Bliadhna nan ÒranYear of Song

Sèist / Chorus

Rinn sgiathan na madainn mo ghiùlan air astar
'S thog iad dhomh aiseag gu h-aighear thar sàl
Mo chridhe nam bhroilleach a' sgàineadh le fadachd
Gu ruighinn am baile 's na chleachd mi bhith tàmh.

Bha aiteas air m' inntinn ri pilleadh nan ionnsaigh
Bha smuaintean mo chinn a' cur smuaintean air dòigh
Leis an cuirear oir fàilt' ann an cànan mo mhàthair
Nuair ruiginn an t-àit' 's an deach m' àrach 's mi òg.

Ach shìn mi a mhuinntir bha dlùth ann an dàimh rium
'S a thaisbean dhomh coibhneas na mo naoidhean gun treòir
Cha robh iad ri faighinn a-nis anns a' bhaile
Bha àiteachan falamh air talamh nam beò.

Nuair chì mo an òigridh a chleachd a bhith còmh' rium
'S ann a bha mi air faondradh mar aon bhiodh air chall
'Bha an clachan air caochladh is mise ri caoineadh
Gun d' fhalbh luchd mo ghaoil is nach fhaod iad bhith ann.

Ràinig is fhuair mi na cnocan 's na cruachan
Na feadanan luath ' na fuar-bheannaibh mòr
Na lochan, na cluaintean 's na glinn a bha snuadhmhor
Far an tric bha mi buachailleachd uain mun a' chrò.

Lìonadh le tùrs' mi bhith faicinn mo dhùthaich
Bha deòir air mo shùilean is driùchd air mo ghruaidh
Ged fhuair mi na tulaich, na slèibhtean 's na mullaich
Cha d' fhuair mi ma curaich a chunnaic mi uair.

Ach b' èiginn dhomh gluasad a-rithist thar chuantan
Bu mhath leam mo chuairt seo gu cluaintean mo ghràidh
O soraidh gu buan leat, a Leòdhas bheag uasal,
Far an robh mi gu luaineach ri gluasad nam phàist.