
'S cha robh guth air luchd-ciùil ann.

Bha mo ghràdh-sa bu dìleas
Na sìneadh san t-seòmar.

Na laighe fon uinneig
'S cha chluinneadh mo chòmhradh.

'N deoch a thug mi gu banais
Air an talamh chaidh a dòrtadh.

'S fhad 's is beò mi air thalamh
Siud mo chuid den a' phòsadh.