Fàilte Dhut is Slàinte Leat

Òran air a sgrìobhadh le: Gun Urra agus air a sheinn le: còisir òg a' bhac.

This is a song written by: Gun Urra and sung by: còisir òg a' bhac.

Facail an Òrain / Song Lyrics

Sèist / Chorus

Fàilte dhut is slàinte leat,
'S i 'n fhàilte chuirinn às do dhèidh,
Fàilte dhut is slàinte leat.

Fhleasgaich òig a dh'fhàg an dùthaich,
'S e mo dhùrachd dhut gu dian;
Turas taitneach 's ruigheachd sàbhailt,
Dh'ionnsaigh 'n àit' an d' rinn thu triall.

Bhon a dh'fhàg thu càirdean gaolach,
Tha gach aon fo àmhghar geur;
Tha gach sean is òg fo mhì-ghean,
Is gach nìghneag sileadh dheur.

Nàile! ghuidhinn dhut gun bhrosgal
Slàinte, sonas agus miadh;
'S cuibhl' an fhortain bhith dol timcheall
Ceart mar fhreagras i dod mhiann.

Èist / Listen

Air a sheinn le / Song sung by còisir òg a' bhac

The Adobe Flash player and Javascript are required in order to listen to some audio which appears on this page. You may wish to download the Adobe Flash player.

Cuspairean / Themes

Gaol / Love

Làraich eile / Related links

Copyright © 2015 BBC.Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.